Mak Nandaꞌafi 13:13 - Basef Buꞌwami Godi

¹³ Anona nemaf epes hiesi wambel hiagoma opalef aoma ipe' endilisi. Esis sati ipe' paila basef ae'ami na'ama dei' sahepa. Ea' emi egafis sembale'efa Ae' situ la'ifis sotaga nemaf akutainai, isima anona nemaf God nefa'as sotanimani.

Mak Nandaꞌafi 13:13 Iomraidhean Croise

Matyu Nandaꞌafi 10:22

Anona nemaf epes hiesi wambel hiagoma siti ipe' pila basef ae'ami, ea' opalef aoma ipe' endilisi. Ea' emi egafis sembale'efa Ae' la'ifis situma seatagama nemaf akutainai, anona nemaf God nefa'as sotanimani.

Matyu Nandaꞌafi 24:13

Ea' emi egafis sembale'efa ae' la'ifis situ seatagama nemaf akutainai, isima anona nemaf God nefa'as setanimani.

Matyu Nandaꞌafi 24:9

Amama motaga ma ea', esis sofa'epa ma sese'epa nimanimi, ea' sehepa pega'. Epes hiesi wambel hiagoma opalef aoma ipe' kwapete' endilisi. Esis sati ipe' paila basef Ae'ami na'ama dei' sahepa.

Mak Nandaꞌafi 13:12

Anona nemaf esis hiesi sahin owan sondanda'ma kot, sohas soga'. Ea' ahapas sonda'am na'ama etina esis nogamas asasisi. Ea' batawisas wapoti' sonda' kotima mamasas asasisi enis sohas soga'.

Luk Nandaꞌafi 21:17

Anona nemaf epes hiesi wambel hiagoma opalef aoma ipe' endilisi. Esis sati ipe' paila basef ae'ami, na'ama dei' sahepa.

Luk Nandaꞌafi 6:22

Ae' ataga epen endilisiwei. Nambimb enis epes siti ipe' pila ae', esis opalef aoma ipe' endilisi. Ea' sowa' alafugaha ipe' sese'epa agof awami endilisi si'i ipe' epes aopai sindaiwa'mepa sogalo'mepa.

Jon Nandaꞌafi 15:21

Esis ina sogawa Ahalome nasapa'e afi'i, owa'. Ipe' ukup mopoma agel ae'anai, ea' ae'ipei. Ea' esis saila waf etapanai sonda' amamaga awami hiami ma ipe'.

Jon Nandaꞌafi 17:14

Basef ine'imi, ae' ase'asam ea'. Esis amam nematawa sanda'ma esis naumbih sanda'as awes. Dei' main? Esis ina saila waf etap anae'inai si'i ae' wapoti' ina etap anae'iwei, owa'.

Basef Amama Pol Nandaꞌam Mafeꞌma Esis Romi 2:7

Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

Galesia 6:9

Amama atom dei' ape' ina ala'uta napa ma monda' waf bu'unai, owa'. Monda'ana la'ela'ef. I'i bihiguf ape'imi monda' maol la'ifina, anona nemaf mola' gwa'aimi bu'wami endilisi.

Hibrui 10:39

Ape' ina epes umbamahapa matanima mefe' makwaha mombale'efa God ama owagama higililapa, owa'. Ape' epes mombale'efana mofa' ambal namunai mope andeande' la'ela'ef.

Hibrui 3:14

Ape' fowa' mali' mombale'efana, ea' dei' mombale'efana la'ifipa la'ela'ef, mefe' motagama moga'. I'i ape' monda'am na'ama la'ela'ef, ape' amam nematawa endilisi Kraisi, mape la'ifipa malomana.

Jems 1:12

Emi egafis saitu la'ifisa hiahaom meagwambasi matagamas, esis sondanifel. Dei' main, nemaf anama esis sikila' amama waf aonai naninani ea' hi'ilana, anona nemaf esis sofa' amamaga bu'wami si'i prais. Amama na'ama. Ambal namunai God na'i endilisi noso'asam emi egafis ukup maimaila anan.

1 Jon 3:13

Ipe' sahin owan ae'ipei, i'i esis sape etapi sowa' alafugaha Godi sindaiwa'mepa, ipe' ina gegelelesipa, owa'.

Revelesen 2:10

Ipe' ina umbamehepama nambimb pefa' nimanimi, owa'. Ipe' peme'! Nambimb Satan nonda' enipa penda' kalabusa nogwamba ipe' pefa' nimanimi amama nimeguf 10-peleim. Ea' kwawie', ipe' pembale'efa Ae' pitu la'ifipa ma enis si'i sehepa pega', pitu la'ifipa pembale'efa Ae'. Ama Ae' anona nemaf ease'epa ambal namunai ipe' si'i amamaga bu'wami esis sasagih sikila' sefa'ami.

Revelesen 3:10

Ipe' paila basef ae'ami andeande' paitu la'ifipa ma nimanimi amama matagamipei. Ea' Ae' dei' imafi ipe' ma nemaf anama amama meagwambipei motagama amam nematawa hiesi etap hiagomai ma God nowalogas waf bu'unai aonai. Amama ina anona nemaf motagama ipe', owa'.