Mak Nandaꞌafi 12:2 - Basef Buꞌwami Godi

² Ama nogota su'utip mailanai, nafamona aof anamai nasapa' anona nanda' maoli nafe' ma amam manda' maol aof ananinai. Na'i amam mose'ana anom su'utip gwa'aimi ma aof anama.

Mak Nandaꞌafi 12:2 Iomraidhean Croise

Matyu Nandaꞌafi 21:34

Nogota su'utip mailanai, nasapa' anom manda' maola anani mafe'ma amam manda' maol aof ananinai. Anan na'i amam mose'ana anom su'utip gwa'aimi aof anama.

Mak Nandaꞌafi 12:1

Ea' Jisas nanda' anom basef womun etina esis na'i, “Anona aman dembinai nanda' anona aof nawa wain nahopana. Aof anama nomon anan nanda' anona tang notawa ma sofa'asa su'utip amama wainim, ea' nala' anona ipat launai notawa sope sumafiagon. Ea' nakwahomama aof anama anom amam ma'i monda' maolanana. Ea' anan nafe' napani anona wambel laugoma.

Mak Nandaꞌafi 12:3

Ea' mombalo'ana mahana matofana notanima nafe'.

Luk Nandaꞌafi 12:48

Ea' emi egafis sanda' maoli owa' seagawa okom dembinai asasinai ma seanda' waf nendahama esis sefa' nimanimi, nambimb dembinai nohas sa'ombel. Ea' emi egafis enis sease'asa amamaga hiami, anona nemaf epes isima si'ipas sogwamasam amamaga wapoti'. Ea' emi egafis enis sease'asa amamaga hiami sase'as sumafiami, anona nemaf epes isima si'ipas sogwamasam wapoti' mikila' fowa' sali' sase'asami.

Luk Nandaꞌafi 20:10

Ama nogota su'utip mailanai, anan nafamona aofi nasapa' anona nanda' maoli nafe'ma amam manda' maol aof ananinai. Anan na'i amam mose'ana anom su'utip gwa'aimi ma aof anama. Ea' amam mahana matofana notanima nafe'.

Hibrui 1:1

Fowa' gani God na'ipa akusapa bafasapa ape'isi na'ama, na'ipasa basef ananimi nimeguf atona etin na'ipa amam profeta eaf hianai mawalipas ma'ipasam.