Mak Nandaꞌafi 11:23 - Basef Buꞌwami Godi

²³ Endilisi ae' a'ipipa, emi egafis owa' ukup bimbiefim mopeis ma esis ukup etifim sembale'a basef Ae'ami endilisi si'ipa halaf nani si'i, ‘Ine' degia nefe' newala naoh,’ endilisi God nambimb nonda'am motaga si'i esis ukup ma'iam.

Mak Nandaꞌafi 11:23 Iomraidhean Croise

Matyu Nandaꞌafi 14:13

Jisas name' basef amama, anan atona nafe' nakwaha wambel anama nofa' bot nafe' anagon wafiguma epes a'agoma. Ea' amam nematawa hiesi same' basefa Jisas nafe', sakwaha wambel hiagoma asasima sailana safe' eaf sa'i sotolona.

Matyu Nandaꞌafi 17:20

Ea' na'ipam na'i, “Bale'ef ipe'inai ata' sa'ona, Amama atom dei' ipe' ina la'ifipa, ata' owa'. A'e, ae' a'ipipa endilisi, i'i bale'ef ipe'inai so'ona, nendahama si'i nalelef sa'umi mastetimi lawag, nambimb ipe' pi'ipa halaf nani pi'i, ine' degia nefe' newala gani wa'ol, nendegia nefe'. Ipe' pembale'efa ae' la'ifipa, na'ama dei' la'ifipei ma penda' maolan hianai naninani. [

Matyu Nandaꞌafi 21:21

Ea' Jisas nagwamama basef amam na'ipam na'i, “Ae' a'ipipa endilisi. I'i ipe' pembale'efa ae' endilisi ma ipe' ina ukup biembiefim mupeipa, nambimb ea' penda'am si'i ae' anda'ama lawag anama fik. Ea' ipe' ina penda' amama atom, owa'. I'i ipe' pi'ipa halaf nanima pi'i, ‘Ine' degia nefe' newala naoh,’ nambimb neme'epa nilam si'i ipe' pa'iam.

Luk Nandaꞌafi 17:6

Ea' Dembinai na'ipam na'i, “I'i bale'ef ipe'inai so'ona nendahama si'i nalelef sa'umi mastetimi lawag, nambimb ipe' pi'ipa lawag nanima su'utip mailanai pi'i, ‘Ine' degia neloma ofagena nefe' newala naoh embel nomon,’ ea' nila basef ipe'imi.”

Jon Nandaꞌafi 14:13

Amamaga hiami ipe' penda' beten pihali'ana agel ae'anai, anona nemaf ae' enda'am. Ama Ahalome nofa' agel lu'unai ma opeh ae' nogalomana ananiwei anona nemaf enda'am.

Jon Nandaꞌafi 15:7

I'i ipe' pepe ae' ma basef ae'ami mope nomona ipe', ipe' pihali' ae' ma maim basef pendahama ukup ipe'imi ma'iam, anona nemaf amamaga amama motagamepa na'ama etin.

1 Korin 13:2

I'i Ambal Bu'unai Godi nose'e presen amamaga bu'wami nefele ma ewalipasa basef Godi ma egawa okom hiami Godi mape mandamabahi'i hi'ilam, ama egawa gawa hianai wapoti', ma embale'efa God la'ifiwi endilisi ma la'ifiwi ma i'ipama halafutagw mindiki'ah mefe' gani to'wan, ea' ae' owa' okom ninila esis amam nematawa endilisi, ae' falafuwei atowe.