Mak Nandaꞌafi 10:21 - Basef Buꞌwami Godi

²¹ Ea' okom Jisasi nohafela anan nainailana, na'ipana na'i, “Ine' anona waf bu'unai atotona ata' owa' neanda'anai. Ine' fo'o nese'asa amamaga ine'imi hiami enis epes sotaluma nefa' moni anama nenda'ana neso' isima kwahusi. Nenda'am na'ama ma anona nemaf nefa' amamaga bu'wami gani heven ilif. Ea' nembale'efa ae' nila ae'.”

Mak Nandaꞌafi 10:21 Iomraidhean Croise

Matyu Nandaꞌafi 16:24

Dei' Jisas na'ipa alupumi ananimi na'i, “Ae' efa' nimanimi anda' maol Godi sehe ega' lawag usi'inai tu'wanainai. I'i emi egafis si'i sila ae', esis senda'am na'ama etin si'i ae' ma sieili. Ea' sehagofa ukup asasimi ma maina maol esis sa'i senda'anai.

Matyu Nandaꞌafi 19:21

Ea' Jisas na'ipana na'i, “I'i ine' ni'i neataga bu'winai endilisi, ine' fo'o nese'asa amamaga ine'imi ma enis epes sotalinama nefa' moni anama nenda'ana nese isima kwahusi. Nenda'am na'ama ma anona nemaf nefa' amamaga bu'wami gani ilif heven. Ea' ine' nifi'i nila ae'.”

Mak Nandaꞌafi 10:22

Ea' aman anama neme' basef amama nandaiwa'ma nonda'am nose' enis epes kwahusi. Ea' okom ananinai nimanina endilisi nandamboma megah atogah nafe'. Dei' main? Anan amamaga hiamunai.

Mak Nandaꞌafi 8:34

Ea' Jisas nofalai esis amam nematawa hiesi safi'mai Anan saloma alupumi ananimi na'ipas na'i, “I'i emi egafis si'i sila Ae', esis ata' seho'ofa ukup asasimi atom mowala, sefe' owin ama God ea' ina umbamahasa enis epes sohas soga', owa'. Ae' efa' nimanimi ma anda' maol Godi nambimb sehe ega' lawag usi'inai tu'wanainai. Epes isima senda'am na'ama etin si'i Ae' ma sigi'ma ae'. I'i owa', owa'etin.

Luk Nandaꞌafi 10:42

Ea' waf bu'unai atotona ine' a'ena. Maria kwa'i kofa' amamaga amama bu'wami mikila' anom. Ina enin epen la'ifinama nili'amona amamaga amama bu'wami ma akwa'w, owa'.”

Luk Nandaꞌafi 12:33

Ipe' pese'asa amamaga hiami ipe'imi ma enis epes sotalomepam, ea' pefa' otamba pewalogam pese' isima kwahusi pigiambamas. Ipe' penda' maol pegolopa paos otambaimi anona nemaf owa' motaga aom. Ipe' pekolasa otamba wiga maim amamaga bu'wami atom heven ilif nemaf owa' hegilialami. Anama sakowalefi ina suwis sokowalopam, owa'. Sopafowa maim owa' meatotopa'am hiahaom, owa'.

Luk Nandaꞌafi 16:9

Ea' Jisas na'i, “Ae' a'ipipa ma moni wiga maim ma'oh etap anae', ipe' penda' enis amam nematawa sotaga alupisi ipe'isi. Ea' i'i nemaf esis sohapila wiga monianai hi'ilana, anona nemaf God nofa'epa pefe' ifagw mape ilif heveni pepe andeande' la'ela'ef hihif.

Luk Nandaꞌafi 18:22

Ea' Jisas name' basef amama na'ipana na'i, “Ine' anona waf bu'unai atotona ata' owa' neanda'ana. Ine' fo'o nese'asa amamaga ine'imi hiami enis epes sotaluma ine' nefa' moni anama nenda'ana neso' isima kwahusi. Nenda'am na'ama ma anona nemaf nefa' amamaga bu'wami gani heven ilif. Ea' nifi'i nembale'efe ae' nila ae'.”

Luk Nandaꞌafi 19:41

Ea' Jisas nataga felefele'ma Jerusalem natologon nalopagon. Nalopa esis amam nematawa sape taun anamaisi.

Luk Nandaꞌafi 9:23

Ea' na'ipa alupumi ananimi na'i, “Ae' efa' nimanimi anda' maol Godi sehe ega' lawag usi'inai tu'wanainai. Emi egafis si'i sila Ae', esis senda'am na'ama etin si'i Ae' la'ela'ef nimeguf danda ma sieili. Ea' sesambala ukup asasimi ma maina maol esis sa'i seanda'anai.

Jon Nandaꞌafi 12:26

Emi egafis si'i sonda' opeh ae'ami, esis sila ae'. Mamagoma ae' eapoma, isima sanda' opeh ae'ami esis sope soloma ae'. Ea' emi egafis sonda' opeh ae'ami, Ahalome ae'anai nambimb nefela agof asasimi motaga lu'um.”

Jon Nandaꞌafi 16:33

Ae' a'i ipe' pepe pelome opalef ipe'imi mope awanem. Na'ama dei' a'ipipa basef amama. Etap anae' ipe' peme' opalef nimanim. Pepe la'ifipa! Dei' main, ae' agalo'ma waf aonai etapanai ikila'ana ea'.”

Aposel 2:45

Ea' esis sombale'efanai enis sase'asa etap asasinai naloma anom amamaga asasimi mafe'ma enis epes satalamasam. Ea' sofa' otamba ma amamaga sotambel sanda'am sase' epes isima gwa'aimi a'asi kwahusi.

2 Korin 12:15

Ae' okom na'iam endilisi ma ekwaha amamaga hiami ae'ami ea' elelama ambal ae'anai ekwahona igiambamepa. Ae' okom na'i na'ama. Waf ae' okom nanailipanai nataga nape lu'una endilisi la'ela'ef nikila' fowa'. Ea' waf ipe' ukup maimilianai nowala sa'osa'ona endilisi la'ela'ef nape.

2 Timoti 3:12

Emi egafis sope la'ifis soloma Krais Jisas ma sila waf Godi andeande', naumbih asasisi anona nemaf sonda'as kwapete'as.

Hibrui 10:34

Nemaf anama ipe' pati esis amam nematawa sape kalabusi uwahipis pefa' nimanimi palomas. Ea' nemaf anama esis salo' lagofepa sefa' amamaga ipe'imi, ipe' pandanifel ma faso'mepa pape patilis. Dei' main, ipe' pegawa amamaga ipe'imi bu'wami endilisi ata' ma'omepa, amama anona nemaf mupe la'ela'ef. Amama mikila' endilisi amamaga amama sali' sanda'mepami.

Jems 2:10

Dei' main, emi egafis sila basefa mi'uli hianai hi'ilana ea' sesambala anona mi'uli anama atotona anom basef tu'wanim kwaie'um, epes isima ofagema asasimi si'i sawala mi'uli anama hianai hi'alana.

Revelesen 2:14

Ea' Ae' a'i i'ipipa anom basefa waf aonai ipe' panda'anai dei' ata' napomepa. Enis amam nematawa sape salomepa Pergamum, esis ata' saila waf anama si'i anona aman Balam fowa' nanda'anai la'ifis. Waf aman anama na'ama. Fowa' gani anan nihi'amba anona aman Balak nambaso'mana nanda' esis amam nematawa Israelisi sowa sanda' waf aonai. Ea' Balak nafela ukup esis Israeli ma sagwa' mafis maloma gwa'aimi amama saso' god baso'omunai sanda' waf aonai so'a waolanai.

Revelesen 2:20

Ea' Ae' anom basefa waf aonai ipe' panda'anai. Ipe' pati nemata'w akwama Jesebel kwape kwalomepa. Akwa'w kwa'i, ‘Ae' profet a'i basef Godi mandambahi'i.’ Owa', kwambaso'mepa kwawalipa ipe' panda' maola ae'i panda' waf so'a waolanai aonai ma pa' gwa'aimi amama sondolali saso' god baso'omunai.

Revelesen 2:4

Ea' dei' anom basef awami mapomepa. Fowa' dambadamba ukup ipe'imi maimaila Ae' pembale'efa Ae' andeande', ea' dei' owa'etin.