Mak Nandaꞌafi 10:1 - Basef Buꞌwami Godi

¹ Ea' Jisas nakwaha wambel anama nafe' anona etap hiagoma Judia nambo walemb Jordan gani fisana. Ea' amam nematawa hiesi safi'mai Anan wapoti', nase'asa basef si'i la'ela'ef nawalipasam.

Mak Nandaꞌafi 10:1 Iomraidhean Croise

Matyu Nandaꞌafi 26:55

Ea' Jisas na'ipa esis amam nematawa hiesi na'i, “Ipe' pefa'ai bainahi belep pafi'i si'i pafi'i pa'i pewa' anona aman aonai napa' naloma gavmani? Nimeguf hiami ae' ape alomepa ipat lu'unai Godi awalapa basef bu'wami esis amam nematawa hiesi ea' ipe' ina pembale'e.

Matyu Nandaꞌafi 4:23

Ea' Jisas nafe' etap hiagoma Galili, nafe' na'ipasa basef bu'wami Godi amam nematawa hiesi nomon ifagw esis Juda sa'i basef sapeimi. Basef bu'wami anan na'ipasami amama ma'i, “Nemaf anama bu'unai nafi'mai ipe'. Ama ipe' hipei piowis kingdom heveni.” Ea' nanda' epes hiesi awes naninani nanda'asi sataga bo'wes wapoti'. Awes main naninani nanda'asi, Jisas la'ifina nanda'as sataga bo'wes.

Mak Nandaꞌafi 1:21

Jisas naloma alupumi ananimi Jems naloma Jon, Saimon naloma Andru mafe' Kaperneam mape. Nemaf anama esis Juda sapoma noma'wanai, Jisas nao'wam mafe' mawis ipat esis Juda sa'i basef sapeinai ea' na'ipasa basef amam nematawa.

Mak Nandaꞌafi 10:2

Ea' anom Farisi mafi'i mahali' Jisasa anom basef magwambana ma'i, “Mi'uli ape'inai andeande'ma anona aman nondaiwa'ma nemata'w anani'wi nokwaho'w o owa'?”

Mak Nandaꞌafi 12:35

Ea' Jisas nape felefele' ma ipat lu'unai Godi sanda' lotuwanai nase'asa basef esis amam nematawa na'i, “Amam mawalipasa mi'uli Godi ma'i, ‘Krais, aman anama God nandandepana nasapa'ana niefi'i, Devit akunamana.’ Ea' ma'i Krais aman atona etapanai. Dei' maina ma'iam na'ama ma Krais?

Mak Nandaꞌafi 14:49

Nimeguf hiami ae' ape alomepa felefele'ma ipat lu'unai Godi awalapa basef bu'wami ma esis aman nematawa hiesi, ea' ipe' owa' pembale'e. Ea' dei' paila basef mape Baibeli pafi'i pewa'e si'i basef fowa' gani ma'iam. Ae' a'i basef amama dei' motaga endilisi mola' gwa'aimi.”

Mak Nandaꞌafi 2:13

Ea' Jisas notanima naila akata nafe' walemb batupa'manai lu'unai Galili. Amam nematawa hiesi safi'mai anan na'ipasa basef bu'wami God.

Mak Nandaꞌafi 6:2

Nemaf anama sapoma noma'wanai sa'i Sabat nataga, nafe' nawis ipat esis Juda sa'i basef sapeinai na'ipasa basef Godi amam nematawa, same'ana sohafel gegelalasis sa'i, “Aman anama nofa' basef amama eti? Emi nase'ana gawa anama? Emi nagiambamana ma dei' nanda' pepel anama si'i God nanda'anai?

Mak Nandaꞌafi 6:34

Ea' Jisas nafe'ma nisila' akata, nati esis hiesi. Natilis ina anona aman nape numafias, owa'. Esis sape si'i sipsip owa' enin epen nimafiase, ea' nati esis uwahipis nawalipasa basef bu'wami hiami.

Mak Nandaꞌafi 6:6

Amam nematawa wambel Nasaretisi owa' sembale'efa Anan. Na'ama Anan nomonas matamea mafe'. Ea' Jisas nakwaha wambel ananinai Nasaret nafe' na'ipasa basef Godi amam nematawa wambel hiagoma nape felefele'i.

Jon Nandaꞌafi 10:40

Ea' Jisas notanima nambo walemb Jordan fisana nafe' nataga anama fowa' dambadamba Jon napisi'as embel ea' nape anama.

Jon Nandaꞌafi 11:7

Nimeguf biam mafe'ma ea', na'ipa alupumi ananimi na'i, “Afa' dei' otanima ofe' etap hiagoma Judia.”

Jon Nandaꞌafi 18:20

Ea' Jisas nagwamana na'i, “Ae' awalipasa basef ae'ami alihiguma ma epes hiesi etapasi. Ae' awalipas nomon ifagw esis Juda sa'i basef sapeimi nimeguf hiami la'ela'ef. Ea' awalipas ipat lu'unai Godi wapoti', ipat anama esis Juda hiesi sandakolas etifigin. Basef ae' a'iami ina mandambaho', owa'.