Mak Nandaꞌafi 1:24 - Basef Buꞌwami Godi

²⁴ “Jisas ine' Nasaretinai, ine' nafi'i na'i nenda' maina afa'? Nafi'i ma nehambombagafa? Ae' egawena ine' aman bu'winai Godi.”

Mak Nandaꞌafi 1:24 Iomraidhean Croise

Matyu Nandaꞌafi 2:23

Ea' nafe' nape enin taun sa'uni sofalagon Nasaret si'i anom basef amam profet fowa' ma'iami ma'i, “Owagama esis sofalana si'i Nasaretinai.” Basef amama dei' mataga mandawalap endilisi.

Matyu Nandaꞌafi 8:29

Ea' mofala Jisas mehip ma'i, “Ine' God Nogalamana. Ine' na'i nenda' maina afa'? Ine' na'i nehafa ofa' nimanimi lu'wami? Nemaf anama na'i niahafanai ina dei' nataga, ata' owa'.”

Mak Nandaꞌafi 1:23

Nemaf anama anona aman nape nalomas ipat anama, ambal aonai napeinai ea' mehip etin ambal anama noga na'i mehip na'i,

Mak Nandaꞌafi 1:25

Ea' Jisas ninifalom na'i, “Ine' ambalip aonai, feso'mena kwaha aman anama fo'o.”

Mak Nandaꞌafi 10:47

Bartimeus name' basefa Jisas Nasaretinai nafi'i nape, ea' nofalana mehip na'i, “Jisas, ine' akunamana Deviti, niti ae' uwahipiwi!”

Mak Nandaꞌafi 16:6

Ea' anan na'ipawa na'ama na'i, “Ipe' ina umbamehepa, owa'. Ae' egawepa ipe' pafi'i pegolopa Jisas Nasaretinai, esis saundana naga' lawag usi'inai tu'wanainai. Anan notanima nohafel ea', ina ata' nape na'ae, owa'. Ipe' piti na'ae sofa'ana sawisi salana nalama. Dei' wafigin nape.

Mak Nandaꞌafi 5:7

Ea' Jisas nogawa aman anama ambagof awami mapeinai. Ea' na'ipam na'i, “Ipe' ambagof aopei, ipe' pekwahona pefe'.” Na'ama anan noga' na'i mehip na'i “Jisas, ine' nogalomana Dembinai God nape ilif endilisi, ine' na'i nenda' maina ae'? Ae' a'ipina endilisi gani ilifa agel Godi, ine' owa' nese'e nimanimi ae'.”

Luk Nandaꞌafi 1:35

Ea' ensel anama nagwama'wa basef na'i, “Ambal Bu'unai Godi nifi'mai ine', pepel God nape ilifi nose'alina. Ea' dei' awani inima nambimb nelani enin bo'wen. Ea' esis nambimb sefela agel ananinai lu'una sofalana si'i Anan Nogalomana Godi.

Luk Nandaꞌafi 24:19

Anan na'iam na'ama, Jisas nahali'am na'i, “Main de'im?” Ea' ma'ipana ma'i, “Amamaga amama matagama Jisas Nasaretinai. Anan dembinai profet na'ipa esis amam nematawa basef bu'wami. Anan la'ifinai ma nawalipasa basef amama nanda' maol la'ifinai ma naep Godi naloma epes wapoti'.

Luk Nandaꞌafi 4:34

“E! Jisas ine' Nasaretinai, na'i nifi'i nenda' maina ape'? Ine' nafi'i ma nehambombagapa? Ae' egawa ine' nogalomana God bu'winai andeande'.”

Luk Nandaꞌafi 8:28

Anona ambal aonai nahapilana tatala'ina. Esis sombalo'ana sumafiana nimeguf hiami sanda' seni hankap sowa'ana lagof bo'wagah, owa'. Nahape'am etin. Ea' ambal anama aonai nofa'ana nafe' anama epes a'agoma. Aman anama nafi'i nati Jisas, nindiwa nembawa notawa felefele'ma bo'wagah ananimi. Ea' Jisas na'ipana mehip na'i, “Ine' ambal aonai, nekwaha aman anama ine' fo'o.” Ea' nofalana mehip endilisi na'i, “Jisas, ine' Nogalomana dembinai God nape ilif endilisi, ine' na'i nenda' maina ae'? Ae' a'ipina mehip, ine' owa' nese'e nimanimi ae'.”

Luk Nandaꞌafi 8:37

Ea' epes hiesi sape anama Gerasai hiesi umbamahas endilisi. Ea' sa'ipa Jisas sa'i, “Ine' nekwaha ape' fo'o.” Ea' Jisas nalata bot anama notanima nafe'.

Jon Nandaꞌafi 6:69

Afa' ombale'efa ina ea' ogawa endilisi ine' aman Godi bu'unai endilisi, nasapa'ena nafi'i.”

Aposel 2:27

Dei' main, anona nemaf ina nekwaha ambal ae'anai nefe' nepe anama epes saga'i sapoma, owa'. Ea' ina nambimb nekwaha aman anama bu'unai nanda' maol ine'inai alop ananinai folo'olana, owa'.

Aposel 24:5

Ape' mogawa aman anama nanda'mapa amamaga awami hiami. Ea' nanda' naumbih nafela ukup awami naloma esis Juda hiesi napa' nalomas etap hiagoma wambel hiagoma. Anan agel lu'unai ma epes isima sapa' sawala epes hiesi ape'isi ma epes sape deindei'i, sa'i epes Nasareti.

Aposel 3:14

Ipe' pewa alafugaha aman bu'unai Godi. Ea' pahali'a Pailat mehipa anona aman aonai naha epes saga'i, ea' nakwahomepanai.

Aposel 4:27

Herot naloma Pontius Pailat maloma enis epes hiesi owa' Judaisi saloma esis Israel saila basef amama Deviti sanda' kolas wambel anama atona sasombala basef Jisasi, aman anama bu'unai nanda' maol ine'inai, fowa' gani nesahe'ana ea'.

Jems 2:19

Ine' nembale'efana na'ama na'i, “God atotona nape.” Ine' na'i na'ama, andeande'. Ambagof awami wapoti' mombale'efana na'ama etin ea' umbamaham bombol etin kwapete'am.

1 Jon 2:20

Ea' ipe' Krais nase'epa Ambal Bu'unai Godi ea'. Dei' ipe' hipei pegawa basef endilisimi.

Revelesen 3:7

Ine' da'a anom basef mofe'ma ensel anama numafi sios amam nematawa Kristen sape Filadelfiai. Ae' bu'uwei endilisi dei' ahapila ki ma uta anama fowa' king Devit nahapilanai. I'i Ae' ewisi'ana, anona aman ina la'ifina ma nowalowana, ea' Ae' i'i ewalowana wapoti', nambimb enin epen ina la'ifina niwisi'ana, owa'. Ae' atowe a'ipipago basef amama ipe'.