Luk Nandaꞌafi 4:1 - Basef Buꞌwami Godi

¹ Ambal Bu'unai Godi nape si'inama Jisas ea' nakwaha walemb anama Jordan nandegiai natanima nafe'. Ea' Ambal Bu'unai Godi nofa'ana nafe' anona etap wafiguma fatauguma epes a'agoma.

Luk Nandaꞌafi 4:1 Iomraidhean Croise

Matyu Nandaꞌafi 3:16

Jisas nofa' baptais nakwaha embel walemb nandagiai etin, heven nandausi' ma anan, ea' nati Ambal Bu'unai Godi nafi'mai anan, si'i amil mai'una nufia' nisila'manai.

Luk Nandaꞌafi 2:27

Ambal Bu'unai Godi nafelana nafe' nawis ipat lu'unai Godi. Ea' esis mamasana Jisasi sao'wana safi'i sandolalimana si'i mi'uli Godi na'iam.

Luk Nandaꞌafi 3:3

Ea' nafe' anama hiagoma walemb Jordan na'ipasa basef Godi amam nematawa. Na'ipasa somboma opalef sowa' alafugaha waf aonai sofa' baptais ma God nokwahomasa waf aonai esis sanda'anai.

Luk Nandaꞌafi 3:38

Kenan, Enos nogalomana. Enos, Set nogalomana. Set, Adam nogalomana. Adam, God nogalomana. Bafapana Jisasi ea' ma'um.

Luk Nandaꞌafi 4:14

Pepel Ambal Bu'unai Godi nape opaf Jisasi ea' natanima nafe' etap hiagoma Galili. Ea' same' basef gato mafe' anan mafe'agon hi'alagon wambel hiagoma Galili.

Luk Nandaꞌafi 4:18

“Ambal bu'unai Dembinai nape ae'. Ea' nandandepe ma eawalapa basef bu'wami ma epes isima kwahusi amamaga a'ami. Nasapa'e afi'i ma ewalapa basef na'ama i'i, ‘Ipe' panda' kalabusi pekwaha kalabus pefe' wafifipa. Ipe' epes naep masi'ipei, ipe' piti andeande' wapoti'. Anan nasapa'e afi'i iegiambama isima sofa' nimanimi seape andeande'.

Jon Nandaꞌafi 1:32

Ea' Jon nawalapa basef alihim na'i, “Ae' ati Ambal Bu'unai Godi nakwaha heven nisila'i si'i amil mai'una nisila'i ea' nafe' nape nomona anan.

Jon Nandaꞌafi 3:34

Aman anama God nasapa'ana nafi'i anan nawalapa basef Godi. Ea' God nase'ana Ambal Bu'unai Ananinai nape si'inama anan.

Aposel 1:2

ma dambadamba nali' nanda'am ea' nafi'i natagama nemaf anama God nofa'ana nalata gani heven ilif. Fowa' Jisas owa' ata' nolata heven ilif, Anan nali' nase'ama basef amama na'ipam mehipa maol amam aposel amama Anan nandandepami. Anan nase'ama maol amama pepel anama Ambal Bu'unai Godi.

Aposel 10:38

Basef amama, basef Jisas Nasaretinai. God nandandepana na'ama. Anan nase'ana Ambal Bu'unai Ananinai naloma pepel lu'unai Ananinai. Ea' nafe' wambel hiagoma ganigani nagiambama esis amam nematawa. Ea' dei' God nape nalomana nanda' epes hiesi saila pepel Satani ambo'wes wapoti'.

Aposel 8:39

Ea' amam biam makwaha dumb mandegiai wata'ita, mehip Ambal Bu'unai Dembinai nofa' Filip ea' nafe'. Ea' aman anama Ithiopiainai ina ata' natolona wapoti', owa'. Ea' anan nandanifel endilisi naila eaf ananinai nafe'.