Luk Nandaꞌafi 3:2 - Basef Buꞌwami Godi

² Ea' afagel anama atona Anas naloma Kaiafas amam biam pris dambami mape mali'ma pris hiami. Nogota anama ma afagel anama basef Godi mafi'mai Jon, Sekaraia nogalomana nape anona etap wafiguma fatauguma.

Luk Nandaꞌafi 3:2 Iomraidhean Croise

Matyu Nandaꞌafi 11:7

Ea' alupumi amama Joni mafe' etin, Jisas na'ipa esis amam nematawa hiesi ma Jon na'i, “Fowa' ipe' pafe' anona etap fatauguma wafiguma, pafe' pati main? Pafe'ma pati anona aman ina nembale'ef andeande'i si'i anona elifita uf nefa'ana nonda' felifal nalimbi? Owa'etin.

Matyu Nandaꞌafi 26:3

Nemaf anama amam pris dambami maloma agufumi esis Judai munduwa'anima mape ipat Kaiafasi, anan pris dembinai nape nali'ma pris hiami.

Luk Nandaꞌafi 1:80

Anom nimeguf mafe' ea', awani inima nataga damben la'ifina ea' okom ananinai negawa. Anan nape etap wafiguma epes a'agoma nape nape ma nemaf anama nataga nandawalap alihinama naep esis Israeli.

Jon Nandaꞌafi 1:23

Ea' Jon nagwa basef si'i fowa' profet Aisaia na'iam na'i, “Ae' anona maf atona na'i anona etap fatauguma wafiguma na'iam na'ama na'i, ‘Pendondomba eaf Dembinai!’ ”

Jon Nandaꞌafi 18:24

Mandelef ata' mapomana lagof Jisasi ea' Anas nasapa'ana nafe'ma pris anama dembinai Kaiafas.

Aposel 4:6

Dembinai pris Anas nape nali'ma pris hiami naloma Kaiafas maloma Jon Aleksander ea' anom amam wapoti' wambota Anasi mafi'i hi'alam mandakolas etifigin maloma amam dambami Juda.