Luk Nandaꞌafi 10:2 - Basef Buꞌwami Godi

² Ea' na'ipam na'i, “Ipe' piti aof hianai gwa'aimi hiami maof ea'. Ea' epes sanda' maoli owa' hiase, kwawie'is. Ea' ipe' penda' beten pihali' Dembinai ofagonama aofi. Pihali'ana ma nosapa' epes hiesi sefe' sonda' maola sola gwa'aimi ananimi sembe'am etifigin.

Luk Nandaꞌafi 10:2 Iomraidhean Croise

1 Tesalonaika 5:12

Ipe' Kristen alupipei afa'ipei, afa' wa'ipipa na'ama, wa'i amam agufumi mumafi esis Kristen, anom manda' maol lu'unai malomepa magiambamepa. Ipe' pefe' owina amam. Dembinai nanda'am mape agufumi ipe'imi ma mogawa monda' ukup ipe'imi mope andeande'.

Mak Nandaꞌafi 16:15

Ea' na'ipam na'ama na'i, “Ipe' pefe' wambel hiagoma pi'ipasa basef bu'wami Godi ma amam nematawa hiesi hi'ilas.

2 Timoti 4:5

Ea' ine' la'ela'ef okom nopeina andeande' nimafi alop ine'inai andeande'. Nemaf anama nimanimi motagamena nepe la'ifina nenda' maol Godi newalapa basef bu'wami ma esis amam nematawa sololama Godi. Nenda' maol anama ma nigiambamas nenda'ana endilisi nimbefana.

2 Tesalonaika 3:1

Ipe' Kristen alupipei, afa' wa'i ata' wi'ipipago anom basef wapoti'. Ipe' penda' betena Goda nigiambamafa ma basef Dembinai mefe' mehip anama hiagoma mofa' agel lu'unai si'i fowa' manda'am la'afena ipe'

Mak Nandaꞌafi 13:34

Ipe' peme' anom basef womun etin dei' ie'ipipami. Nemaf anama Ae' etanima iefi'ianai si'i anona aman nakwaha ipat ananinai nafe' anagon. Anan nofalai amam manda' maola anani mafi'i nawaloga maol nase'am atona etina mumafi amamaga ananimi. Ea' na'ipa aman numafi utai ma numafiana andeande'.

1 Timoti 4:10

God anan ambal namunai napainai. Anan na'i nofa'ai amam nematawa hiesi sotanimani sope andeande'. Ea' dei' endilisi etis nefa'ai epes emi egafis sembale'efanai. Dei' mape mohafana ma'i endilisi nofa'apa. Amama atom dei' manda' maol lu'unai endilisi.

Aposel 22:21

Dembinai na'ipi na'i, ‘Ine' fo'o. Nambimb ae' esapa'ena nefe' eaf laogoma ma enis amam nematawa hiesi owa' Judaisi sogawa ae'i.’ ”

Aposel 20:28

Ipe' pimafi ipe' andeande' ea' pimafi esis amam nematawa isima Ambal Bu'unai Godi nandandepepa ea' ma pimafiasi. Ipe' pindumafuma andeande' ma pimafi esis Kristen sios Godi andeande' si'i sanda' maoli sumafi sipsip andeande'. God natala esis Kristen ea' ma esimbel ananimi atom.

Aposel 13:4

Ambal Bu'unai Godi nasapa' amam biam mafe' makini' anona wambel Selusia. Ea' malata anona sip mefa'am mafe' anona ailan Saiprus.

Aposel 13:2

Esis Kristen sakwaha gwa'aimi sanda' lotuma God atona sape. Ea' Ambal Bu'unai Godi na'ipas na'i, “Ipe' pendandepa Barnabas naloma Sola maol anama ae' efalam andandepam meanda'anai.”

Aposel 11:19

Fowa' amam maha Stiven naga'i manda' nimanimi lu'wami matagama esis Kristen amam nematawa mahas. Ea' esis sembale'efanai safa' safe' ganigani ea' sataga anona wambel Antiok safe' anona etap hiagoma biefigin Saiprus naloma Fonisia sawalapa basef Godi ma esis Juda etis.

Aposel 8:4

Esis Kristen safa' safe' wambel hiagoma sawalapa basef bu'wami Godi sa'ipasam.

Luk Nandaꞌafi 9:1

Nemaf anama Jisas nofalai alupumi 12-peleim ananimi mandakolas mafi'i nase'am agof lu'wami nanda'am la'ifima meatofa ambagof hiami awami ea' monda' hiesi awes hianai naninani nanda'asi sataga bo'wes.

Mak Nandaꞌafi 16:20

Ea' alupumi Ananimi mafe' gani wambel hiagoma mawalapa basef Godi. Anan nanda'am mataga la'ifim manda' ikwaf hianai naninani si'i God nanda'anai. Enis epes sati maol anama amam manda'anai sa'i, “Endilisi, God nagiambama amam ea' ape' magawa basef Ananimi endilisimi.”]

Matyu Nandaꞌafi 20:1

“A'e, epes siowis kingdom heveni si'i anona aman nafamunagoma anona etap lu'wagoma. Ea' lala kuhimbita atona anan nafe'ma nufa'i anom amam monda' maol aof anama ananinai nawa su'utip mandelef wain napoma.

Filipai 2:25

Ae' okom na'i esapa' Epafroditus nefe'mago ipe'. Anan owalome ae'anai. Anan afa' wandao'oma wanda' opeh Godi etin waitu la'ififa ma nimanimi si'i soldia. Fowa' ipe' pasapa'ana nafi'i nagiambame.

Filipai 2:21

Amam hiami mape maloma ae' mumafi amamaga amamumi atom ea' ina ukup maimaila mumafi opeh Jisas Kraisi, owa'.

1 Korin 12:28

God nahapona enis epes ananisi sape na'ama ma sios. Mali'i aposel, sagi'i profet, safe'ma wenifi, esis tisa sawalipasa basef ofagema Godi. Ea' sagi'ma amama epes isima sanda' betena sanda' la'ifimi si'i God nanda'ami. Ea' epes isima sanda' awes nanda'asi sataga bo'wes wapoti' ea' esis isima sagiambama enis epesi, saloma amam mumafi maol siosi naninani hianai saloma isima sogawa ma si'i diga naninani hianai.

Kolosi 1:29

Ea' dei' maol ae'anai anda'ana lu'unai endilisi ma pepel hianai Kraisi nanda' maol la'ifinai la'ela'ef nomon opaf ae'anai.

Filipai 2:30

Dei' main, anan ina okom napoma nope namona, owa'. Anan okom nohafela opeh Kraisi ea' felefele' ma noga' ma nagiambame. Anan okom napome. Dei' main, ipe' papani laogon anan naho'ofepa nanda' amama.

Hibrui 3:6

Ea' Krais nape nogalomana Godi naila basef endilisi nanda' maol andeande' ma nape Dembinai numafi epes wambota Godi. I'i la'ela'ef ape' mombale'efana la'ifipa mogawa anona nemaf Krais niefi'i nofa'apa mefe' heven mope andeande', ape' mape wambota Ananinai.

1 Tesalonaika 2:9

Endilisi ipe' alupipei pegawa amama, afa' wanda' maol mehipa wawalapa basef bu'wami Godi ma ipe'. Ea' wanda' maol wapoti' umafi alop afa'inai ma gwa'aimi maim. Wanda' maol owamb alipa ina opoma ipe' etipa ma ofa' gwa'aimi maima ipe', owa'.

Kolosi 4:12

Epafras anan nandanifel nanda'mepago nemaf bu'unai ipe'. Anan wapoti' wambota ipe'inai, nanda' maol Krais Jisasi nape owina anan. La'ela'ef nanda' beten la'ifinai ma ipe'. Anan nanda' betena God nonda' ipe' pitu la'ifipa si'i epes dembipei pegawa God andeande' ma pembale'ef la'ifipa pila okom Godi la'ela'ef.

2 Korin 6:1

Afa' wanda' maol Godi wandao'oma walomana. Dei' wa'ipipa basef la'ifimi na'ama wa'i, “God nagiambamepa na'a. Na'ama ipe' ukup mose'epa waf anama nagiambamepa na'a, owa'.”

1 Korin 15:10

Ea' God atona okom nainaili nigiabame na'a nanda'e ape andeande'. Ea' dei' ae' ape. Anan nigiambame na'a, ae' anda' maol ape. Nanda'e la'ifiwi anda' maol Ananinai ikila' anom aposel. Ea' ina ae' atowe anda' maol, owa'. God nagiambame na'a, amama atom dei' ape anda' maol anama la'ela'ef.

Filemon 1:1

Ae' Pol anda' kalabusa opeh Krais Jisasi. Owalomafa afa'inai Timoti nape nalome na'ae. Ea' anda' basef amama mafe'mago ine' Filemon, alupinai afa'inai ma wanda' opeh atom Godi. Ukup afa'imi maimailina endilisi.

Revelesen 2:1

Ine' da'a anom basef mofe'ma ensel anama numafi sios amam nematawa Kristen sape Efesusi. Ae' aman ahapila ondowa amama 7-peleim lagel ae'anai da'isinai afe' la'afena gol amama lamifah matomami 7-peleim. Ae' anda'mepago basef amama ipe'.