Luk Nandaꞌafi 1:1 - Basef Buꞌwami Godi

¹ O dembinai Tiofilus, fowa' amam hiami manda' basef hiami mail buk ma amamaga hiami God nanda'am mataga la'afena afa'i.

Luk Nandaꞌafi 1:1 Iomraidhean Croise

Mak Nandaꞌafi 16:20

Ea' alupumi Ananimi mafe' gani wambel hiagoma mawalapa basef Godi. Anan nanda'am mataga la'ifim manda' ikwaf hianai naninani si'i God nanda'anai. Enis epes sati maol anama amam manda'anai sa'i, “Endilisi, God nagiambama amam ea' ape' magawa basef Ananimi endilisimi.”]

Jon Nandaꞌafi 20:31

Anda' basef amama tu'wanim atoma pepel anama ma ipe' pembale'efa Jisas anan Nogalomana Godi, anan Krais, God nandandepana nasapa'ana nafi'i. Ae' anda'am na'ama ma pembale'efa anan Jisas pefa' ambal namunai pepe andeande' la'ela'ef hihif.

Basef Amama Pol Nandaꞌam Mafeꞌma Esis Romi 14:5

Enin epen okom napoma anona nemaf lu'unai endilisi nikila' anom nimeguf hiami. Ea' enin epen na'i nimeguf hiami na'ama etin. Epes isima hiesi atona etin sowaloga ukup asasimi motamea.

Basef Amama Pol Nandaꞌam Mafeꞌma Esis Romi 4:21

Anan nembale'efa God endilisi ma nogawa Anan la'ifinai ma nonda'am na'ama si'i fowa' na'i nonda'ama basef amama endilisimi.

Kolosi 2:2

Ae' anda'am na'ama ma opalef ipe'imi moloma opalef asasimi motaga la'ifim mope ukup mondao'oma etina sahin owan ipe'isi. Ama ipe' peloma esis pefa' gawa bu'unai endilisi nenda' bale'ef ipe'inai bo'ona ma pegawa basef Godi endilisimi atom. Ae' anda' maol anama ma ipe' peloma esis pegawa basef amama Godi ofagema fowa' mandambahi'i ma'i Krais atona.

Kolosi 4:12

Epafras anan nandanifel nanda'mepago nemaf bu'unai ipe'. Anan wapoti' wambota ipe'inai, nanda' maol Krais Jisasi nape owina anan. La'ela'ef nanda' beten la'ifinai ma ipe'. Anan nanda' betena God nonda' ipe' pitu la'ifipa si'i epes dembipei pegawa God andeande' ma pembale'ef la'ifipa pila okom Godi la'ela'ef.

1 Tesalonaika 1:5

Basef amama bu'wami Godi fowa' ofa'ami, amama ina mataga na'a ma ipe' si'i anom basef wafimi, owa'. Ambal Bu'unai Godi nanda' basef amama mataga la'ifim ma pepel Ananinai ea' wafi'i wa'ipipam. Ea' manda' ukup ipe'imi la'ifim pembale'efana. Waf fowa' wape walomepa wanda'anai, ipe' pegawana.

1 Timoti 3:16

Endilisi, basef amama ofagema lu'wami endilisi. Mandambaho' mape mafe' mafe' dei' God nihi'ambafam alihim. Basef amama na'ama. Anan nataga epen endilisinai nofa' alop epesi nataga nandawalap. Ambal Bu'unai Godi nihi'ambapa ma anan aman bu'unai nape andeande'. Amam ensel Godi matolona. Basef ananimi sa'ipasam mafe'ma kantri naninani hianai amam nematawa hiesi sololama Godi sembale'efana. Ea' God nofa'ana nalata heven nape nafifili ananinai.

2 Timoti 4:17

Ea' Dembinai numafi ae' ape nase'e pepel. Amama atom dei' awalapa basef bu'wami a'iam la'ifiwi endilisi ea' epes isima hiesi owa' Judaisi sogawa basef Godi, dei' same'am hi'alas. Ea' God nagiambame ma malogel mafin anama lu'unai laion.

Hibrui 10:22

Amama atom dei' ape' mofe' felefele'ma Goda waf anama. Ape' mokwaha waf hianai baso'mainai ma opalef ape'imi ea' mombale'efana endilisi. Ukup mopoma Krais atona, Anan nakolo' esimbel Ananimi nasa'opa opalef ape'imi mataga bo'om. Basef mape opalef nomoni ina ma'iam ma'ipapa basef mihi'ambapa waf aonai ape' manda'anai, owa'. Ea' ape' ukup mopoma Anan nasa'opa alop ape'inai embel galagami.

Hibrui 6:11

Ae' okom na'i ipe' hipei atona etin ukup ma'i penda' waf bu'unai pigiambama epes Godi pefe' pefe' petagama nemaf anama Krais niefi'ianai. Penda'am na'ama ma pegawa endilisi anona nemaf Anan nefa'epa pitanimani.