Kolosi 4:5 - Basef Buꞌwami Godi

⁵ Esis sape ande'ma Kraisi, ipe' ukup mope andeande'ma fe' pe ki ipe'inai. Maim nimeguf eaf nogal ipe' pi'ipasa basef Kraisi, pi'ipasam.

Kolosi 4:5 Iomraidhean Croise

Matyu Nandaꞌafi 10:16

Ea' Jisas na'ipam wapoti' na'i, “Ipe' peme', ae' esapa'epa pefe' si'i sipsip pefe' la'afena nombagw wandafumi aolupumi. Na'ama ipe' ukup mondanda' andeande' pefe' pila gawa si'i iguf mafe'. Ea' pila waf bu'unai si'i anona amil ma'unai, ipe' ina ukup mope aoma penda' waf aonai, owa'.

Mak Nandaꞌafi 4:11

Ea' nagwamama basef na'i, “God nihi'ambepa basef ofagema mape mandambahi'i ma epes siowis wambota Ananinai numafias. Dei' God nihi'ambepa basef amama ofagema alihim. Ipe' pame'am pegawam ea'. Esis isima sololama Godi owa'. Esis same' basef womun etin.

Basef Amama Pol Nandaꞌam Mafeꞌma Esis Romi 16:19

Ipe' paila God, dei' epes hiesi sogawepa ea'. Amama atom dei' ae' andanifel ma ipe'. Ae' a'i ipe' pegawa waf bu'unai endilisi, ea' ipe' ina pegawa waf aonai, owa'.

Kolosi 3:16

Basef Kraisi bu'wami endilisi mope opalef ipe'imi nomon. Ipe' penda'am na'ama piwalipa esis sahin owan ipe'isi pi'ipasa gawa hianai naninani. Ipe' pinifela Goda opalef ipe'imi pelomana. Ea' penda' awalef mail Buk Sami ea' penda' awalef lotuwimi ea' penda' awalef monda' ambagof ipe'imi motaga la'ifim.

1 Tesalonaika 4:12

Penda'am na'ama ma pefe' andeande' naep esis isima owa' ata' somboma opalef sotaga Kristen. Ea' penda'am na'ama ma ina kwahupa anom amamaga, owa'.

1 Timoti 3:7

Aman agel bu'unai ma amam nematawa sololama Godi, aman anama notaga nope numafi sios. I'i anan owa' agel bu'unai, anan ambal aona ea' nofe' nuwis esag anama Satani nofa'ana.

Jems 1:5

Emi egafis gawa bu'unai a'asi, esis sonda' beten sihali' Goda nose'asana. Dei' main, Anan nase'asa amamaga hiami na'a ma epes hiesi, ina ninifalis, owa'.

Jems 3:13

Ipe' emi egafipa gawa bu'unai hianai napaipei, ipe' pepe na'ama. Fe' ipe'inai nihi'ambas gawa ipe'inai enis epesa penda' waf bu'unai noloma maol bu'unai. Maol anama ipe' panda'anai pepe owina epes pila waf gawa bu'unainai.

Jems 3:17

Ea' gawa nafi'i heveni nawalapa waf bu'unai na'ama. Waf nape nali'i, ukup epesi mope bo'om andeande'. Ea' waf bu'unai hianai wapoti' na'ama. Epes sape opalef awanema opalef etifim maloma enis epes. Ea' sanda' waf so'uso'umbilinai sati uwahipis endilisi ea' sanda' waf bu'unai ma sagiambama enis epes. Esis ina malogof biam sa'i anom basef, owa'. Sa'i basef endilisimi atom. Esis ina sanda' waf biefina sanifela enis sosambala enis, owa'. Esis ukup ma'i epes hiesi na'ama etin.

1 Pita 3:1

Basef amama mali'i ma'i ipe' pepe owina dembemi gavman moloma agufumi ipe' panda' opeha amam. Ea' na'ama etin ipe' nematawa paso' amami pepe owina amam wauhupipa ipe'imi. I'i anom owa' ata' mila basef Godi, ipe' pihi'ambama waf bu'unai atona la'ela'ef. Ipe' ina pi'ipam anom basef, owa'. Ea' pihi'ambama miti waf bu'unai ipe' panda'anai, ma amam mila basef Godi mombale'efana.