Kolosi 4:3 - Basef Buꞌwami Godi

³ Ipe' penda' beten pihali' Goda nagiambamafa wapoti' na'ama. Anan nusi'amafa uta afa' ma owalapa basef Ananimi. Ama awalapa basef amama Krais fowa' mape mandambahi'i. Amama atom dei' ae' ape kalabus.

Kolosi 4:3 Iomraidhean Croise

Matyu Nandaꞌafi 13:11

Ea' nagwamama basef na'i, “God nihi'ambepa basef ofagema mape mandambahi'i ma ipe' piowis kingdom heveni. Ea' epes isima, owa'etin.

Aposel 14:27

Amam mataga Antiok mofala esis mowa'anias sandakolas etifigin ma'ipasa basefa maol Dembinai nape nalomam nagiambamam manda'anai. Ea' ma'i, “God nanda' eaf nagala esis amam nematawa hiesi enis owa' Judaisi ma sombale'efa Krais.”

Basef Amama Pol Nandaꞌam Mafeꞌma Esis Romi 16:25

Ape' mefela agel Godi lu'una. Anan la'ifinai ma nonda'epa petaga la'ifipa ma basef bu'wami ananimi awalapami, amama basef bu'wami ma'i Jisas Krais. Basef amama fowa' nimeguf hiami ata' mape mandambaho', ea' dei' mataga alihima basef amama fowa' amam profet manda'ami afa' wawalapam alihim. God nape namunai la'ela'ef na'i basef la'ifimi ma basef amama bu'wami dei' mataga mandawalap alihima epes hiesi etap anama hiagoma ma esis hiesi sembale'efana.

1 Korin 16:9

Dei' main, God nausi'ame eaf nagal alihina ma enda' maol bu'unai eloma amam nematawa hiesi samboma opalef sembale'efa God endilisi. Ea' hiesi sandaiwa'ma sonda' maol anama.

1 Korin 4:1

Ipe' pegawa afa' wanda' maol Kraisi umafi basef endilisimi Godi fowa' mape mandambahi'i dei' mataga mandawalap alihim.

2 Korin 2:12

Fowa' Dembinai nanda' eaf nafe' ae' afe' ataga wambel Troasa awalapa basef bu'wami Kraisi.

Efesus 3:1

Krais nakolasa epes hiesi wambotagw biam esis Juda saloma esis ina Juda sataga etifis. Amama atom dei' ae' Pol, Krais Jisas nanda'e anda' kalabusa agiambama ipe' epes fowa' pelolama Godi.

Efesus 3:3

Maol anama Anan nasi'ianai nape na'ama. Basef Ananimi bu'wami fowa' ata' mandambaho', dei' God nawalapameam alihim anda'am bandam mail pas amama.

Efesus 3:4

Ama i'i pitalifa basef amama, pegawa okom ae'anai ma basef hiami Kraisi mali' mape mandambaho'.

Efesus 3:9

Ea' God nagiambamas na'a nihi'ambasa okom Ananinai maloma waf hianai Ananinai epes hiesi. Okom anama naloma waf anama ananinai hianai damba damba nape nandambaho' nafi'i nataga dei'. Ea' dei' nanda' amamaga hiami hi'alam mataga mape nase'e maol anama awalapa amama mape mandambahi'i alihim.

Efesus 4:1

Basef amama mali'i endilisimi atom. Ea' dei' a'i efela ukup ipe'imi ma basef la'ifimi amama. A'i fe' pe ipe'inai nefe' dende'ma waf bu'unai okom Godi na'ianai nofalapa ma milana. Ae' anda' kalabusa maol anama Dembinai dei' a'ipipa na'ama afela ukup ipe'imi.

Filipai 1:7

Ae' ahapila ipe' okom ae'anai, egawa God nigiambamepa dei' anona nemaf wapoti' na'ama etin. Amama andeande'. Dei' main, ape' manda'kolas etin manda' opeh ananimi. Nemaf anae' dei' ape kalabus o nimeguf hiami ali' awalapa basef amama bu'wami epes hiesi agiambamasa sogawa basef amama endilisimi atom, nimeguf amama hiami God nagiambamapa na'a.

Kolosi 1:26

Fowa' nimeguf hiami basef amama mape mandambaho'ma ukup epes amam nematawa hiesi. Ea' dei' mataga mandawalap alihima ukup esis amam nematawa Godi.

Kolosi 4:18

Dei' ae' Pol ahapila pen lagel ae'anai atona anda'mepago basef amama bandami atom. Dei' anda'mepago nemaf bu'unai ipe' hipei. Ipe' ukup mopoma ae' amam mowa'e sen ata' ape kalabus la'ela'ef. Ae' a'i okom lu'unai Godi nigiambamago ipe' na'a numafipago nope nolomago ipe'. Ea' ma'um.

1 Tesalonaika 5:25

Ipe' Kristen alupipei, penda' betena God nigiambamafa.

2 Timoti 1:16

Ae' anda' betena Dembinai ma ata' niti Onesiforus naloma wambota ananinai uwahipis. Dei' main, anan la'ela'ef nanda' okom ae'anai nape andeande'. Anan ina ambal aona ma ae' anda' kalabus, owa'.

2 Timoti 2:9

Ae' awalapa basef amama bu'wami. Amama atom dei' sa'i ae' aowei, sase'e nimanimi lu'wami mamumami. Sanda'e anda' kalabus wapoti'. Ea' basef Godi ina manda' kalabus mape, owa'etin.

2 Timoti 4:2

ine' ni'ipasa basef Godi la'ela'ef. Nemaf anama esis sondandombam ma some' basef, ni'ipasam. Ea' maina nemaf esis sandaiwa' ma some'am, ni'ipasam etin. Ni'ipasam ma mohagofa basef amama baso'maimi. Ni'ipasa basef la'ifimi ma sokwaha waf aonai esis sanda'anai. Ea' nefela ukup asasimi nenda'as sotaga la'ifisa bale'ef, niwalipasa waf aonai nenda'as so'uso'umbemas. Niwalipasa basef amama si'i okom Godi na'iami.

Filemon 1:22

Ea' anom basef wapoti'. Ae' okom na'i God neme' beten ipe'inai nekwaha ae' efe'mago ipe' wapoti'. Ea' dei' ine' nendondomba anagon nopomago ma ae' efo'o epe elomena.