Kolosi 4:2 - Basef Buꞌwami Godi

² Ipe' penda' beten la'ela'ef. Beten ipe'inai, ipe' ukup bo'om pepe andeande' pinifela God.

Kolosi 4:2 Iomraidhean Croise

Matyu Nandaꞌafi 26:41

Ipe' pindumafuma andeande' pepe penda' beten. Na'ama amamaga meagwambipei motagama ipe'. Endilisi ambagof ipe'mi ma'i a'e ma penda' beten, ea' alop nimanina ala'uta naepa.”

Mak Nandaꞌafi 13:33

Ipe' ina pegawa amamaga amama nambai' motaga, owa'. Na'ama pindumafuma, ukup motamea andeande' pepan.

Luk Nandaꞌafi 18:1

Ea' Jisas nase'am basef wamon etin alupumi ananimi ma nihi'ambam monda' beten nimeguf hiami ma amam ina ala'uta neam, owa'.

Luk Nandaꞌafi 21:36

La'ela'ef pindumafuma pepe ma ina penda' waf aonai anama, owa'. Pepe penda' beten la'ela'ef ma God nose'epa pepel pitu la'ifipama pihi'ama amamaga amama ma'i meatagamipei. Ama pitu la'ifipa ma ae' ataga epen endilisiwei isimba'epa ewalogepa.”

Aposel 1:14

Amam alupumi Jisasi mandatama etifigin nimeguf hiami la'ela'ef ama manda' beten maloma anowa nematawa saloma akwa'w Maria Jisas mama'wana saloma owapana Jisasi wapoti'. Esis hiesi sape sanda' beten etifigin.

Basef Amama Pol Nandaꞌam Mafeꞌma Esis Romi 12:12

Ipe' pepe pehafa Dembinai nigiambamepa. Ea' pendanifel etin pupe. I'i nimanimi meatagamepa, pitu la'ifipa. Ea' penda' beten nimeguf hiami la'ela'ef.

Efesus 6:18

Ea' la'ela'ef pefa' pepel Ambal Bu'unai Godi ma penda' beten naninani hianai pehali' God. Ipe' pindumafuma andeande' penda' beten. Ina pepoma noma'w, owa' Penda' beten la'ela'ef ma God nigiambama esis amam nematawa ananisi hiesi hi'ilas.

Filipai 4:6

Ipe' ina ukup motamea mefe' ma amamaga hiami meatagamipei, owa'. Ipe' pi'ipanam Goda amamaga amama. Penda' betena anan pinifelona pihali'ana ma amamaga ipe' ukup ma'iami.

Kolosi 1:9

Epafras na'ipafa Ambal Bu'unai Godi nanda' maol anama bu'unai ma opalef ipe'imi. Ea' afa' biafa wapoti' wame' basef amama. Nemaf nali'i wame'am, anama atona wasafela beten wanda'ana ma ipe' wafi'i wataga dei'. Afa' ina wakwahepa, owa'. Wanda' betena God nigiambamepa nenda'epa pepe si'ipa ma gawa ananinai endilisi. Gawa anama Ambal Bu'unai ananinai nasi'ipanai.

Kolosi 2:7

Ipe' pitu la'ifipama Anan si'i lawag nombalef mowala etap owin la'ifina notawa ea' si'i ipat natoma ilifa olalef notawa la'ifina. Ipe' pembale'ef la'ifipa ma basef amama bu'wami pefa'ami pikila' fowa' pali' pembale'efam ea' pinifela God la'ela'ef.

Kolosi 3:15

Krais nase'apa opaf awanena ape' ea' opaf anama atona numafi ipe' endilisi. God nofalepa pataga alop etifina nape opalef awanem. Ipe' pinifelona la'ela'ef.

Kolosi 3:17

Maim amamaga ipe' nambimb pi'iama basef o penda' maol, anama ipe' penda'ama agel Jisasi. Ama agel ananinai ipe' pinifela God Ahalomapa.

Kolosi 4:12

Epafras anan nandanifel nanda'mepago nemaf bu'unai ipe'. Anan wapoti' wambota ipe'inai, nanda' maol Krais Jisasi nape owina anan. La'ela'ef nanda' beten la'ifinai ma ipe'. Anan nanda' betena God nonda' ipe' pitu la'ifipa si'i epes dembipei pegawa God andeande' ma pembale'ef la'ifipa pila okom Godi la'ela'ef.

1 Pita 4:7

Nogota amamaga amama ma'i hi'ilamanai nafi'i felefele'. Amama atom ipe' ukup mope andeande' ea' pimafi alop ipe'inai andeande'ma ipe' la'ifipa ma penda' beten.