Kolosi 4:12 - Basef Buꞌwami Godi

¹² Epafras anan nandanifel nanda'mepago nemaf bu'unai ipe'. Anan wapoti' wambota ipe'inai, nanda' maol Krais Jisasi nape owina anan. La'ela'ef nanda' beten la'ifinai ma ipe'. Anan nanda' betena God nonda' ipe' pitu la'ifipa si'i epes dembipei pegawa God andeande' ma pembale'ef la'ifipa pila okom Godi la'ela'ef.

Kolosi 4:12 Iomraidhean Croise

Matyu Nandaꞌafi 5:48

Na'ama ipe' pepe bo'wepa endilisi si'i Ahalomepa ipe'inai God nape heven ilif.

Luk Nandaꞌafi 1:1

O dembinai Tiofilus, fowa' amam hiami manda' basef hiami mail buk ma amamaga hiami God nanda'am mataga la'afena afa'i.

Luk Nandaꞌafi 22:44

Jisas name' nimanimi ea' aom endilisi, ea' nanda' beten la'ifinai endilisi, agwah mandana si'i esimbel malo etap.]

Jon Nandaꞌafi 12:26

Emi egafis si'i sonda' opeh ae'ami, esis sila ae'. Mamagoma ae' eapoma, isima sanda' opeh ae'ami esis sope soloma ae'. Ea' emi egafis sonda' opeh ae'ami, Ahalome ae'anai nambimb nefela agof asasimi motaga lu'um.”

Basef Amama Pol Nandaꞌam Mafeꞌma Esis Romi 15:14

Ipe' alupipei ae'ipei, opaf ae'anai egawa endilisi ma ipe' panda' waf bu'unai la'ela'ef ea' pegawa gawa hianai naninani. Ea' ipe' wila ma pese'asa nomonas bu'wami sahin owan.

Basef Amama Pol Nandaꞌam Mafeꞌma Esis Romi 15:30

Ape' mombale'efa Dembinai ape'inai Jisas Krais, ea' mogawa Ambal Bu'unai Godi nafela ukup ape'imi ma maimaila esis sahin owan ape'isi. Amama atom dei' a'ipipa basef la'ifimi a'i ipe' penda' maol lu'unai peloma ae' ma penda' betena God ma ae'.

1 Korin 14:20

Ipe' alupipei, ipe' ina pepe ukup motamea si'i awasi, hapaimi. Waf aonai, ipe' ukup bo'om motamea andeande' ukup mose'epam si'i awasi. Ea' nomonas ipe'imi motaga si'i epes dembesi.

1 Korin 2:6

Endilisi ae' awalapa basef gawa napaimi ma emi egafis sembale'efa God la'ifisi sanda' waf Ananinai. Ea' gawa anama ina gawa etapanai, o gawa amam agufumi ma etap anae' anona nemaf hegililam, owa'.

2 Korin 13:11

Kristen alupipei, dei' embefa basef hi'ilam a'i nemaf bu'unai inifelipa. Ipe' penda' maol la'ifipa endilisi ma petaga bo'wepa andeande'. Ea' peme' basef ae'ami. Ipe' pefa' ukup etifim ea' pepe opalef etifim awanem. God, anan ofagonama waf ukup naloma opalef awanemi nope nolomepa.

Galesia 1:10

Ipe' ukup mape ma'imama ma basef amama? Pa'i ae' a'iama enis epes sinifelowe sefela agel ae'anai? Owa'. Ae' a'i God atotona opaf bo'onama ae'. Ipe' pa'iam pa'i a'iama enis epes sinifelowe? Owa'. I'i enda' maola ai'ipa enis epesa opalef bo'oma ae', ae' ina aman anda' maola Kraisi, owa'. Ae' ambaso'ami. Owa'. Ae' anda' maola Krais atona.

Galesia 4:19

Ipe' awasi alupipei ae'ipei, ae' okom aona si'i nematawa wame' nimanimi ola awasi. Ame' okom aona ma ipe' efe' efe' etaga ma nogota anama Krais notaga nondawalap alihina opalef ipe'imi nomon ea'ae' okom bo'ona.

Kolosi 1:22

Ea' Krais nataga epen endilisinai sahana naga', amama atom God nanda'epa pataga alupipei opaf atotona palomana ma ga' Nogalomanai atona. Nanda'am na'ama ma nofa'epa pifi'mai anan pepe bo'wepa andeande', ofagema a'epa ma naep Ananimi.

Kolosi 1:28

Ea' afa' wawalapa basef Kraisi wawalipa epes hiesi ma gawa hianai naninani bu'unai. Afa' wa'i wihi'amba epes hiesi atona etin sefe'ma Kraisa sope epes Ananisi endilisi sope la'ifisa Anan.

Kolosi 1:29

Ea' dei' maol ae'anai anda'ana lu'unai endilisi ma pepel hianai Kraisi nanda' maol la'ifinai la'ela'ef nomon opaf ae'anai.

Kolosi 1:7

Ipe' peme' basef amama bu'wami Epafras nawalipipami ea' pegawam. Anan epen bu'unai afa' ukup maimailana nanda' maola Krais nalomafa wandao'oma wanda' maol atotona. Anan naho'ofafa nagiambama ipe' ea' numafi maol Kraisi andeande'.

Kolosi 1:9

Epafras na'ipafa Ambal Bu'unai Godi nanda' maol anama bu'unai ma opalef ipe'imi. Ea' afa' biafa wapoti' wame' basef amama. Nemaf nali'i wame'am, anama atona wasafela beten wanda'ana ma ipe' wafi'i wataga dei'. Afa' ina wakwahepa, owa'. Wanda' betena God nigiambamepa nenda'epa pepe si'ipa ma gawa ananinai endilisi. Gawa anama Ambal Bu'unai ananinai nasi'ipanai.

Kolosi 4:9

Anan no'wa Onesimus mefe'mago ipe', anan owalomapa nombale'efanai afa' ukup maimailanai nanda' maol Godi andeande'. Anan nape wambota ipe'inai. Nambimb amam biam mi'ipipago amamaga hiami mataga na'ae.

1 Tesalonaika 5:23

God anan ofagonama ukup awanem. Ae' a'i anan atona nonda'epa pepe bo'wepa andeande' ananipei etipa. A'i anan numafi ambagof moloma alop ukup ipe'imi andeande'ma waf aonai a'epa, pepe andeande' ma nemaf anama Dembinai ape'inai Jisas Krais niefi'ianai.

Filemon 1:23

Epafras anan nape nanda' kalabus naloma ae' ma agel Krais Jisasi. Anan nanda'menago danifel nefe' nelomago ine'.

Hibrui 5:14

Ea' gwa'aimi la'ifimi mapoma epes isima sataga dambes la'ifis. Epes isima sawalipa ukup maloma nomonas asasimi atom hihif dei' la'ifisa sowaloga waf bu'unai aonai.

Hibrui 5:7

Fowa' gani Jisas ata' nape epen endilisinai etap anae', nanda' beten nahali' God la'ifinai ma nofa'ana nokwaha ga' ma nope namunai. Nanda' beten nofalana mehip nalef nape nimeguf hiami. Anan nanda' lotu ma God, nanda' Anan nafe' owina God. Ea' dei' God name' beten ananinai.

Jems 1:1

Ae' Jems, ape owina God naloma Dembinai Jisas Krais anda' maola amam atom. Anda' basef amama mafe'mago ipe' epes hipei Judaipei epes wambotogw loumi 12-peleim. Ipe' pakwaha wambel ofagama ipe'ima ma pafe' pape wambel hiagoma etap anae' pape panda' maol naninani. Ae' anda'mepago danifel nafe'mago ipe'.

Jems 1:4

Ea' ipe' pitu la'ifipa ma waf anama neataga bo'ona ma ipe' ma anona nemaf petaga andeande' endilisi, waf aonai a'epa. Ama waf hianai Godi mope ipe', ea' ipe' ina anona waf bu'unai a'epa, owa'.

Jems 5:16

Amama atom dei' ipe' pewalapa waf aonai ipe' panda'anai atona etin ea' penda' beten ama ipe atona etina God nonda'epa bo'wepa. I'i enin epen bo'wen, beten ananinai la'ifina endilisi.

2 Pita 1:1

Ae' Saimon Pita anda' maol Jisas Kraisi, anan nandandepe aposel. Ae' anda'ago basef amama ma ipe' amam nematawa pefa' bale'ef bu'unai na'ama etin si'i afa' ofa'anai. Bale'ef anama ipe' pefa'ana waf bu'unai Jisas Kraisi, Anan God ape'inai nofa'apa motanimani.

Basef Ifimba Jut Nandaꞌafi 1:24

Ae' a'i ape' mefela agel Godi lu'una na'ama. Anan la'ifinai ma nili'akwapa andeande'ma anona nemaf ipe' ina pewa ma waf aonai, owa'. Ama anona nemaf nofa'epa nokolasipa pepe andeande' pendanifel endilisi, ofagema ma waf aonai a'epa ma anama Anan nape nafifimagoma.