Kolosi 4:10 - Basef Buꞌwami Godi

¹⁰ Aristarkus anan nanda' kalabus nalome, anan wapoti' na'iago nemaf bu'unai ma ipe'. Ea' Mak wapoti', Barnabas taganamana nanda'mepago nemaf bu'unai ma ipe' wapoti'. I'i netagama ipe', pe'wanago si'i ae' a'ipipago.

Kolosi 4:10 Iomraidhean Croise

Aposel 12:12

Anan negawa amama ea', nafe' ipat Mariai, Jon Mak mama'wana nati esis Kristen sandakolas etifigin sape ipat anama atona sape sanda' beten.

Aposel 12:25

Barnabas naloma Sol manda' maol God nase'amanai hi'alana Jerusalem ea' motanima mafe' Antiok mao'wa Jon Mak nafe' nalomam.

Aposel 13:13

Pol naloma amam malomanai makwaha wambel Pafos ea' mefa' nefa'am mafe' anona wambel Perga nape anona etap hiagoma Pamfilia. Ea' aman anama Jon nakwaha amam notanima nafe' Jerusalem.

Aposel 13:5

Ea' mataga Salamis, mawis nomon ipat esis Juda sa'i basef sapeinai ma'ipasa basef bu'wami Godi, Jon Mak wapoti' nape nalomam nagiambamam.

Aposel 19:29

Ea' epes hiesi sape taun anama sanda'am sa'i mehip endilisi. Ea' sohafel safe' anama sondowa'anima sa'i basefa. Sahondo' Gaius naloma Aristarkus Masedoniaimi mafi'i maloma Poli mafe' maloma esis.

Aposel 20:4

Sopater Beriainai, Pirus nogalomana nafe' nalomana. Ea' amam biam Tesalonaikaimi Aristarkus naloma Sekundus naloma Gaius Derbeinai. Naloma Timoti maloma amam biam Esiaimi Tikikus naloma Trofimus, amam amama mafe' maloma Pol.

Aposel 27:2

Ea' afa' walata anona sip nafi' Adramitiumi. Sip anama na'i nefe' anona wambel nape naoh amama etap hiagoma Esia. Afa' wafe' ea' anona aman Aristarkus Tesalonaikainai ma etap hiagoma Masedonia nafe' nalomafa.

Aposel 4:36

Ea' anona aman agel ananinai Josep amam aposel manda'mana anona agel Barnabas. Agel anama ofagena na'ama, “Epen nenda' ukup epesi la'ifim.” Anan anona Livai, aman anama ailan Saiprusinai.

Basef Amama Pol Nandaꞌam Mafeꞌma Esis Romi 16:2

Fibi kwape la'ifikwa Dembinai. Ea' ipe' peso' opalefa akwa'w si'i waf bu'unai ape' amam nematawa Godi manda'anai. I'i akwa'w okom nimanina ma anom amamaga, ipe' pigiambama'w. Dei' main, akwa'w kwagiambama ae' wapoti'.

Basef Amama Pol Nandaꞌam Mafeꞌma Esis Romi 16:7

Ipe' pese'amo danifel noloma nemaf bu'unai ae'anai ma amam amama Andronikus noloma Junias, amam wapoti' Judaimi si'i ae'. Amam manda' kalabus maloma ae'i. Amam aposel ma'i amam biam manda' maol bu'unai Godi. Amam mali'ma ae' mombale'efa Krais.

2 Timoti 4:11

Dei' Luk atona nape nalome. Ine' ne'wa Mak nolomena nifi'i nehaponameana. Dei' main, andeande'ma anan nigiambame ma maol Godi.

Filemon 1:23

Epafras anan nape nanda' kalabus naloma ae' ma agel Krais Jisasi. Anan nanda'menago danifel nefe' nelomago ine'.

Filemon 1:24

Ea' amam manda' opeh malumai, Mak naloma Aristarkus, Demas, Luk, amam wapoti' manda'menago danifel ine'.

1 Pita 5:13

Esis amam nematawa Kristen sahin owan ipe'isi sape wambel Babiloni, God nasehe'as salomepa. Esis sasapa'ago danifela basef bu'wami mafe'mago ipe'. Nogalome ae'anai Mak wapoti' nandanifel ma ipe' ea' nasapa'ago basefa danifel ananinai ma ipe'.