Kolosi 3:8 - Basef Buꞌwami Godi

⁸ Ea' dei' ipe' pekwaha anona waf aonai hianai na'ama. Waf migimigahinai, ukup wandafum, opalef aom ma peha enis epes, waf basef awami findiwaimi, basef awami.

Kolosi 3:8 Iomraidhean Croise

Matyu Nandaꞌafi 5:22

Dei' ae' a'ipipa a'i, emi epen okom wandafuna ma enin sahin owan ananisi, enin nambimb netagama basefa kot. Ea' emi epen ni'ipa enin sahin owan ananini ni'i, ‘Ine' epen falafinai’, enis sonda'mana basef amam Juda dambami mumafi koti. Ea' i'i enin epen ni'ipa enin epen lamana ni'i, ‘Ine' okom nahena endilisi’, epen inima nefe' wambel aonai nif fandumi ma'oma.

Mak Nandaꞌafi 7:22

sohambombaga waf dase'amainai, waf kowalasanai, waf sa'i sofa' amamaga hiami ma esis etis, baso'amunai naninani aonai, sesambala basef, simbisambas, sa'i basef awami, ukup aoma enis epes, findiwa, safela agof asasimi atom lu'um, waf gawa a'anai.

Basef Amama Pol Nandaꞌam Mafeꞌma Esis Romi 13:13

Ape' mope andeande' si'i epes sape alipi. Ina mea' embel la'ifimi mohaga mogaol ea' mopan mi'i basef wandafumi, owa'. Ape' ina monda' waf so'a waolanai monda' salamala basef awami. Ape' ina monda' migimigah mopa' ea' kowalepa ma amamaga enis epesi, owa'.

1 Korin 3:3

Dei' main, ipe' ata' pape la'ela'ef paila waf etapanai. Endilisi, waf anama nawalapai waf kowalasanai naloma ukup aoma sahin owan ma basef safitapami ata' mape la'ela'efa ipe'. Amama mihi'amba ape' hiapai ipe' ata' paila waf anama aonai etapanai. Waf anama epes etapesi atona.

2 Korin 12:20

Ae' umbamahe a'iam na'ama a'i nabimb efo'o etaga ma itilipa ina pepe bo'wepa si'i okom ae'anai na'i efo'o iti ipe' pepe bowepa, owa'. Ea' ipe' wapoti' nambimb piti ae' ina epe bo'awe si'i pa'i piti ae' epe, owa'. Na'ama waf naninani hianai nope. Basef lopa' fitapaimi, waf kowalepa ma anom amamaga, migimigah, findiwa, daha basef, sasambala basef, basef manda'as sanda hape'ma sape deindei'. Ea' ipe' ina peme' andeande'ma pila ukup etifima waf sanda' lotuwanai, owa'. Paila ukup deindei'. Ae' umbamahema amama.

Galesia 5:15

I'i ipe' penda' lopa' fitap nope la'afena ipe' etipa, ipe' pindumafuma andeande'. Na'ama ipe' hipei pendakolas pesa pewala etin!

Galesia 5:20

sandagala sanifela god baso'omunai, sanda' mu'uhup, sanda' ufial ma'akw, waf nefala enis naumbih, ukup mapoma esis etis, lopa' fitap, waf kowalasa anom amamaga enis epesi, ukup wandafum, basef wandafumi sondaha pepe'ma biefis, sowala wambotagw,

Galesia 5:26

Ape' ina mosambala basef mefela agof ape'imi atom, mi'i basef moloma alupusi ape'isi mondahihianamama anona waf, owa'. Ape' ina kowalapa ma enis epes soloma amamaga asasimi, owa'.

Efesus 4:22

Fowa' ipe' pelafa basef amama na'ama. Dei' kwahana opaf anama fowa'inai ma waf aonai ipe' panda'anai. Opaf anama ofagonama waf baso'mainai anama dei' nape nahambombagapa. Dei' kwahona opaf anama fowa'inai.

Efesus 4:25

Ea' ipe' hipei pekwaha waf baso'mainai ma pi'i basef endilisimi atoma epes hiesi. Dei' main, ipe' pegawa ape' hiapai mape alop wa'awa'ana ea' mataga alop atotona.

Efesus 4:26

I'i opalef ipe'imi aom mope la'ela'ef, ipe' pindumafuma andeande'. Na'ama ipe' penda' waf aonai opalef aom la'ela'ef pefe' aon newala naso'. Na'ama owa'.

Efesus 4:29

Basef awami ina motaga malogof ipe'imi, owa'. Pi'i basef bu'wami atom pi'ipasam mandahama fe' pe ki asasinai. Penda'am na'ama ma pigiambama epes isima some' basef ipe'imi.

Efesus 5:4

Ipe' ina penda' basef awami o basef mamumami awami, o basef salamalimi awami, owa'. Waf anama ina andeande', owa'. Andeande'ma ipe' pinifela God.

Kolosi 3:5

Ipe' peha waf aonai hianai etapanai opaf apinai noga', waf anama na'ama. Waf so'a waolanai naloma waf aonai, waf anama aonai ukup mohafemanai, ukup ma'i anom amamaga enis epesi. Waf anama si'i waf saila god baso'omainai.

Kolosi 3:9

Ipe' ina pembaso'ma esis sahin owan, owa'. Dei' main, ipe' pakwaha waf hianai aonai ma opaf apinai ea' pataga dambaipa. God nanda'epa pataga dambaipa ma opaf namunai.

1 Timoti 1:13

Endilisi, fowa' la'ela'ef ae' anda' basef findiwami ma agel Ananinai, apa' aloma esis Kristen, anda' waf aonai ma Anan. Ea' ae' ina egawa andeande', owa' embale'efanai, ea' dei' anda' waf anama aonai ma anan la'ela'ef ape. Amama atom dei' nati uwahipiwi nagiambame.

1 Timoti 1:20

Epes sanda' waf anama, amam biam Himeneus naloma Aleksander. Bale'ef amamunai aona. Ae' andaiwa'mam ali'amonam mafe' lagof Satani ma mogawa gawa bu'unai. Anda'am na'ama amam ina monda' basef findiwama agel Godi, owa'.

Hibrui 12:1

Dei' ape' monda' main? Epes fowa'isi sembale'efa Godi saitu salipapa si'i elagw lu'wami mase'alepa mindiwapapa sihi'ambapa waf sembale'efanai. Amama atom ape' dei' mokwaha amamaga amama manda' ape' nimanipai maloma waf aonai nowa'apai. Ea' monda' opalef ape'imi la'ifima mosagih mehip ma sagih bu'unai anama God nandandepana musagihanai meataga ikwaf.

Jems 2:7

God nase'epa agel bu'unai Krais ea' ipe' Ananipei. Epes isima etis sa'i basef awami sanda' findiwama agel anama.

1 Pita 2:1

Ipe' pendombasa ipe' andeande' ma waf hianai baso'omainai pa'i malogof biamipei ukup kowalipamami maloma waf anama pi'i basef awami alafugaha enis epes. Waf anama aonai, ipe' pekwahona.

2 Pita 2:18

Amam amama matotopa' basef Godi ma'i ma'oh etina basef falafumi awami amamumi. Amam ma'ipa enis epesa waf ukup mohafemanai ma so'a waola waf naninani aonai alopunai. Amam manda' waf anama ea' mambomefa enis epes ata' dei'aol sataga sa'i sokwaha waf aonai epes isima sololama Godi sanda'anai ea' mambomefas saila amam.

2 Pita 2:7

God nagiambama aman anama bu'unai Lot numafiana nofa'ana notanimani nape andeande', ina naga', owa'. Anan okom aona endilisima waf aonai so'a waolanai amam Sodom manda'anai, mosambala basef Godi.

Basef Ifimba Jut Nandaꞌafi 1:13

Amam manda' waf ambagof awami, anama nataga si'i naoh embel mohafel lu'um endilisi matoma ufun matagam. Ea' mape manda' waf anama aonai mandahama ondowa motawa otagai ina magawa eaf la'ela'ef mafi'i anai. God nandomba anona wambela amam owamb lu'unai napoma anona nemaf mope la'ela'ef.

Basef Ifimba Jut Nandaꞌafi 1:8

Amam amama mandambaho' mawisi malomapa manda'am na'ama etin. Koh nandondo'oh hianai amamunai nafela ukup amamumi ma manda' waf aonai ma alop amamunai. Amam masombala basef Dembinai ape'inai manda' anom ensel dembemi mape heveni wapoti' findiwam.

Revelesen 16:9

Nif amama lu'wami nigisigeim endilisi ma epes isima. Ea' sa'i basef findiwaimi awami ma God numafi amamaga amama awami. Esis ina samboma opalefa sakwaha waf aonai esis sanda'anai ma sefela agel Ananinai, owa'.