Kolosi 3:5 - Basef Buꞌwami Godi

⁵ Ipe' peha waf aonai hianai etapanai opaf apinai noga', waf anama na'ama. Waf so'a waolanai naloma waf aonai, waf anama aonai ukup mohafemanai, ukup ma'i anom amamaga enis epesi. Waf anama si'i waf saila god baso'omainai.

Kolosi 3:5 Iomraidhean Croise

Matyu Nandaꞌafi 15:19

Amamaga awami mape ukup nomon mawisi ande' amama. Ukup awami, waf soha enis seaga', waf sanda' so'a waulanai, ea' sonda' anona waf aonai si'i waf anama so'a waulanai, wal, baso'am, findiwa.

Basef Amama Pol Nandaꞌam Mafeꞌma Esis Romi 1:26

Ea' God nakwaha esis saila ukup epesi atoma sanda' waf aonai ambagof aomanai. Sanda' waf anama aonai naho'ofa waf daso'amainai. Nematawa waila waf ikiakanai waloma anowa nematawa. Anom amam wapoti' manda'am na'ama etin. Ukup amamumi mohafel endilisi maimaila anom amam malomam monda' waf aonai. Ea' waf anama nahambombaga ukup maloma alop amamunai mandahama waf aonai amam manda'anai.

Basef Amama Pol Nandaꞌam Mafeꞌma Esis Romi 1:29

Esis sanda' waf hianai naninani aonai nape si'ina ma esis. Ukup mohafel maimaila sofa' amamaga hiami ma esis etis. Waf aonai agufuma anama. Ukup kowalepa amamaga bu'wami awami, ukup aoma soha enis epes, saha enis epes saga', migimigah sambaso'ama sofa' anom amamaga enis epesi ea' sanda' maola saha epes. Waf anama aonai asi'ina endilisi ma esis. Ea' sanda'ipama sa'i basef sawalapama sola'masa basef enis epes ma naep epes hiesi. Esis sataga naumbih saloma God, sa'i basef la'ifimi safela agof asasimi atom. Ukup mandanda' ma waf naninani aonai dambainai. Ea' sosambala basef mamasasi.

Basef Amama Pol Nandaꞌam Mafeꞌma Esis Romi 6:13

Ipe' ina pese' lagof bo'wagah ipe'imi mefe'ma penda' waf aonai, owa'. Pese' ipe' pefe'ma God atona moloma ukup ipe'imi hi'ilama anan atona si'i epes sotanima sohafel hi'agif wapoti' sape namisi. Ipe' pese'ana alop wa'ana hi'ilana Goda penda' waf bu'unai.

Basef Amama Pol Nandaꞌam Mafeꞌma Esis Romi 6:6

Ape' mogawa opalef apimi ape'imi maga' mail lawag usi'inai tu'wanainai maloma Krais ea' God natofa waf aonai nanda' maol nape alop ape'inai. Amama atom dei' ape' ina mape owina waf aonai wapoti', owa'.

Basef Amama Pol Nandaꞌam Mafeꞌma Esis Romi 7:23

Ea' ati anona waf nape alop si'ina wa'ana ae'anai nomon. Ea' waf anama napa' naloma mi'uli anama nape okom ae'anai. Waf anama atona nape alop wa'ana ae'anai nembalo' ae' nanda'e anda' maola waf anama aonai.

Basef Amama Pol Nandaꞌam Mafeꞌma Esis Romi 7:5

Fowa' ata' mape la'ela'efa opalef apimi, mi'uli anama God fowa' naso' Mosesanai nafilai ukup awami ma alop ape'inai. Ea' manda' maola waf aonai nawalapai ga'.

Basef Amama Pol Nandaꞌam Mafeꞌma Esis Romi 8:13

I'i ipe' pefe' pila waf anama opaf apinai, anona nemaf ipe' pega'. I'i ipe' peha waf aonai ipe'inai noga' ma pepel Ambal Bu'unai Godi, anona nemaf pepe namipa.

1 Korin 5:1

Anom basef matagama ae' ma'i waf anama aonai so'a waolanai napoma ipe'. Waf aonai endilisi nahambombaga daso'amai, waf anama epes isima sololama Godi ina sanda' anona waf aonai na'amai, owa'etin. Waf anama na'ama. Anona aman naso' nemata'w komafianai ahalomana nase'akwi.

1 Korin 6:11

Fowa' enipa panda' waf anama. Ea' dei' God nasa'opepa nosahe'epa ea' Ananipei etipa si'ipa. God nanda'epa pataga epes bu'upei ma naep Ananimi. Anan nanda'epa na'ama etina agel Dembinai Jisas Kraisi ma Ambal Bu'unai God ape'inai.

1 Korin 6:13

Ea' enis epes sa'i, “Gwa'aimi amama, alopi atom ea' alop napoma nea' gwa'aimi atom.” Ea' amamaga amama biefim, alop naloma gwa'aimi, anona nemaf God nohambombagam atom hi'ilam. God ina nanda' alop ape'inai ma nonda' waf aonai so'a waolanai, owa'. Anan nanda'ana nonda' maol Ananinai atona bu'unai. Ea' Anan Dembinai ma alop ape'inai numafiana.

1 Korin 6:18

Ipe' pekwaha waf aonai so'a waolanai pefa' pefe'. Anona waf hianai aonai sanda'ana alop ande' atogon. Ea' epen nanda' waf aonai so'a waolanai nanda' waf aonai ma alop ananinai atona.

2 Korin 12:21

Nemaf anama ae' efe'mago ipe', God ae'anai nambimb nonda' agel ae'anai nowala ma naep ipe'imi ma alopa ipe' amam nematawa hipei fowa' panda' waf aonai owa' pemboma opalef pefe'ma Gode. Ma ipe' owa' pewa' alafugaha waf aonai so'a waolanai ma opalef awami maloma amamaga awami fowa' pali' panda'ami. Ae' umbamahema amama.

Galesia 5:24

Emi egafis Krais Jisasi saunda opalef apimi mail lawag usi'inai tu'wanainai maloma waf naninani ukup mohafemanai naloma naninani aonai.

Efesus 4:19

Esis ina ata' ambagof aoma waf anama aonai asasinai, owa'etin. Safe' sawis endilisi ma waf aonai naninani hianai naloma waf aonai so'a waolanai ma saila waf aonai hianai. Saila waf anama la'ela'efa ukup mohafel endilisi ma sanda' waf anama aonai wapoti'.

Kolosi 2:11

Ipe' pape la'ifipa paloma Krais. Ea' pape la'ifipa paloma anan, pape si'i panda' waf anama amam Juda matopa' alop. Waf anama ina waf epes sanda'ana atop atona wafinai, owa'. Krais atona nanda'mepana natofa waf apinai ma ukup apimi.

1 Tesalonaika 4:3

Okom Godi nape na'ama. Ipe' amam nematawa pepe bo'wepa andeande' ananipei etipa ma pindihi'ama waf anama so'a waolanai.

1 Tesalonaika 4:5

Waf anama na'ama. Opalef ipe'imi ina usihima waf aonai sanda' so'a waolanai, si'i isima sololama God sanda'anai, owa'. Hapainai.

1 Timoti 6:10

Waf anama ukup ma'i otamba endilisi, ofagema ma waf hianai aonai. Enis epes ukup lu'um ma'ima'i otamba endilisi, waf anama nambomas sakwaha sombale'efa God safe'ma waf aonai. Ea' sofa' nimanimi lu'wami endilisi.

Hibrui 12:16

Na'ama enin epen atitin nila waf aonai so'a waulanai. Ipe' pindumafuma andeande'. Na'ama enin epen atitin nese'ana alafuga God si'i fowa' Iso nanda'ama natala gwa'aimi nogota bandana ea' nakwaha amamaga bu'wami ahalomana nandondombam ma'omanai.

Hibrui 13:4

Ipe' amam nematawa pandase'ama ea'i, penda' waf anama notaga nope andeande'. Ipe' ina penda' waf aonai, owa'. Dei' main, ipe' pegawa anona nemaf God nogwamipei waf aonai ma amam nematawa sanda' waf so'a waulanai saloma amam nematawa isima sahambombaga waf sandaso'amainai.

Hibrui 13:5

Ipe' ina pila waf aonai anama ukup mohafel endilisi ma otamba, owa'. Amamaga ipe' pahapilami, amama ipe' ukup mopomam na'ama mi'i, “Amama andeande'. Amama nambimb dende'ma ape'.” Dei' main, God na'iam na'i, “Ae' ina anona nemaf okom nose'e ipe' ewa'epa alafuga, owa'.”

Jems 4:1

Maina waf ofagena ma nanda' ipe' panda' lopa' fitap pape la'afena ipe'? Ukup awami atom mafela ipe' dei' panda' lopa' fitap la'ela'ef opalef nomon, alop ande' wapoti'. Ea' amama atom.

1 Pita 2:11

Ipe' alupipei ae'ipei endilisi, ae' a'i i'ipipa anom basef la'ifimi, ipe' si'i epes anona wambelipei pafi'i pailas pape nogota bandana ma etap anae'. Dei' ipe' pewa' alafugaha waf aonai ukup awami mohafamanai, na'i nopa' noloma ambagof ipe'imi.

Revelesen 21:8

Epes isima umbamahasa sotanima, isima owa' sombale'efa Godi, epes sanda' waf naninani aonai endilisi soloma epes isima saha enis saga'i soloma epes isima sanda' waf aonai so'a waolanai soloma isima sanda' mu'uhupi soloma epes isima sanda' lotuma god anama baso'mainai, soloma epes isima hiesi sambaso'omi, epes isima hiesi sofa' wambel asasinai ma hul anama lu'unai nif lu'wami fandumi otam salfa napoma. Hul anama launai si'i ga' nigi' neatagai.”

Revelesen 22:15

Epes sanda' waf aonai si'i bogof nombagw manda'anai soloma epes isima sanda' mu'uhupi, epes isima sanda' waf aonai so'a waolanai soloma epes saha enis saga'i soloma epes isima sanda' lotuma god baso'mainai soloma epes isima hiesi ukup maila waf baso'omunai maimailana, epes isima anona nemaf sope ande'ma wambel anama Godi.”