Kolosi 3:4 - Basef Buꞌwami Godi

⁴ Krais ofagonama ambal namunai ape'inai anona nemaf notaga nondawalap alihiguma, ea' ipe' wapoti' petaga pefa' nafifili Ananinai pelomana.

Kolosi 3:4 Iomraidhean Croise

Matyu Nandaꞌafi 13:43

Nemaf anama amam nematawa bu'wasi seataga wanefigeis si'i aon alipunai nalatawi kingdom Ahalomasi. Epes aligah mapaipei, ipe' peame' basef amama andeande'.

Luk Nandaꞌafi 17:30

Ea' na'ama etina nemaf anama ae' ataga epen endilisiwei iefi'ianai.

Jon Nandaꞌafi 11:25

Ea' Jisas na'ipakw na'i, “Ofagema epes seahafel wapoti' ma sofa' ambal namunai, ae' atowe. Emi egafis seambale'efa ae'i, anona nemaf saga' ea' sehafel wapoti' sefa' ambal namunai sope andeande' la'ela'ef.

Jon Nandaꞌafi 14:3

I'i ae' efe' endomba wambel ipe'inai, anona nemaf etanimani efa'epa pefe' pepe pelome. Ea' anama ae' eapoma, ipe' wapoti' pepe anama atagon pelome.

Jon Nandaꞌafi 14:6

Ea' Jisas na'ipana na'i, “Ae' atowe eaf ofagewe ma basef endilisimi moloma ambal namunai. Owa' enin epen la'ifina nefe' neatagama Ahalome anona eaf, owa'etin. Ea' ae' atowe.

Jon Nandaꞌafi 17:24

Ahalome, ae' okom na'i esis amam nematawa ine' nasi'iasi sefe' sope solome wambel ae' eapoma. Ae' okom na'i esis siti pepel la'ifinai noloma nafifili ae'anai, anama ine' nasi'ianai. Fowa' etap anae' ata' owa' notagai nogota anama ine' okom naila ae'. Ea' nase'e pepel nafifili anama.

Jon Nandaꞌafi 20:31

Anda' basef amama tu'wanim atoma pepel anama ma ipe' pembale'efa Jisas anan Nogalomana Godi, anan Krais, God nandandepana nasapa'ana nafi'i. Ae' anda'am na'ama ma pembale'efa anan Jisas pefa' ambal namunai pepe andeande' la'ela'ef hihif.

Aposel 3:15

Aman bu'unai ofagena ma ambal namunai, anama ea' pahana naga'. Ea' God nafelona nohafel hi'agif wapoti' ea' afa' biafa wape amam ananifai owalapa basefa amama, wati anan nape namona endilisi.

Basef Amama Pol Nandaꞌam Mafeꞌma Esis Romi 8:18

Ae' okom na'i pe anama bu'unai anona nemaf notaga nondawalapa ape' gani ilif heven, anama anona nemaf nikila' endilisi nimanimi amama ape' dei' mefa'am nogota anae'.

Basef Amama Pol Nandaꞌam Mafeꞌma Esis Romi 8:19

Amamaga hiami lu'wami so'umi God nanda'ami maloma ape' epes wapoti' maniga mati endilisi ea' mape mohafa nogota ape'inai ma awasi Godi anona nemaf sotaga sondawalap alihis.

1 Korin 1:7

Ea' dei' ipe' pape ukup mohafel endilisi pehafa Dembinai ape'inai Jisas Krais anona nemaf notaga nondawalap alihina. Nemaf anama pape pehafana pefa' presen hianai Ambal Bu'unai Godi nase'epana na'a.

1 Korin 15:43

Alop ape' mawanai, anama aona folo'olana. Alop notanima nohafel wapoti', anama bo'ona endilisi. Alop mawanai anama ina la'ifina, owa'. Alop nohafel wapoti', anan la'ifina.

2 Korin 4:17

Nimanimi amama matagamafai amama sa'osa'om endilisi ea' mape nogota bandana. Nimanimi amama anona nemaf mowalapai nafifili bu'unai endilisi gani heven la'ela'ef hihif. Pe anama bu'unai anona nemaf nikila' endilisi nimanimi amama so'umi dei'imi.

Galesia 2:20

Ae' ina ape namowe ma ambal ae'anai atona, owa'. Krais atona nape namunai opaf ae'anai. Dei' ape etap anae', ape aila pepel Nogalomana Godi embale'fa Anan atona. Anan okom nainaili endilisi, naso' ambal Ananinai God ma nagiambame.

Filipai 3:21

Anona nemaf nomboma alop anama ape'inai notaga bo'ona nifififil endilisi si'i alop ananinai. Anan nonda'ama pepel ananinai atona. Pepel anama anan nonda' amamaga hiami mofe' mope owina anan atona.

1 Tesalonaika 4:17

Ea' nemaf anama atona Dembinai nofa'apa amam nematawa ambagof mapaipai molata otaga ilif moloma amam nematawa isima miti Dembinai. Ea' ape' hiapai mope molomana la'ela'ef hihif.

2 Timoti 1:1

Ae' Pol anda' basef mafe'mago ine' Timoti, ae' okom nainailina. Ine' nembale'efa God dei' nataga nogalome ae'inai. Okom Godi atona dei' ape aposel Jisas Kraisi. Basef Krais Jisasi endilisimi atom, nase'apa ambal namunai ape' mape la'ifipa maloma Anan. Ae' a'i amam biam migiambamena na'a ea' muti uwahipina monda' okom ine'inai nope awanena.

2 Timoti 4:8

Dei' amamaga amama bu'wami sasagih sikila'i sefa'ami sandandombam ma'ome. Amama na'ama. Nambimb Dembinai nofale ni'ipi ni'i, “Ine' aman bu'winai.” Dembinai anan aman bu'unai nowalogas ma nemaf anama. Nemaf anama lu'unai Anan nese'e amamaga amama bu'wami. Ea' ina noso' ae' atowe, owa'. Anan nose'asam emi egafis ukup maimaila Anan notaga nondawalap sotolona.

Taitus 2:13

Nogota anama ape' mape mohafa danifela anama lu'unai mape mohafanai. Ape' mape mohafa pepel nafifili God Dembinai ape'inai nofa'apa motanimani, anan Jisas Krais anona nemaf notaga nondawalap.

Hibrui 9:28

Ea' na'ama etin si'i Krais nase'ana Anan hi'alana nondolalima Goda nemaf atotona nakwaha waf aonai epes hiesi sanda'anai. Anona nemaf wapoti' nigi' notanima nifi'i. Ea' Anan ina nifi'i ma nokwaha waf aonai epes sanda'anai, owa'. Nifi'i ma nofa' epes isima sape sohafanai.

1 Pita 1:13

Ea' dei' ipe' pendondomba ukup ipe'imi ma penda' maol bu'unai, pimafi alop noloma ukup ipe'imi pepe andeande'. Ea' pembale'efa God pepe ukup bo'om pehafa Jisas Krais anona nemaf notaga nondawalap alihinama nigiambamepa na'a nofa'epa petanimani.

1 Pita 5:4

Ama dembinai numafi amam nematawa si'i sipsip Godi notaga nondawalap alihinama ipe', pefa' amamaga bu'wami mope andeande' la'ela'ef, agel lu'unai. Amama ina anona nemaf aom higililam, owa'. Mope la'ela'ef.

1 Jon 2:28

Ipe' awasi ae'ipei, ae' okom nainailipa a'i pepe la'ifipa peloma Anan ama anona nemaf notaga nondawalap, ape' ina ambagof aom, owa'. Ape' mitu la'ifipa ma naep Ananimi.

1 Jon 3:2

Ipe' alupipei, ae' okom nainailipa. Dei' ape' mape awasi Godi. Ea' anona nemaf mope mi'imama, amama ape' ina dei' mogawam, ata' owa'. Ea' ape' mogawa anona nemaf Krais notaga alihina, nemaf anama motolona notaga nope endilisi si'i Anan nape.

1 Jon 5:12

Emi egafis sape la'ifis saloma Nogalomanai, isima dei' sefa' ambal namunai. Ea' emi egafis owa' sope la'ifisa Nogalomana Godi, isima ina sofa' ambal namunai ma sope andeande' la'ela'ef, owa'.

Basef Ifimba Jut Nandaꞌafi 1:24

Ae' a'i ape' mefela agel Godi lu'una na'ama. Anan la'ifinai ma nili'akwapa andeande'ma anona nemaf ipe' ina pewa ma waf aonai, owa'. Ama anona nemaf nofa'epa nokolasipa pepe andeande' pendanifel endilisi, ofagema ma waf aonai a'epa ma anama Anan nape nafifimagoma.

Revelesen 2:7

Ipe' emi egafipa aligah mapaipei peme' andeande' basef amama Ambal Bu'unai Godi nawalapama sios esis amam nematawa Godi! Emi egafis situ la'ifis sili'amona wandafa waf aonai, anona nemaf Ae' i'i aho'ma esis sea' su'utip lawag anama epes se'am sofa' ambagof namumi. Lawag anama notawa aof Godi agiliguma Paradais.

Revelesen 22:1

Ea' ensel anama nihi'ambe anona walemb lu'unai. Walemb anama howalagon pelele' endilisi si'i glas. Walemb anama nandambe nafi'i balata lu'unai Godi natomanai naloma balata lu'unai Sipsip Noganai natomanai ea' kolo' etin nafe'.

Revelesen 22:14

Esis amam nematawa sasa'opa luwaguf asasimi ma sataga bo'wes, esis sondanifel. Esis isima anona nemaf God na'i esis bo'wes ma sefa' gwa'aimi ma lawag anama ambal namunai napainai ea' la'ifisa sefe' suwis uta anama ma wambel anama bu'unai.