Kolosi 3:3 - Basef Buꞌwami Godi

³ Dei' main, ipe' paga' ea'. Ipe' pape la'ifipa paloma God, dei' ambal namunai ipe'inai nape nandabaho' si'i Krais dei' nape nandambaho'.

Kolosi 3:3 Iomraidhean Croise

Matyu Nandaꞌafi 11:25

Nemaf anama Jisas na'iam na'ama na'i, “Ahalome, ine' Dembinai ma ilif etapi. Ine' nambaho' amamaga amama ma esis epes gawaisi sofa' gawa lu'unai, ea' nambomam nihi'ambasam epes isima gawa a'asi falafisi isima sape si'i awasi.

Jon Nandaꞌafi 14:19

Nogota bandana esis amam nematawa saila waf etapanai ina nambimb sotolowe wapoti', owa'. Ea' ipe' petolowe. Ae' ape ambal namunai napaiwe, ea' na'ama etin ipe' pepe ambal namunai nupaipa.

Jon Nandaꞌafi 3:16

Endilisi, God Nogalomana ananinai atotona nape. Owa'etin. Ea' anan okom nainaila amam nematawa hiapai mape etapi. Ea' nase'apai Nogalomana ananinai atotona ma emi egafis sombale'efanai sope andeande', ina sega'ma waf aonai, owa'. Sofa' ambal namunai sope andeande' la'ela'ef hihif.

Jon Nandaꞌafi 4:14

Ea' emi egafis sea' embel amama ae' a'i iese'asami, esis ina nambimb eap nese'as wapoti' ma nimeguf hiami la'ela'ef sope, owa'etin. Embel amama ae' ase'asami nambimb mataga si'i embel mataga etin mawai lae'la'ef mape ma nomon opalef asasimi sofa' ambal namunai sope andeande' la'ela'ef hihif.”

Jon Nandaꞌafi 5:21

Ahalome nafela esis saga'i sohafel wapoti' ma nease'as ambal namunai. Ea' dei' na'ama etin ae' Nogalomana ananiwei wapoti' ae' ase'as ambal namunai epes ae' okom na'iasi.

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Jon Nandaꞌafi 5:40

Ipe' pandaiwama pifi'mai ae' pefa' ambal namunai peape bo'wepa la'ela'ef hihif.

Basef Amama Pol Nandaꞌam Mafeꞌma Esis Romi 5:10

Fowa' ape' ata' mape naumbih Godi, ea' dei' nanda'apa mataga alupipai ananipai opalef etifim malomana. Anan nanda'am na'ama ma Nogalomana Ananinai naga'ma ape'. Amama atom dei' ape' mape alupipai Godi mogawa endilisi Krais nape namona ma anona nemaf nofa'apa motanimani mofe' molomana mope.

Basef Amama Pol Nandaꞌam Mafeꞌma Esis Romi 5:21

Fowa' waf aonai nataga lu'una ma ape' hiapai dei' maga'. Ea' dei' waf God nandahomapa anai nikila' waf anama aonai. Anan nandahomapa ea' nofalapa amam nematawa bu'upai ma mofa' ambal namunai nape la'ela'ef ma Dembinai ape'inai Jisas Krais.

Basef Amama Pol Nandaꞌam Mafeꞌma Esis Romi 6:11

Ea' na'ama etina ipe' wapoti' ukup mopoma ipe' pakwaha waf aonai si'i epes saga'i. Ipe' ukup mopoma ipe' pape la'ifipa paloma Krais Jisas pape namipei paloma God.

Basef Amama Pol Nandaꞌam Mafeꞌma Esis Romi 6:2

Owa'etin. Waf aonai atotona, dei' ape' maga'. Dei' maina ape' ata' monda' waf aonai atona? Owa'etin, hapainai.

Basef Amama Pol Nandaꞌam Mafeꞌma Esis Romi 8:2

Dei' main, pepel Ambal Bu'unai Godi nase'apa ambal namunai ape', anan natagahepa ma pepel waf aonai naloma pepel naga'i. Anan nanda'am na'ama ma Krais Jisas atona ea' mape la'ifipa ma anan dei' mape wafifipa.

1 Korin 15:45

Baibel wapoti' na'i, “Aman nali'i Adam nataga ambal namunai napaina.” Ea' Adam nagi' natagai nataga Ambal Bu'unai ma nase'as ambal namunai epes hiesi.

1 Korin 2:14

Ea' emi egafis Ambal Bu'unai Godi a'asi, esis ina la'ifisa sofa' amamaga amama bu'wami mataga Ambal Godi, owa'. Epes isima ukup ma'i amama sa'i falafumi sanda' ki de'iafam. Esis ina segawam, owa'. Dei' main, Ambal Bu'unai Godi atona nawalipasa amama ofagema ma ape' mogawam.

2 Korin 5:14

Okom Kraisi nainailapai nafelafa ma maol amama. Dei' main, afa' ukup ma'i mogawa endilisi na'ama. I'i aman atotona noho'ofa ape' hiapai ma naga', amama si'i ape' hiapai maga' ea'.

2 Korin 5:7

Dei' ata' ombale'efana wafe'. Afa' ina dei' watolona, ata' owa'.

Galesia 2:20

Ae' ina ape namowe ma ambal ae'anai atona, owa'. Krais atona nape namunai opaf ae'anai. Dei' ape etap anae', ape aila pepel Nogalomana Godi embale'fa Anan atona. Anan okom nainaili endilisi, naso' ambal Ananinai God ma nagiambame.

Efesus 3:9

Ea' God nagiambamas na'a nihi'ambasa okom Ananinai maloma waf hianai Ananinai epes hiesi. Okom anama naloma waf anama ananinai hianai damba damba nape nandambaho' nafi'i nataga dei'. Ea' dei' nanda' amamaga hiami hi'alam mataga mape nase'e maol anama awalapa amama mape mandambahi'i alihim.

Filipai 4:7

Ipe' pape la'ifipa paloma Krais Jisas, dei' opaf awanena God nase'apanai nikila' gawa hianai epesi hi'alana nope nolomepa nili'akwa opalef moloma ukup ipe'imi andeande'.

Kolosi 1:5

Fowa' basef bu'wami Godi amama endilisimi matagamepa pame'ama amamaga bu'wami ipe'imi God nandandombam dei' ma'oh heven ipe' pape pehafami. Amamaga amama bu'wami ofagema ma bale'ef ipe'inai naloma waf anama ipe' panda'anai ukup maimaila epes hiesi.

Kolosi 2:20

Ipe' paga' ea' paloma Krais ma pakwaha waf aonai hianai wafinai etapanai. Dei' maina ipe' ata' pailana pafe' si'i ipe' epes etapipei? Dei' maina ipe' ata' pafe' owina mi'uli anama? Hapainai.

Kolosi 2:3

Anan atona nanda' gawa bu'unai naloma okom bu'unai Godi hianai nataga nandawalap alihina. Anama fowa' nali' nape nandambaho' si'i epes sambe'am ma'oh mandambahi'i satalom otamba hiami, dei' nandawalap alihina ma lagel Krais atona.

Kolosi 3:4

Krais ofagonama ambal namunai ape'inai anona nemaf notaga nondawalap alihiguma, ea' ipe' wapoti' petaga pefa' nafifili Ananinai pelomana.

Hibrui 7:25

Amama atom dei' Anan la'ifinai ma nefa' esis amam nematawa sotanimani sofe' felefele'ma Goda agel Ananinai ea' sope andeande' la'ela'ef. Dei' main, Anan nape ambal napaina la'ela'ef nanda' betena God nigiambamas.

1 Pita 3:4

Sosaf ipe'inai na'ama, ipe' pefalo'ma opalef ipe'imi nomona ukup ipe'imi ma waf bu'unai endilisinai. Sosaf anama ina anona nemaf aona, owa'. Nope la'ela'ef na'ama. Opalef ipe'imi mope awanem ea' ambagof ipe'imi mope andeande'ma waf so'umbilinai. Sosaf anama bu'unai endilisi ma naep Godi.

1 Pita 4:2

Ea' dei' nogota anae' ipe' ata' pape etap anae', ipe' pefe' pila okom Godi atona nahopepa pefe' pefe' petagama pega'. Ea' okom aonai nehafema waf aonai, owa'. Hapainai.

1 Jon 3:2

Ipe' alupipei, ae' okom nainailipa. Dei' ape' mape awasi Godi. Ea' anona nemaf mope mi'imama, amama ape' ina dei' mogawam, ata' owa'. Ea' ape' mogawa anona nemaf Krais notaga alihina, nemaf anama motolona notaga nope endilisi si'i Anan nape.

Revelesen 2:17

Ipe' aligah mapaipei peme' andeande' basef amama Ambal Bu'unai Godi nawalapama esis amam nematawa Kristen. Emi egafis situ la'ifisa sili'amona wandafa waf aonai, Ae' anona nemaf ese'asa gwa'aimi Ae'ami bu'wami mandambaho' mape heveni. Gwa'aimi amama agilima mana. Ea' ese'asa anom otamba bu'wami afitimi atona etin, ea' enda' anona agel namunai nil otamba amama. Ina enin epen negawa agel anama, owa'etin. Epen nefa' otam anama, enin etin negawana.