Kolosi 3:10 - Basef Buꞌwami Godi

¹⁰ Ea' anan nanda'epa pataga dambaipa la'ela'ef ma petaga na'ama etin si'i Anan nape, Anan nanda' opaf anama namunai ma ape' mogawana endilisi.

Kolosi 3:10 Iomraidhean Croise

Jon Nandaꞌafi 17:3

Ambal namunai anama ofagena anama. Esis sogawa ine' etina God endilisinai ea' sogawa endilisi ae' Jisas Krais, ine' nasapa'e afi'i.

Basef Amama Pol Nandaꞌam Mafeꞌma Esis Romi 12:2

Ipe' ina pepe na'ama etin si'i saila waf etapanai, owa'. Ipe' pi'i aho'ma God nonda' ukup ipe'imi nomon motaga dambaima waf ipe'inai notaga dambaina wapoti'. Penda'ama pegawa waf endilisinai God okom na'ianai. Waf anama bu'unai atona.

Basef Amama Pol Nandaꞌam Mafeꞌma Esis Romi 13:12

Owamb na'i hi'ilana ea' felefele'ma lola notaga. Na'ama andeande'ma ape' mokwaha waf hianai aonai owambunai ma monda' waf bu'unai alipunai pepe la'ifipa si'i mofa' walitapa mahagasa wandafa waf aonai.

Basef Amama Pol Nandaꞌam Mafeꞌma Esis Romi 13:14

Ea' dei' pefa' Dembinai Jisas Krais ea' pindawisana si'i luwaguf amama lu'wami sanda' wandafami pefa'ama pelam. Ipe' ina ukup motamea pila ukup awami alop atonaimi, owa'.

Basef Amama Pol Nandaꞌam Mafeꞌma Esis Romi 6:4

Baptais anama ape' la'ifipa maloma ga' Jisasi, God nawapa maloma Krais hi'agif. Pepel bu'unai Ahalomanai atona nafela Krais nohafel hi'agif. Ea' na'ama etina ape' mohafel wapoti' mape la'ifipa manda' waf dambainai ma ambal namunai etap anae'.

Basef Amama Pol Nandaꞌam Mafeꞌma Esis Romi 8:29

Dei' main, epes isima God fowa' nogawas ea' nosahe'asa sotaga sondati na'ama etin si'i Nogalomana Ananinai ma Anan notaga nope si'i sahalomas dembinai ma esis sahin owan wambota ananinai.

2 Korin 3:18

Ea' ape' hiapai dei' mape amagah wafimi, nafifili bu'unai Dembinai nafifima ape', ape' mififima enis epes. Ape' mape na'ama dei' Ambal Bu'unai Godi naho'ofa waf ape'inai ea' mandati si'i Dembinai ma nafifili anama nataga lu'una la'ela'ef nafe' etin nape. Amama mataga Dembinai atona, anan Ambal Bu'unai Godi.

2 Korin 4:16

Afa' ukup mapoma amama dei' ina otanima ma maol Godi, owa'. Endilisi, pepela alop afa'inai la'ela'ef na'i nowafa hi'ilana. Ea' opalef afa'imi mataga dambaim wapoti' nimeguf hiami hihif.

2 Korin 4:6

Fowa' gani God nati owamb atona na'i, “Lala notaga.” Dei' na'ama etin nanda' nafifili ananinai nataga ma afa' nanda' opalef afa'imi mafifil endilisi. Nafifili anama nihi'ambapa gawa ma nafifili pepel Godi nape la'ela'ef. Ape' mati anama ma waf Jisas Kraisi nafifili nataga amaga ananinai.

2 Korin 5:17

Emi egafis sope soloma Kraisi, God nanda' esis sataga dambais endilisi. Dei' peme' andeande'. Waf anama apinai asasinai hi'alana. Dei' saila waf dambainai.

Galesia 3:27

Ipe' hipei pefa' baptais ma pape la'ifipa paloma Jisas Krais. Ea' dei' pefa' waf ananinai si'i pewahe'a lowaguf.

Galesia 6:15

Waf anama matopa' alop o owa' motopa' alop, anama falafunai atona. Ea' God nanda'apa mataga dambaipa, waf anama endilisinai.

Efesus 2:10

Dei' main, God atona nanda'apa mape. Lagel Krais Jisasi atona nanda'apa mataga dambaipa ma waf bu'unai ape' mailana mafe'.

Efesus 2:15

Ga' Kraisi atona Anan nali'amona basefa mi'uli fowa' God naso' Mosesanai maloma anom basef tu'wanim mape mi'uli anama. Anan nanda'am na'ama nokolasa epes wambotagw biam, ape' Juda maloma ipe' owa' Judaipei mataga si'i epen etitin dambainai. Ama mope opalef awanem mope etifigin felefele'ma God.

Kolosi 3:12

God anan nandandepepa ea' pape amam nematawa ananipei okom nainailipa endilisi. Ea' ipe' penda' waf bu'unai na'ama. Ipe' piti epes hiesi uwahipis la'ela'ef pigiambamas penda'as andeande'. Ipe' petalogofa ipe' pepe owina enis epes, penda' waf so'umbilinai ma esis ea' pepe piti esis sonda'mepa waf naninani aonai ipe' ma tol pepe opalef awanem.

Kolosi 3:14

Ipe' penda' waf anama bu'unai hianai ali' a'ipipanai pilana. Ea' penda' anona waf bu'unai wapoti'. Ipe' ukup mi'i sahin owan ipe'isi ma waf anama nakolasepa nanda'epa pataga etifipa.

Filemon 1:6

Ae' anda' beten ahali' God a'i ine' ni'ipasa bale'ef ine'inai ofagena nenda' enis epes sotaga la'ifis. Ine' nenda'am na'ama ma negawa andeande' amamaga bu'wami ape' mape la'ifipa maloma Jisas Kraisi mofa'ami.

Hibrui 6:6

I'i esis sowa ma waf aonai sowa' alafugaha God, ina ata' anona eafa esis sotanimani sifi'i somboma opalef wapoti', owa'. Waf anama aonai esis sanda'anai atona, dei' saundana nogalomana Godi nail lawag usi'inai tu'wanainai wapoti' ma sahambombagana. Ea' sanda' epes hiesi sanda'ana findiwana ma basef awami.

1 Jon 2:3

I'i ape' mila basef Godi la'ifipa, ape' mogawa anan endilisi.

1 Jon 2:5

Ea' emi egafis sila basef Ananimi, esis ukup si'im maila God endilisi. Ea' ape' mogawa ape' mape la'ifipa maloma Jisas.

Revelesen 21:5

Ea' aman anama nape balata lu'unai kingi na'i, “Peme'! Dei' Ae' anda' amamaga hiami mataga dambaim hi'alam!” Ea' na'ipi wapoti' na'i, “Ine' da'a basef amama. Dei' main, basef amama endilisimi atom ma sembale'efam endilisi.”