Biblia Todo Logo
Bìoball air-loidhne

- Sanasan -




Kolosi 3:1 - Basef Buꞌwami Godi

1 God nafela ipe' ea' pape la'ifipa paloma Jisas Krais. Amama atom ipe' ukup mopoma amamaga mape otaga ilifi, anama Krais nape agilinai felefele'ma lagel daisinai Godi.

Faic an caibideil Dèan lethbhreac




Kolosi 3:1
39 Iomraidhean Croise  

‘Dembinai God na'ipa Dembinai Ae'anai na'i, “Ine' nepe lagel kwahisinai Ae'anai la'ela'ef nefe' netagama anona nemaf Ae' enda' naumbih ine'isi sefe' owina bo'wagah ine'imi.” ’


Ea' Jisas na'i, “Ipe' pa'iam ea' ma'um. Ea' ae' a'ipipa, anona nemaf ipe' piti ae' ataga epen endilisiwei, epe lagel da'isinai Godi. Epe otaga ilif etanima ifi'i petolowe.”


Dei' ae' a'ipipa pewa'ania amamaga bu'wami ipe'imi mo'omepa gani heven ilif. Anama bamagufi sopafowa ina mototopa'am ea' waimba ina nasagiham, owa'etin endilisi. Ea' sakowalefi ina suwis sokowalopam, owa'.


Ipe' ata' ukup mili' pegolopa waf bu'unai noloma piwis kingdom Ananinai pili', nese'epa amamaga amama ipe' wapoti'.


Ambal Bu'unai Godi fowa' gani nafela Devit na'i ‘Dembinai God na'ipa Dembinai ae'anai na'i, “Ine' nepe lagel da'isinai ae'anai la'ela'ef nefe' netagama anona nemaf ae' enda' naumbih ine'isi sefe' owina bo'wagah ine'imi.” ’


Ea' Jisas na'i, “Endilisi ae' ma'uwi. Ea' anona nemaf ipe' piti ae' ataga epen endilisiwei epe lagel da'isinai Godi, epe otaga ilif itanimai ifi'i petolowe.”


Dembinai Jisas nawalipas na'ipas ea', God nofa'ana nalata heven. Ea' nofa' agel lu'unai nape lagel da'isinai Godi.


Ipe' pese'asa amamaga hiami ipe'imi ma enis epes sotalomepam, ea' pefa' otamba pewalogam pese' isima kwahusi pigiambamas. Ipe' penda' maol pegolopa paos otambaimi anona nemaf owa' motaga aom. Ipe' pekolasa otamba wiga maim amamaga bu'wami atom heven ilif nemaf owa' hegilialami. Anama sakowalefi ina suwis sokowalopam, owa'. Sopafowa maim owa' meatotopa'am hiahaom, owa'.


Buk anama Songi Devit na'i na'ama na'i, 'Dembinai God na'ipa Dembinai ae'anai na'i, “Ine' nepe lagel da'isinai ae'anai,


Ea' dei' anona nemaf wapoti' ae' ataga epen endilisiwei epe wa'ol lagel da'isinai Godi.”


Dei' main, Devit ina nalata heven, owa'. Ea' anan fowa' gani na'i basef na'i, ‘Dembinai na'ipa Dembinai ae'anai na'ama na'i, “Ine' nepe lagel da'isinai ae'anai ma nepe Dembinai neloma ae'.


Ea' Ambal Bu'unai Godi napaina endilisi, naniga nati heven ilif. Nati nafifili Godi ea' nati Jisas naitu lagel da'isinai Godi.


Anona nemaf ina enis epes sofalapa si'i ape' epes aopai ma God nogwamapa waf aonai ape'inai, owa'. Dei' main, Krais Jisas naga' notanima nohafel wapoti'. Ea' anan nape lagel da'isinai Godi nape la'ifinai ea' nanda' beten nagiambamapa wapoti'.


I'i ukup epes isima mapoma amamaga awami ma opalef apimi asasimi, amama mawalapai ga' higililas. Ea' emi egafis ukup asasimi la'ifim mopoma amamaga Ambal Godi, epes isima dei' nape ambal namunai opalef mape awanem.


Dei' main, afa' ina wati la'ifipa amamaga satolom naepi, owa'. Amamaga owa' seatolom naepi, watolom la'ififa. Dei' main, amamaga satolom naepi, amama anona nemaf mope nogota bandana. Ea' amamaga amama owa' seatolom naepi, amama mape la'ela'ef hihif.


Ea' aman anama atona nowala etap owin endilisi dei' notambel nalata ilif wapoti' nafe' gani ilif endilisi nikila' otaga ma nanda' amamaga hiami hi'alam si'im endilisi ma Anan atona.


Ipe' nematawa pila ukup moloma basef amam wauhiamipei si'i paila okom Dembinai.


Ipe' paga' ea' paloma Krais ma pakwaha waf aonai hianai wafinai etapanai. Dei' maina ipe' ata' pailana pafe' si'i ipe' epes etapipei? Dei' maina ipe' ata' pafe' owina mi'uli anama? Hapainai.


Ipe' okokoma amamaga mape ilifi la'ela'ef. Amamaga mape etapi owa', hapaimi.


God ina na'ipa anona ensel Ana'i, “Ine' nepe na'ae lagel da'isinai Ae'anai wa'ol. Ine' nepe la'ela'ef nefe' nefe' nemaf anama ae' enda' naumbih ine'isi sefe' owina bo'wagah ine'imi.” God ina na'ipa anona ensela basef amama, owa'. Na'ipa Nogalomana Ananinai atona.


Nogalomana atona nafifili lu'unai Godi nafifimapa endilisi. Anan na'ama etin si'i God endilisinai. Anan na'i basef Ananimi la'ifimi atom ea' dei' amamaga amama hiami maloma amam nematawa hiesi sataga la'ifis. Anan atona nasa'opapa ma waf aonai ape' manda'anai mataga bo'wepa andeande. Nanda'am ea', dei' nape lagel da'isinai Godi gani ilif heven God la'ifinai numafi amamaga hiami.


Ea' aman anama nonda' ofa nemaf atotona, nase'ana Anan atona nondolalima Goda nakwaha waf aonai epes sanda'anai, amama mape la'ela'ef. Anan nanda'am na'ama ma ea', dei' nape naloma God lagel da'isinai Ananinai.


Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.


Basef amama anda'ami mape mali'i, ofagema na'ama. Ape' anona Dembinai pris nape nali'ma pris hiami na'ama etin si'i basef mali'i ma'iam. Anan nape sia bu'unai Dembinai lagel da'isinai gani heven ilif.


Anan nafe' nalata ilif otaga nape wa'ol lagel da'isinai Godi. Ea' amam ensel hiami maloma agufumi mumafi ilifi mape owina Anan atona.


Lean sinn:

Sanasan


Sanasan