Kolosi 2:8 - Basef Buꞌwami Godi

⁸ Ipe' pindumafuma andeande'. Na'ama enin epen nese'epa basef wafimi o basef gawaimi epes sa'iami nembaso'mepa nomboma opalef ipe'imi ma basef amama si'i saolo' mafis matolo' esalef. Basef amama ina mataga Krais, owa. Amama bafasapa ehasapa ape'isi sa'ipapami mataga waf etapanai atona.

Kolosi 2:8 Iomraidhean Croise

Matyu Nandaꞌafi 10:17

Ipe' pindumafuma andeande'ma anom amam. Anona nemaf sonda' kotimipa ma amam dambami Juda ea' sehepa nomon ifagw esis Juda sa'i basef sapeimi.

Matyu Nandaꞌafi 16:6

Ea' Jisas na'ipam na'i, “Ipe' pindumafuma andeande' ma yis amama amam Farisi maloma amam Sadyusi!”

Matyu Nandaꞌafi 7:15

Ipe' pindumafuma andeande'ma amam profet mambaso'mami ma'i mawalipasa basef Godi. Amam mafi'i mambaso'mepa manda' ufunufeni mataga patolom ande' atogon mape bo'om sa'umbilim si'i sipsip. Ea' ukup amamumi nomon aom endilisi ma ipe' ma'i mohambombagepa mohepa si'i nombagw wandafumi. Ea' ipe' ina peme'am, owa'.

Aposel 17:18

Anom amam tisa mogawa gawaimi anom Epikurian maloma anom Stoik ma'i basef mandahihianamam maloma Pol ma'i, “Aman anama okom nahaga nagaoli na'i basef mamumami, anan na'i ni'i main?” Pol nawalapa basef bu'wami Jisasi na'ipasa Jisas nohafel hi'agif. Ea' anom amam ma'i, “Anan na'i nowalapa basefa anom god dambami anona wambili?”

Aposel 17:32

Esis same' basef amama ma epes sohafel wapoti' hi'agif ea' enis sa'i basef sanda' iafana. Ea' enis sa'i, “Wila, ape' ma'i nambimb mome' basef ine'imi wapoti' ma amamaga amama.”

Basef Amama Pol Nandaꞌam Mafeꞌma Esis Romi 16:17

Alupipei, ae' a'ipipa basef la'ifimi pindumafuma andeande' pepoma enis epes sanda' waf aonai sanda' ipe' Kristen pendawal biefipa sosambala basef amama ipe' pefa'ami. Waf anama esis sanda' epes hiesi sanda' waf aonai. Ipe' pese'as alafugah epes isima.

1 Korin 10:12

Ea' emi egafis si'i esis etis situ la'ifis, esis sundumafuma andeande'. Na'ama sowa ma waf aonai.

1 Korin 8:9

Ea' ipe' pindumafuma andeande'. Na'ama amamaga amama ipe' pape andeande' panda'ami monda' epes isima owa' la'ifisi sowa ma waf aonai.

2 Korin 10:5

Afa' wahagofa nomonas epes isima owa' endilisisi. Ea' waf hianai nasopama eafa epes sa'i sogawa Godi, anama afa' wahagofana wasopamana wapoti'. Ea' afa' wali'amona nomonas hiami ape' epesi ma onda'am bo'om mila okom Kraisi.

Galesia 1:14

Ae' ikila' epes hiesi Juda alomas aol atona, ikila'asa aila waf esis Juda sanda' lotuma Godi. Enis ina sailana la'ifis ea' ae' ailana la'ifiwi hi'alana. Ea' la'ifiwi endilisi ma aila waf fowa'inai amam akupapa manda'anai. Ae' ailana andeande' endilisi ikila'as.

Galesia 4:3

Ape' wapoti' mape na'ama etin si'i nogalomana anama. Fowa' ape' ata' owa' mombale'efa basef Godi andeande', nogota anama ata' manda' maol mape owina mi'uli Godi naso' Moses anai o ambagof awami dembemi mumafi amamaga hiami mape ilif etapi.

Galesia 4:9

Dei' ipe' pegawa God. Ea' endilisi, Anan nogawa ipe'. Ea' dei' emi ata' nanda'epa petanima pafe' paila ambagof amama awami ina la'ifimi? Na'ama ina bo'om, owa'. Dei' maina ipe' pa'i pepe owina ambagof amama wapoti'? Hapaimi.

Galesia 5:15

I'i ipe' penda' lopa' fitap nope la'afena ipe' etipa, ipe' pindumafuma andeande'. Na'ama ipe' hipei pendakolas pesa pewala etin!

Efesus 2:2

Nogota anama ipe' ata' paila waf aonai atona etapanai ea' paila basefa aman aonai. Anan la'ifinai numafi pepel aonai nape la'afen numafi etap naloma otaga. La'ifimi amama mataga aman anama aonai dei' numafi epes isima sesambala basef Godi.

Efesus 4:20

Ea' ipe' ina pelafa waf anama ma Krais, owa'.

Efesus 5:6

Ipe' pindumafuma andeande'. Na'ama peme' basef enis epesi atom somboma ukup ipe'imi penda' waf anama aonai. Dei' main, waf anama God okom wandafuna ma epes isima sanda'anai sosambala basef Ananimi.

Filipai 3:2

Ipe' pindumafuma andeande' ma amam amama manda' waf aonai si'i nombagw aolupumi. Amam ma'i mi'ipipa mehip momboma ukup ipe'imi petopa' alop ipe'inai ma pila mi'uli fowa' God naso' Mosesanai.

Kolosi 2:18

I'i emi egafis sepe sinifa na'oh nandondo'oh asasinai ma amamaga esis satolomi o sambaso'mas si'i esis so'umbelisi sape owina enis epes o senda' lotu ma amam ensel, ipe' ina pi'i aho'ma epes isima sembaso'mepa ma pefa' amamaga bu'wami ipe'imi ma'omepa ipe' ilif, owa'. Epes isimi na'amaisi safela agof asasimi lu'uma amamaga sa'oh sandondo'oh satolomi ea' ukup mapoma esis etis saila waf anama etapanai.

Kolosi 2:20

Ipe' paga' ea' paloma Krais ma pakwaha waf aonai hianai wafinai etapanai. Dei' maina ipe' ata' pailana pafe' si'i ipe' epes etapipei? Dei' maina ipe' ata' pafe' owina mi'uli anama? Hapainai.

Kolosi 2:22

Mi'uli anama na'i amamaga embel gwa'aimi maim ape' magwa'ami. Amamaga amama ape' magwa'am ea' higilalam. Dei' main, mi'uli anama epes etis ukup mopomana sawalapana sawalipa enis.

Kolosi 2:23

Endilisi, mi'uli anama nataga si'i mi'uli gawa bu'unai napeinai ea' na'ipapa nafelapa na'ipapa la'ifipama monda' lotu ma amam ensel ea' na'ipapa moha alop ape'inai. Ea' mi'uli anama ina la'ifina nagiambamapa matofa waf aonai alopanai ma okom apinai, owa'etin.

1 Timoti 6:20

Nogalome Timoti, ine' nindumafuma nimafi basef amama God nasi'inami andeande'. Newa' alafugama basef amama baso'maimi wafimi sa'i basef gawaimi. Basef amama ma'i mohambombaga waf Godi.

2 Timoti 3:13

Ea' amam awami maloma amam mambaso'ami nambimb mombaso'ma epes hiesi. Ea' anom amam mombaso'ma amam atom. Ea' waf amam manda'anai nambimb notaga aona endilisi.

Hibrui 13:9

Ipe' pindumafuma andeande'. Na'ama anom basef hiami mamumami mufi'i momboma opalef ipe'imi ea' pekwaha eaf Godi. I'i ukup ape'imi la'ela'ef mopoma God nagiambamapa na'a, na'ama andeande'. Opalef ape'imi ina motaga la'ifima mila mi'uli epesi ma mea' gwa'aimi mamumami, owa'. Waf anama saila mi'uli anama ina nagiambama amam nematawa sailanai, owa'.

Hibrui 3:12

Alupipei Ae'ipei, ipe' pindumafuma andeande'. Na'ama enin sahin owan ipe'isi okom ninila waf aonai nekwaha bale'ef ananinai newa' alafugama God nape la'ela'efi.

1 Pita 1:18

Ipe' pegawa fowa' ipe' ata' pape panda' waf aonai wafinai pefa'ana bafasepa ehasepa ipe'isi. Ea' dei' God natalipa natagahipa ma waf anama aonai. Anan ina natalipa ma amamaga anona nemaf motaga aom higililam si'i otamba bu'wami siliwa gol, owa'.

2 Pita 3:17

Alupipei endilisi, ipe' pegawa amamaga anona nemaf migi' meatagai. Ea' pindumafuma andeande'. Na'ama amam amama mambaso'ami ma mosambala mi'uli Godi momboma opalef ipe'imi pewa ma waf aonai.

2 Jon 1:8

Ipe' pindumafuma andeande'ma pefa' amamaga bu'wami amama panda' maol pa'i pefa'ami. Na'ama ipe' anona nemaf ina pefa' amama, owa'. Andeande'ma pefa'am hiami hi'ilam.