Kolosi 2:5 - Basef Buꞌwami Godi

⁵ Endilisi ae' dei' ina ape alomepa, ea' okom ae'anai si'i ape alomepa andanifel ma sati ipe' paitu la'ifipa ma pembale'efa Krais andeande'.

Kolosi 2:5 Iomraidhean Croise

Aposel 2:42

Amam nematawa isima sataga Kristen dambaisi esis la'ifis endilisi ma same' basef amam aposel mawalipasami sandagiambanama etin enis sahin owan sape etifigin etin sa' gwa'aimi sanda' beten etifigin atogon.

Aposel 20:21

Ae' a'i basef la'ifimi ma esis Juda saloma isima owa' Judaisi wapoti' ma sowa' alafugaha waf aonai somboma opalef sefe'ma God, sombale'efa dembinai ape'inai Jisas.

1 Korin 11:34

I'i emi egafis nolomohas, esis ata' sili' sea' gwa'aimi ifagw asasimi. Na'ama God nonda'mepa basefa ipe'. Basef amama tu'wanim mapani ata' owa' i'ipipami, maina nemaf efe'mago ipe', i'ipipam.

1 Korin 14:40

Nemaf anama ipe' amam nematawa pendowa'anima penda' lotu, ipe' penda' maol andeande'ma lotu ipe'inai notaga bo'ona.

1 Korin 15:58

Ipe' alupipei ae'ipei endilisi, pepe la'ifipa andeande'. Ina umbamehepa petambel, owa'. La'el'ef pepe la'ifipa penda' maol Dembinai. Dei' main, ipe' pegawa maol anama panda'ana ma Dembinai, ina anona nemaf nowala etin, owa'.

1 Korin 16:13

Ipe' pindumafuma andeande' pitu la'ifipa pembale'efa Krais. Ipe' ina umbamehepa, owa'. Pitu la'ifipa.

Kolosi 2:1

Ae' a'i ipe' pegawa na'ama. Ae' anda' maol lu'unai endilisi ma agiambama ipe' paloma esis Laodisia saloma epes isima hiesi ata' owa' siti amaga ae'anai.

1 Tesalonaika 2:17

Ipe' Kristen alupipei, esis Juda sali'amonafa nogota bandana ma wape si'i awasi mamasas a'asi. Endilisi afa' ina wati amagahipama, ea' ukup afa'imi mape malomepa. Amama atom dei' wanda' maol la'ififa endilisi ma uti anona eafa ofo'o uti amagahipama. Afa' ukup maimailipa endilisi ma utilipa.

1 Tesalonaika 3:8

I'i ipe' pepe la'ifipama Dembinai, afa' wapoti' ope ondanifela ambal namunai endilisi.

Hibrui 3:14

Ape' fowa' mali' mombale'efana, ea' dei' mombale'efana la'ifipa la'ela'ef, mefe' motagama moga'. I'i ape' monda'am na'ama la'ela'ef, ape' amam nematawa endilisi Kraisi, mape la'ifipa malomana.

Hibrui 6:19

Gawa anama ma ape' mogawa endilisi anona nemaf Anan nigiambamapa mope andeande' nape na'ama. Gawa anama la'ifinai bu'unai nape mohafanai anama nombalo' opalef maloma ambagof ape'imi si'i anka nembalo' sip lu'unai nahapilana la'ela'ef nala embel ilif. Gawa bu'unai anama nawis nowala gani nomon bo'ogoma lowaf anama lu'unai alafugainama saundana nail si'i uta ipat Godi lu'unai sanda' lotuwanai heven nomon.

1 Pita 5:9

Ipe' pitu la'ifipa ma pewa' alafugahana pili'amonana. Dei' main, sahin owan ipe'isi sape etap hiagomai esis sofa' nimanimi na'ama etin.