Kolosi 2:4 - Basef Buꞌwami Godi

⁴ Ae' a'ipipa basef amama. Ipe' pindumafuma andeande'. Na'ama enin epen nembaso'mepa ma basef usihimi.

Kolosi 2:4 Iomraidhean Croise

Matyu Nandaꞌafi 24:24

Dei' main, nemaf anama anom amam mombaso'am mi'i amam Krais o mi'i amam profet motaga monda' ikwaf la'ifinai naninani hianai si'i God atona nanda'anai. Endilisi i'i amam la'ifim, mombaso'ma amam nematawa God nasahe'as ea' mohambombagas. Owa'. Hapaisi.

Matyu Nandaꞌafi 24:4

Ea' Jisas nagwamama basef na'i, “Ipe' pindumafuma andeande'. Na'ama enin epen nembaso'mepa.

Mak Nandaꞌafi 13:22

Anona nemaf anom amam mombaso'am mi'i amam Kraisi o mi'i amam profeti, motaga monda' ikwaf la'ifinai naninani hianai si'i God atona nanda'anai. Endilisi i'i amam la'ifim, mombaso'ma amam nematawa God nasahe'as ea' mohambombagas. Owa'.

Aposel 20:30

Ea' enis epes ipe'isi etis sohafel si'i basef baso'maimi atoma somboma ukup esis Kristeni sefe' silas.

1 Korin 2:4

Ea' basef a'iama basef bu'wami Kraisi, amama ina a'iama gawa ae'anai aloma epesa efa'ipei, owa'. Ae' ihi'ambepa pepel Ambal Bu'unai Godi atona.

2 Korin 11:3

Ea' ae' umbamahe. Na'ama ukup ipe'imi aom ea' pekwaha waf anama pepan andeande' ukup mopoma Krais atona si'i fowa' gani yul anama gawainai nambaso'ma Iv.

Galesia 2:4

Basef amama Taitus natopa' alop o ina natopa' alop mataga na'ama. Fowa' amam mambaso'ami ma'i amam Kristen sahin owan endilisimi motopa' alop amamunai. Ea' mandambaho' mawisi nomona ape' Kristen ma'i miti waf bu'unai Jisas Krais nase'apana ape' mape la'ifipama Anan. Ea' dei' natagahepa ma waf aonai mape wafifipa. Amam ma'i mogawa waf anama mape wafifipa ea' ma'i muli'akwapa mope owina basef amamumi fowa'imi.

Efesus 4:14

I'i ape' motaga na'ama, ape' ina ata' mape mundati si'i awasi gawa a'asi wapoti', owa'. I'i epes isima sogawa endilisi sakikipapa ma waf baso'maimi si'ipapa basef hiami mamumami, amama ina mamboma ukup ape'imi mape si'i naoh makoto'ma kanu. Amama ina makoto'mapa manda'apa si'i uf nafapusapa mafe' mafi'i, owa'.

Efesus 4:17

Dei' a'i i'ipipa anom basef. Ipe' pape la'ifipa paloma Jisas Dembinai dei' a'ipipa basef la'ifima ma agel Ananinai. Ipe' ina ata' pila waf anama sololama Godi sailanai, owa'. Hapainai. Epes isima ukup asasimi mapoma waf falafunai atona.

Efesus 5:6

Ipe' pindumafuma andeande'. Na'ama peme' basef enis epesi atom somboma ukup ipe'imi penda' waf anama aonai. Dei' main, waf anama God okom wandafuna ma epes isima sanda'anai sosambala basef Ananimi.

Kolosi 2:18

I'i emi egafis sepe sinifa na'oh nandondo'oh asasinai ma amamaga esis satolomi o sambaso'mas si'i esis so'umbelisi sape owina enis epes o senda' lotu ma amam ensel, ipe' ina pi'i aho'ma epes isima sembaso'mepa ma pefa' amamaga bu'wami ipe'imi ma'omepa ipe' ilif, owa'. Epes isimi na'amaisi safela agof asasimi lu'uma amamaga sa'oh sandondo'oh satolomi ea' ukup mapoma esis etis saila waf anama etapanai.

Kolosi 2:8

Ipe' pindumafuma andeande'. Na'ama enin epen nese'epa basef wafimi o basef gawaimi epes sa'iami nembaso'mepa nomboma opalef ipe'imi ma basef amama si'i saolo' mafis matolo' esalef. Basef amama ina mataga Krais, owa. Amama bafasapa ehasapa ape'isi sa'ipapami mataga waf etapanai atona.

2 Timoti 2:16

Ine' nihi'ama basef awami. Amama ina basef Godi, owa'. Basef amama nambimb monda' esis sofe' eaf anama aonai ma sowa' alafugaha God.

2 Timoti 3:13

Ea' amam awami maloma amam mambaso'ami nambimb mombaso'ma epes hiesi. Ea' anom amam mombaso'ma amam atom. Ea' waf amam manda'anai nambimb notaga aona endilisi.

1 Jon 2:18

Ipe' alupipei ae'ipei, ae' okom maimailipa, dei' nemaf na'i hi'ilana. Fowa' ipe' pame' basefa naumbih Kraisi ma'i motaga. Ea' dei' naumbih Ananimi hiami mataga ea'. Ape' mogawa dei' nogota na'i hi'ilana.

1 Jon 2:26

Ae' anda' basef amama mafe'mago ipe' awalapa waf epes isima sa'i seambaso'mipei.

1 Jon 4:1

Alupipei ae'ipei, amam profet mambaso'mami mafe'agon anama etap hiagoma. Ipe' ina pembale'efa epes isima hiesi sa'i, “Ae' Ambal Bu'unai Godi napaiwei.” Owa'. Ipe' ata' pegwaloga ambagof amama hiami pendendomam ama pegawa amam mataga mafi'i Ambal Bu'unai Godi o owa'?

2 Jon 1:7

Enis epes sambaso'mami safe' ganigani etap hiagoma. Esis ina sawalipasa Jisas Krais sa'i anan nogalomana Godi nataga epen endilisinai, owa'. Esis sambaso'mami, isima naumbih Kraisi.

Revelesen 12:9

Ea' amam ensel Godi makwahai kwambon anama nisila'i. Kwambon anama fowa' ganinai dei' esis sa'i aman aonai Satan. Anan aman nambaso'ma esis amam nematawa hiesi etapasi. Amam makwahai anan nafi'i etap, makwahai ensel awami ananimi wapoti' misila'i malumanai.

Revelesen 13:8

Anona buk ambal namunai napainai na'oh. Esis sanda' agof epes Godi etis mape buk anama ma nogota anama fowa' gani God nanda' etap anae'. Buk anama sipsip anama noganai fowa' esis sahana naga'. Amam nematawa hiesi etapasi agof asasimi owa' mope buk anama, epes isima hiesi sanda' lotuma mafin anama.

Revelesen 20:3

Ensel anama nakwahona nafe' nowala hul anama launai ea' nowalowamana uta ilif la'ifina. Ea' Satan ina anona nemaf la'ifina ma nombaso'ma amam nematawa hiesi wapoti', owa'. Anan ata' nope nohafa afagof 1,000-peleim ama ata' hi'ilam ea', ensel anama notagahona wapoti' nefe'agon ganigani ma nogota bandana.

Revelesen 20:8

Anan nuwisi ande'ma nombaso'ma epes amam nematawa hiesi sape etap anae' hiagoma biefigin biefigin nafe' notambela, esis epes hiesi Gok saloma Magok. Ea' Satan nokolasa esis sonda' wandaf. Epes hiesi asasisi isima hiesi sandahama wesan na'oh naoh akata.