Kolosi 2:2 - Basef Buꞌwami Godi

² Ae' anda'am na'ama ma opalef ipe'imi moloma opalef asasimi motaga la'ifim mope ukup mondao'oma etina sahin owan ipe'isi. Ama ipe' peloma esis pefa' gawa bu'unai endilisi nenda' bale'ef ipe'inai bo'ona ma pegawa basef Godi endilisimi atom. Ae' anda' maol anama ma ipe' peloma esis pegawa basef amama Godi ofagema fowa' mandambahi'i ma'i Krais atona.

Kolosi 2:2 Iomraidhean Croise

Matyu Nandaꞌafi 11:25

Nemaf anama Jisas na'iam na'ama na'i, “Ahalome, ine' Dembinai ma ilif etapi. Ine' nambaho' amamaga amama ma esis epes gawaisi sofa' gawa lu'unai, ea' nambomam nihi'ambasam epes isima gawa a'asi falafisi isima sape si'i awasi.

Matyu Nandaꞌafi 11:27

Ahalome ae'anai nanda' amamaga hiami hi'alam mape lagel ae'anai. Ina enin epen negawa ae' Nogalomana Godi, owa'etin. Anan atona nogawe. Ea' owa' enin epen negawa Ahalome, owa'etin. Ae' Nogalomana ananiwei atowe egawana. Ea' emi egafis ihi'ambasa Ahalomei, isima wapoti' esis etis sogawana.

Matyu Nandaꞌafi 13:11

Ea' nagwamama basef na'i, “God nihi'ambepa basef ofagema mape mandambahi'i ma ipe' piowis kingdom heveni. Ea' epes isima, owa'etin.

Luk Nandaꞌafi 1:1

O dembinai Tiofilus, fowa' amam hiami manda' basef hiami mail buk ma amamaga hiami God nanda'am mataga la'afena afa'i.

Jon Nandaꞌafi 10:30

Ae' aloma Ahalome, afa' biafa wape atotofa.”

Jon Nandaꞌafi 10:38

I'i ae' enda' maol ananinai ma i'i ipe' owa' peambale'efa ae', hapaimi. Ipe' piti ikwaf la'ifinai anda'anai, ea' pegawa Ahalome nape nalome, ape alomana.”

Jon Nandaꞌafi 16:15

Amamaga Ahalomei Ae'anai hiami, amama ae'ami. Ea' dei' Ae' a'iam a'i nambimb Ambal Bu'unai Godi nofa' basef Ae'ami ni'iam nowalapama ipe'.

Jon Nandaꞌafi 17:3

Ambal namunai anama ofagena anama. Esis sogawa ine' etina God endilisinai ea' sogawa endilisi ae' Jisas Krais, ine' nasapa'e afi'i.

Jon Nandaꞌafi 5:17

Ea' Jisas nagwamama basef amam na'i, “Ahalome ae'anai nanda' maol nimeguf hiami nafi'i notambel dei' nemaf anae' Sabat wapoti'. Ea' ae' wapoti' anda' maol si'i anan.”

Jon Nandaꞌafi 5:23

God nanda'am na'ama ma dei' esis amam nematawa hiesi safela agel ae' Nogalomanai ananiwei lu'una na'ama etin si'i safela agel Ahalomei lu'una. Emi egafis owa' seafela agel ae' Nogalomanai lu'una, amama ina safela agel Ahalomei God nasapa'e afi'i lu'una, owa'.

Jon Nandaꞌafi 6:69

Afa' ombale'efa ina ea' ogawa endilisi ine' aman Godi bu'unai endilisi, nasapa'ena nafi'i.”

Aposel 4:32

Epes hiesi sombale'efi ukup etifim. Ina enin epen atitin nati anom amamaga ananimi atom, owa'. Amamaga hiami asasimi, amama esis hiesi.

Basef Amama Pol Nandaꞌam Mafeꞌma Esis Romi 15:13

Ape' mogawa endilisi God nagiambamapa ma mope andeande'. God anan ofagonama amama. Dei' ae' a'i ipe' pembale'efana nonda' danifel lu'unai noloma opalef awanemi motaga si'ima ipe'. Ea' a'i pepel Ambal Bu'unai Ananinai nonda'epa pegawa endilisi God nigiambamepa ea' piti pepel Ananinai.

Basef Amama Pol Nandaꞌam Mafeꞌma Esis Romi 16:25

Ape' mefela agel Godi lu'una. Anan la'ifinai ma nonda'epa petaga la'ifipa ma basef bu'wami ananimi awalapami, amama basef bu'wami ma'i Jisas Krais. Basef amama fowa' nimeguf hiami ata' mape mandambaho', ea' dei' mataga alihima basef amama fowa' amam profet manda'ami afa' wawalapam alihim. God nape namunai la'ela'ef na'i basef la'ifimi ma basef amama bu'wami dei' mataga mandawalap alihima epes hiesi etap anama hiagoma ma esis hiesi sembale'efana.

Basef Amama Pol Nandaꞌam Mafeꞌma Esis Romi 2:4

God nanda'epa andeande' endilisi, ea' ata' nape nohafepa nogota launai, ina nagwamepa waf aonai nase'epa nimanimi ulal, owa'. Waf anama bu'unai Godi ipe' ukup ma'i falafunai? Anan nanda'mepa waf anama bu'unai ma ata' pemboma opalef. A'i ipe' pegawa amama?

1 Korin 14:31

Ipe' hipei Ambal Godi nafelepa pawalapa basef Godi si'i profet, ipe' pewalapam atona etin pi'iam deindei' ma epes hiesi seme'am okokomama monda'as sotaga la'ifis.

1 Korin 2:12

Ape' ina mofa' spirit ambal etapanai, owa'. Ape' dei' mofa' Ambal Bu'unai nape naloma God nafi'i ma mogawa amamaga maim God nase'apam na'ai.

Galesia 3:28

Dei' ina enis epes sape dambesi ma enis epesa naep Godi, owa'. Esis Juda ina sape dambesa isima owa' Judaisi, emi egafis agof a'asi ina sape owina epes agufisi, amam ina mape dambema awau nematawa, owa'. Ipe' hipei pape la'ifipa paloma Jisas Krais pataga etifipa.

Efesus 1:7

Krais atona naga' natagahepa ma waf aonai natalepa esimbel Ananimi. Ea' nakwaha waf aonai ape' manda'anai. Anan nanda'am na'ama si'i okom Godi nainailapa endilisi ma waf nagiambamapa na'a.

Efesus 3:16

Ae' anda' beten ahali'ana na'ama. A'i God nigiambamepa ma pepel nafifilili ananinai lu'unai endilisi. A'i pepel Ananinai atona nonda'epa pepe la'ifipama opalef ipe'imi nomona Ambal Bu'unai Ananinai atona.

Efesus 3:3

Maol anama Anan nasi'ianai nape na'ama. Basef Ananimi bu'wami fowa' ata' mandambaho', dei' God nawalapameam alihim anda'am bandam mail pas amama.

Efesus 6:22

Ae' a'i esapa'ana nefe'mago ipe' ma atuwasi pegawa afa' wape na'ae wape wa'imama ma nonda'epa petaga la'ifipa.

Filipai 2:1

Ipe' pefa' pepel Kraisi? Ipe' pegawa Krais okom nainailipa nanda' opalef ipe'imi mape awanem? Ipe' pape ukup etifim paloma Ambal Bu'unai Godi? Ipe' ukup mapoma pagiambama ipe' atona etin? Endilisi, waf anama napomepa na'ama.

Filipai 3:8

Ae' ina a'i amamaga amama atom, owa'. Ae' okom napoma Jisas Krais atona Dembinai ae'anai ma amamaga hiami ali' anda'ami. Gawa anama endilisinai nikila'. Ea' ewa' alafugama amamaga amama hi'alam a'i falafumi atom si'i alufuta. Embale'efa Krais atona ape la'ifiwi ma Anan. Ae' andaiwa'ma efa' agel anama aman bo'awe ma mi'uli esis Juda sailanai, owa'. A'i efa' agel bu'unai na'ama. Ae' embale'efa Krais dei' God na'i ae' aman bu'uwei.

Kolosi 1:26

Fowa' nimeguf hiami basef amama mape mandambaho'ma ukup epes amam nematawa hiesi. Ea' dei' mataga mandawalap alihima ukup esis amam nematawa Godi.

Kolosi 1:27

Okom Ananinai nape na'ama. Anan na'i nihi'ambapa basef amama bu'wami endilisi agel lu'unai, mandawalap magiambama esis amam nematawa hiesi. Basef amama na'ama. Krais nape opalef ipe'imi nomona dei' pape pehafa anona nemaf pefa' nafifili Ananinai pelomana.

Kolosi 1:9

Epafras na'ipafa Ambal Bu'unai Godi nanda' maol anama bu'unai ma opalef ipe'imi. Ea' afa' biafa wapoti' wame' basef amama. Nemaf nali'i wame'am, anama atona wasafela beten wanda'ana ma ipe' wafi'i wataga dei'. Afa' ina wakwahepa, owa'. Wanda' betena God nigiambamepa nenda'epa pepe si'ipa ma gawa ananinai endilisi. Gawa anama Ambal Bu'unai ananinai nasi'ipanai.

Kolosi 2:19

Esis ina sombale'efa Krais sape la'ifisa Anan nape nali' endilisima ma ape', owa'. Anan nali'i numafi gwa'aimi nataga alop si'ina ea' nanda' nigis maloma okwatogw maim mandahapima etin alop si'ina. Ea' dei' God nanda' alop anama nataga lu'una la'ifina.

Kolosi 3:14

Ipe' penda' waf anama bu'unai hianai ali' a'ipipanai pilana. Ea' penda' anona waf bu'unai wapoti'. Ipe' ukup mi'i sahin owan ipe'isi ma waf anama nakolasepa nanda'epa pataga etifipa.

Kolosi 4:3

Ipe' penda' beten pihali' Goda nagiambamafa wapoti' na'ama. Anan nusi'amafa uta afa' ma owalapa basef Ananimi. Ama awalapa basef amama Krais fowa' mape mandambahi'i. Amama atom dei' ae' ape kalabus.

Kolosi 4:8

Ae' a'i esapa'ana nefe'mago ipe' ma pegawa afa' wape wa'imama ma nonda'epa petaga la'ifipa opalef ipe'imi.

1 Tesalonaika 1:5

Basef amama bu'wami Godi fowa' ofa'ami, amama ina mataga na'a ma ipe' si'i anom basef wafimi, owa'. Ambal Bu'unai Godi nanda' basef amama mataga la'ifim ma pepel Ananinai ea' wafi'i wa'ipipam. Ea' manda' ukup ipe'imi la'ifim pembale'efana. Waf fowa' wape walomepa wanda'anai, ipe' pegawana.

1 Tesalonaika 5:14

Ipe' Kristen alupipei afa'ipei, afa' wa'ipipago mehip wafela ukup ipe'imi ma pigiambamago isima ala'uta nasi la'ifipa pi'ipasa sokwahago waf ala'uta nasanai. Ea' enis ambagof mondolele'asi ma owa' si'i anom basefi, ipe' penda'as sotaga la'ifis sie'i basef. Ea' penda' esis enis owa' seambale'efana la'ifisi sotaga la'ifis. Penda' waf so'umbilinai ma esis hiesi.

1 Timoti 3:16

Endilisi, basef amama ofagema lu'wami endilisi. Mandambaho' mape mafe' mafe' dei' God nihi'ambafam alihim. Basef amama na'ama. Anan nataga epen endilisinai nofa' alop epesi nataga nandawalap. Ambal Bu'unai Godi nihi'ambapa ma anan aman bu'unai nape andeande'. Amam ensel Godi matolona. Basef ananimi sa'ipasam mafe'ma kantri naninani hianai amam nematawa hiesi sololama Godi sembale'efana. Ea' God nofa'ana nalata heven nape nafifili ananinai.

Hibrui 10:22

Amama atom dei' ape' mofe' felefele'ma Goda waf anama. Ape' mokwaha waf hianai baso'mainai ma opalef ape'imi ea' mombale'efana endilisi. Ukup mopoma Krais atona, Anan nakolo' esimbel Ananimi nasa'opa opalef ape'imi mataga bo'om. Basef mape opalef nomoni ina ma'iam ma'ipapa basef mihi'ambapa waf aonai ape' manda'anai, owa'. Ea' ape' ukup mopoma Anan nasa'opa alop ape'inai embel galagami.

Hibrui 6:11

Ae' okom na'i ipe' hipei atona etin ukup ma'i penda' waf bu'unai pigiambama epes Godi pefe' pefe' petagama nemaf anama Krais niefi'ianai. Penda'am na'ama ma pegawa endilisi anona nemaf Anan nefa'epa pitanimani.

2 Pita 1:10

Ea' ipe' penda' waf bu'unai pepe la'ifipa endilisi pikila' fowa' pali' panda'ana paila basef amama fowa' God nofalepa nosahe'epa ma pape ananipei etipa. Penda'am na'ama ma pegawa endilisi God nofalepa nosahe'epa. I'i ipe' penda'am na'ama la'ela'ef, nambimb ina pewa ma anona waf aonai, owa'.

2 Pita 1:3

Krais nofalepa ma pefa' pepel howalagon ananimi atom pelomana. Ama pepel God nase'anami atom anan nase'apa pe bu'unai amamaga amama bu'wami hi'alama mope andeande' mila waf Godi. Krais nanda'apa na'ama ma eaf anama mogawa anan atona.

2 Pita 3:18

Ea' ipe' pepe pila waf anama Dembinai Jisas Krais nagiambamapa na'a nofa'apa motanimani. Ea' pitu la'ifipa ma waf anama noloma gawa anama Kraisi pikila' fowa' pali' pape panda'am. Ae' a'i agel bu'unai atona dei' la'ela'ef nopomana nefe' anona nemaf owagama wapoti'. Endilisi.

1 Jon 3:19

I'i ape' monda' waf anama ma ukup mimila sahin owan ape'isi, ape' mogawa maila basef endilisimi. Waf anama nanda' opalef ape'imi awanema mope la'ifipa ma naep Godi.

1 Jon 5:7

Ambal Bu'unai Godi naloma embel maloma esimbel, amama wenifim mawalapa basef ofagema amama atom.