Kolosi 1:9 - Basef Buꞌwami Godi

⁹ Epafras na'ipafa Ambal Bu'unai Godi nanda' maol anama bu'unai ma opalef ipe'imi. Ea' afa' biafa wapoti' wame' basef amama. Nemaf nali'i wame'am, anama atona wasafela beten wanda'ana ma ipe' wafi'i wataga dei'. Afa' ina wakwahepa, owa'. Wanda' betena God nigiambamepa nenda'epa pepe si'ipa ma gawa ananinai endilisi. Gawa anama Ambal Bu'unai ananinai nasi'ipanai.

Kolosi 1:9 Iomraidhean Croise

Jon Nandaꞌafi 7:17

I'i enin epen okom ni'i neanda' maol Godi si'i anan na'ianai, nambimb epen inima negawa basef ae' awalipasami mataga God o mataga Ae' atowe.

Aposel 12:5

Pita ata' napani kalabus amam soldia mape mumafiana. Ea' la'ela'ef esis Kristen sanda' beten la'ifisa God numafia Pita.

Basef Amama Pol Nandaꞌam Mafeꞌma Esis Romi 12:2

Ipe' ina pepe na'ama etin si'i saila waf etapanai, owa'. Ipe' pi'i aho'ma God nonda' ukup ipe'imi nomon motaga dambaima waf ipe'inai notaga dambaina wapoti'. Penda'ama pegawa waf endilisinai God okom na'ianai. Waf anama bu'unai atona.

1 Korin 1:5

Ipe' pape la'ifipama Krais pape andeande' endilisi ea' pefa' basef hiami pa'iami maloma gawa hianai bu'unai naninani.

Efesus 1:8

Waf anama nase'apana si'ina endilisi. Nase'apana naloma gawa hianai naloma gawa mogawa maina waf bu'unai o aonai.

Efesus 5:10

Ea' ipe' pendandomba ma pegawa maina waf Dembinai okom na'ianai.

Efesus 5:17

Ea' ipe' dei' ina pepe si'i epes gawa a'asi ukup mese'epa, owa'. Pegawa andeande'ma okom Dembinai na'iami.

Efesus 6:6

Ipe' ina penda'ama naep asasimi atom pemboma ukup asasimi atom, owa'. Penda' maol anama si'i panda' maol pape owina Krais. Penda'am na'ama etin si'i paila okom Godi ma opalef ipe'imi.

Filipai 1:4

Ae' endanifela maina nemaf anda' betena ipe' hipei.

Kolosi 1:6

Ama ganima etap hiagoma basef bu'wami amama mawalapai waf bu'unai ma epes hiesi mataga lu'um la'ela'ef mikila' fowa'. Basef amama manda'am na'ama etin si'i fowa' damba damba mali' matagama ipe' pame'am pailam. Nemaf anama ipe' pali' pegawa endilisi okom Godi nagiambamepa na'a, basef amama mawalapai waf bu'unai nataga lu'una ma ipe'.

Kolosi 3:16

Basef Kraisi bu'wami endilisi mope opalef ipe'imi nomon. Ipe' penda'am na'ama piwalipa esis sahin owan ipe'isi pi'ipasa gawa hianai naninani. Ipe' pinifela Goda opalef ipe'imi pelomana. Ea' penda' awalef mail Buk Sami ea' penda' awalef lotuwimi ea' penda' awalef monda' ambagof ipe'imi motaga la'ifim.

Kolosi 4:12

Epafras anan nandanifel nanda'mepago nemaf bu'unai ipe'. Anan wapoti' wambota ipe'inai, nanda' maol Krais Jisasi nape owina anan. La'ela'ef nanda' beten la'ifinai ma ipe'. Anan nanda' betena God nonda' ipe' pitu la'ifipa si'i epes dembipei pegawa God andeande' ma pembale'ef la'ifipa pila okom Godi la'ela'ef.

Kolosi 4:5

Esis sape ande'ma Kraisi, ipe' ukup mope andeande'ma fe' pe ki ipe'inai. Maim nimeguf eaf nogal ipe' pi'ipasa basef Kraisi, pi'ipasam.

1 Tesalonaika 1:3

Afa' la'el'ef wa'ipa God ahalomapa ape'inai ma ipe' wanda' betena ipe'. Ipe' pembale'efa God panda' waf bu'unai. Fowa' ipe' paso' opalefa God naloma enis epes wapoti'. Ea' dei' panda' maol lu'unai Godi. Ipe' ukup mape la'ifipa pehafa Dembinai Jisas Krais nifi'i. Ea' afa' wanda' beten nimeguf hiami ma ipe'.

1 Tesalonaika 5:17

Penda' beten pihali' God la'ela'ef owamb alip.

2 Tesalonaika 1:11

Afa' ukup ma'i amama ea' la'ela'ef wanda' betena God ape'inai ma nigiambamepa. Afa' ogawa God nofalepa ea' wanda' betena anan nonda'epa petaga la'ifipa endilisi si'i anan nofalepa penda'am. Afa' wanda' betena God nonda'epa pataga la'ifipa ma penda' waf anama bu'unai hianai pa'i pienda'anai, ea' pembale'efa Krais pembefa maol ipe' panda'anai

Filemon 1:4

Dendel ae' anifela Goda nimeguf hiami a'i agel ine'inai anda' beten.

Filemon 1:6

Ae' anda' beten ahali' God a'i ine' ni'ipasa bale'ef ine'inai ofagena nenda' enis epes sotaga la'ifis. Ine' nenda'am na'ama ma negawa andeande' amamaga bu'wami ape' mape la'ifipa maloma Jisas Kraisi mofa'ami.

Hibrui 10:36

Ipe' pitu la'ifipa ma pila okom Godi ma pefa' amamaga bu'wami fowa' Anan na'iam endilisi ma niesi'ipami.

Hibrui 13:21

Ae' a'i God nonda'epa la'ifipa nese'epa waf bu'unai hianai ipe' ma pila okom Ananinai atona. Ea' a'i Anan nonda' opalef ape'imi nomon ama mowalapa waf hianai bu'unai Anan okom na'inai ma pepel Jisas Kraisi atona. Ea' a'i epes hiesi sefela agel ananinai lu'una la'ela'ef hihif. Endilisi.

Jems 1:5

Emi egafis gawa bu'unai a'asi, esis sonda' beten sihali' Goda nose'asana. Dei' main, Anan nase'asa amamaga hiami na'a ma epes hiesi, ina ninifalis, owa'.

Jems 3:17

Ea' gawa nafi'i heveni nawalapa waf bu'unai na'ama. Waf nape nali'i, ukup epesi mope bo'om andeande'. Ea' waf bu'unai hianai wapoti' na'ama. Epes sape opalef awanema opalef etifim maloma enis epes. Ea' sanda' waf so'uso'umbilinai sati uwahipis endilisi ea' sanda' waf bu'unai ma sagiambama enis epes. Esis ina malogof biam sa'i anom basef, owa'. Sa'i basef endilisimi atom. Esis ina sanda' waf biefina sanifela enis sosambala enis, owa'. Esis ukup ma'i epes hiesi na'ama etin.

1 Pita 2:15

Okom Godi na'i ipe' penda'am na'ama. Anan na'i ipe' penda' waf bu'unai ma nesopama malogofa epes isima ukup mahaga magaoli sa'i basef gawa a'anai.

1 Pita 4:2

Ea' dei' nogota anae' ipe' ata' pape etap anae', ipe' pefe' pila okom Godi atona nahopepa pefe' pefe' petagama pega'. Ea' okom aonai nehafema waf aonai, owa'. Hapainai.

1 Jon 2:17

Waf etapanai naloma amamaga hiami epes ukup mohafemami anona nemaf hegililam, ea' emi egafis saila basefa okom Godi, epes isima sape la'ela'ef hihif.

1 Jon 5:20

Ape' mogawa Nogalomana Godi nafi'i ma nose'apa gawa ma mogawa anan God endilisinai. Ape' mape la'ifipa ma Anan endilisinai naloma Nogalomana Ananinai Jisas Krais. God anama endilisinai anan ofagonama ambal namunai napaipa mape andeande' la'ela'ef hihif.