Kolosi 1:6 - Basef Buꞌwami Godi

⁶ Ama ganima etap hiagoma basef bu'wami amama mawalapai waf bu'unai ma epes hiesi mataga lu'um la'ela'ef mikila' fowa'. Basef amama manda'am na'ama etin si'i fowa' damba damba mali' matagama ipe' pame'am pailam. Nemaf anama ipe' pali' pegawa endilisi okom Godi nagiambamepa na'a, basef amama mawalapai waf bu'unai nataga lu'una ma ipe'.

Kolosi 1:6 Iomraidhean Croise

Matyu Nandaꞌafi 24:14

Ea' anona nemaf esis si'ipasa basef amama bu'wami Godi ma epes hiesi siowis kingdom heveni. Esis si'ipas ganima etap hiagoma hi'ilagon ama amam nematawa hiesi ganima wambel hiagoma ata' sili' seme'am ea' nemaf akutainai notaga.

Matyu Nandaꞌafi 28:19

Na'ama dei' ipe' pefe' wambel hiagoma piwalipa amam nematawa sape wambotogw hiami piwalipasa basef bu'wami ae'ami, penda'as sotaga alupisi ae'asi ma siela basef Ae'ami andeande' ea' pipisi'as embela agel Ahalomei noloma Ae'anai noloma Ambal Bu'unai Ananinai.

Mak Nandaꞌafi 16:15

Ea' na'ipam na'ama na'i, “Ipe' pefe' wambel hiagoma pi'ipasa basef bu'wami Godi ma amam nematawa hiesi hi'ilas.

Mak Nandaꞌafi 4:8

Ea' anom mowa mafe' etap bu'unai, ea' mataga malo mail mola gwa'aimi. Anom mola 30-peleim, anom 60-peleim ea' anom mola 100-peleim.”

Jon Nandaꞌafi 15:16

Ipe' ina pali' pesaho' ae' ipe'iwei, owa'. Ae' ali' andandepepa ea' ae'ipei. Ea' anda'epa panda' opeh bu'wami. Ama pefe' penda' opeh bu'wami si'i lawah mola gwa'aimi ma opeh bu'wami ipe'imi mope andeande'. Penda'am na'ama ma i'i ipe' penda' beten pihali' Ahalome ma anom amamaga agel ae'anai, anan nose'epa.

Jon Nandaꞌafi 17:19

Ine' nigiambame epe ine'iwei atowe ma igiambama esis wapoti' sotaga bo'wes andeande' ine'isi etis.

Jon Nandaꞌafi 4:23

Ea' anona nemaf na'i neataga, dei' nataga ea' ma amam nematawa emi egafis sanda' lotu endilisi sonda' lotuma Ahalomapa Goda Ambal Bu'unai ananinai noloma waf bu'unai endilisi. Anan nagolopa amam nematawa na'amaisi ma sonda' lotumana.

Aposel 11:18

Esis same' basef amama Pita na'ipasami ea' ukup mase'asa basef amama asasimi safela agel Godi sa'i, “Dei' ape' mogawa God namboma opalef esis amam nematawa owa' Judaisi ma esis wapoti' safe'ma anan sope ambagof namumi.”

Aposel 12:24

Ea' basef Dembinai mataga la'ifim mafe' wambel hiagoma ma epes hiesi sombale'efana.

Aposel 16:14

Ano'w nemata'w agili'wa Lidia kwanda' lotuma God kwape kwalomawa. Dembinai namboma okom akwa'inai kwame' basef amama Pol na'ipakwami. Akwa'w Taiatairai'wi, kwanda' maol kwanda' bisnisa luwaguf akwahimi.

Aposel 26:18

Ama newala naep asasimi ma esis sowa' alafugaha akota waf aonai somboma opalef sifi'mai howalagon ma sokwaha pepel Satani sifi'mai God. Esis sombale'efa ae' ma ekwaha waf aonai esis sanda'anai. Ama sofa' amamaga bu'wami soloma enis amam nematawa God nanda'as bo'wes ananisi etisi.’

Basef Amama Pol Nandaꞌam Mafeꞌma Esis Romi 1:13

Ae' a'i ipe' alupipei ata' pegawa nimeguf hiami ae' a'i efe'mago ipe' ea' afi'i ataga dei'. Ea' anom amamaga mahopa eafa ae'. Fowa' ae' agiambama enis epes owa' Judaisi sape anagoni sataga Kristen saitu la'ifis. Ea' dei' a'i ata' igiambama ipe' wapoti' si'i agiambama esis.

Basef Amama Pol Nandaꞌam Mafeꞌma Esis Romi 15:19

Ambal Bu'unai Godi nase'e pepel ananinai nanda'e la'ifiwi ma anda' ikwaf la'ifinai naninani. Epes hiesi sati maol anama ea' same' basef Godi sailam. Damba damba anda'am Jerusalem awalapa basef bu'wami ma Krais afe' laogoma hi'alagon etambili etap hiagoma Ilirikum.

Basef Amama Pol Nandaꞌam Mafeꞌma Esis Romi 15:28

Ea' ae' a'i ata' enda' maol anama hi'ilana nili'. A'i ata' ese'asa amamaga amama bu'wami esis Jerusalem sofa'am andeande', ila eaf Speni efo'o itilipa.

2 Korin 10:14

Afa' wame' basefa God wailam wafo'o watagama ipe' dende' ma alol anan nandandepamafagoma. Ea' afa' ina umbisila' alola maol anama ma wawalipipa basef ananimi, owa'. I'i afa' owa' ome' basef Ananimi na'ipipami ugi'mam, afa' umbisila' alol. Owa'etin. Afa' wafo'o ofa'ago basef bu'wami atom Kraisi watagamepa.

2 Korin 6:1

Afa' wanda' maol Godi wandao'oma walomana. Dei' wa'ipipa basef la'ifimi na'ama wa'i, “God nagiambamepa na'a. Na'ama ipe' ukup mose'epa waf anama nagiambamepa na'a, owa'.”

Efesus 3:2

Endilisi, ape' hiapai mape etapi God nagiambamapa na'a. Amama anan nase'e ma imafiam enda' maol ewalapam ewalipipam.

Efesus 4:21

Ae' egawa endilisi ipe' pegawa basef Kraisi ea'. Ipe' pape la'ifipa paloma Anan, amam mawalipipa ma basef amama endilisimi Jisas nihi'ambapa.

Efesus 4:23

Ea' ukup ipe'imi motaga dambaim

Efesus 5:9

Epes safe' alipi sawalapai waf bu'unai, endilisinai hianai.

Filipai 1:11

Ae' anda' betena waf bu'unai Jisas Krais nawalapanai nambimb nepe si'ina ma ipe', nese'ana agel lu'unai Goda epes hiesi siti pepel nafifili Ananinai.

Filipai 4:17

Ea' dei' ae' ina ahali'ipa ma amamaga gwa'aimi maim, owa'. Ae' okom na'i nambimb God nogwa waf bu'unai ipe' panda'anai pagiambame nose'epa amamaga bu'wami.

Kolosi 1:10

Wanda'am na'ama ma nambimb ipe' petaga la'ifipama fe' pe ipe'inai netaga bo'ona endilisi dende'ma waf Dembinai. Wanda'mepa betena Anan niti waf ipe' panda'anai nenda' okom ananinai bo'ona ipe' nondanifamepa. Ama penda' maol naninani hianai bu'unai hi'ilana pegewana andeande' pikila' fowa' pali' pagawana.

Kolosi 1:23

Ea' ipe' pembale'efa basef bu'wami Godi la'ifipa la'ela'ef ma pitu la'ifipa endilisi si'i olaf nali'i nanda' ipat la'ifina. Na'ama ukup mose'epama pegawa endilisi anona nemaf pefa' amamaga amama bu'wami basef bu'wami Ananimi ma'iami. Basef amama pame'am ea' sawalipasama epes hiesi sape etap hiagoma. Basef amama ae' Pol ataga aman anda' maola awalipasami.

1 Tesalonaika 1:5

Basef amama bu'wami Godi fowa' ofa'ami, amama ina mataga na'a ma ipe' si'i anom basef wafimi, owa'. Ambal Bu'unai Godi nanda' basef amama mataga la'ifim ma pepel Ananinai ea' wafi'i wa'ipipam. Ea' manda' ukup ipe'imi la'ifim pembale'efana. Waf fowa' wape walomepa wanda'anai, ipe' pegawana.

1 Tesalonaika 2:13

Fowa' ipe' pefa' basef Godi malogof afa'imi, pembale'efam. Basef amama ina pefa'am si'i basef epesi atom, owa'. Pefa' basef amama endilisimi Godi. Ea' basef amama magiambama opalef ipe'imi, dei' paila waf bu'unai. Ea' afa' wanifela God la'ela'efa ipe' pefa' basef Ananimi pembale'efana andeande'.

2 Tesalonaika 2:13

Fowa' gani dambadamba God nosahe'epa ma nofa'epa petanimani pambale'efa basef endilisimi. Ama pepel Ambal Bu'unai Ananinai nanda'epa bo'wepa. Ea' la'ela'ef wanifela Goda ipe'. Kristen alupipei, okom Dembinai nainailipa

1 Pita 5:12

Ae' a'ipa owalome Sailas nanda'ago basef amama ae'ami bandami mafe'mago ipe'. Ae' ati anan nanda' maol Kraisi andeande'. Ea' a'ipipago basef amama endilisimi God nigiambamapa na'a. Dei' pitu la'ela'ef ma amama. Anda' basef amama a'i efela ukup ipe'imi enda'epa petaga la'ifipa.