Kolosi 1:5 - Basef Buꞌwami Godi

⁵ Fowa' basef bu'wami Godi amama endilisimi matagamepa pame'ama amamaga bu'wami ipe'imi God nandandombam dei' ma'oh heven ipe' pape pehafami. Amamaga amama bu'wami ofagema ma bale'ef ipe'inai naloma waf anama ipe' panda'anai ukup maimaila epes hiesi.

Kolosi 1:5 Iomraidhean Croise

Luk Nandaꞌafi 12:33

Ipe' pese'asa amamaga hiami ipe'imi ma enis epes sotalomepam, ea' pefa' otamba pewalogam pese' isima kwahusi pigiambamas. Ipe' penda' maol pegolopa paos otambaimi anona nemaf owa' motaga aom. Ipe' pekolasa otamba wiga maim amamaga bu'wami atom heven ilif nemaf owa' hegilialami. Anama sakowalefi ina suwis sokowalopam, owa'. Sopafowa maim owa' meatotopa'am hiahaom, owa'.

Aposel 10:36

Ipe' pegawa basef amama God na'iam mafe'ma ape' epes hiesi Israeli. Anan nawalapa basef bu'wami Jisas Kraisi, Anan Dembinai ma amamaga hiami maloma epes hiesi nanda'apa mataga ukup etifim maloma God opalef mape awanem malomana.

Aposel 13:26

Ipe' sahin owan, ipe' epes hiesi pataga wambota Abrahami, enipa owa' Judaipei panda' lotuma Godi, peme'. Dei' basef amama God nasapa'am mafi'mai ape' hiapai. Basef amama ma anan nambimb nofa'apa mokwaha waf aonai motanimani.

Aposel 23:6

Ea' Pol nogawa amam Juda dambami mumafi koti anom Sadyusi, anom Farisi. Na'ama anan na'ipam mehip na'ama na'i, “Ipe' sahope, ae' Farisiwei ea' ahalome ae'anai Farisinai. Ae' embale'ef a'i endilisi anona nemaf epes saga'i sohafel wapoti', dei' ape ehafa nemaf anama. Ofagema amama atom dei' esis sanda' kotima ae'.”

Aposel 24:15

Ae' embale'efam ape ehafa God owagama nefela esis saga'i, epes isima bu'wasi soloma isima sanda' waf aonai wapoti'. Amam manda' kotima ae' wapoti' mombale'ef mape mohafa God na'ama etin.

Basef Amama Pol Nandaꞌam Mafeꞌma Esis Romi 10:8

Ea' basef amama ma epes sembale'efa God na'i esis bo'wes ma'i main? Basef amama ma'i na'ama ma'i, “Basef amama mape felefele'ma ipe', mape maloguf maloma opalef ipe'imi.” Basef ape' mombale'am mawalapam ma'iam amama.

1 Korin 13:13

Dei' waf wenifina nape, anama na'ama. Waf mombale'efa Kraisi naloma waf mope mohafa God, waf ukup maimailasanai. Waf anama wenifina. Ea' nali' endilisi, waf ukup maimailasanai.

1 Korin 15:19

Ape' mombale'efa Krais ea' mape mohafa Anan. I'i mombale'efana mope mohafana anae', nimeguf mape etap anae', mope aom endilisi mope migi'. Andeande'ma epes hiesi si'i uwahipis enis epes, ea' ape' mombale'efana si'i uwahipipa endilisi. Owa'etin.

2 Korin 5:19

Basef afa'imi na'ama. Krais atona God nanda' maol nanda' epes hiesi sakwaha waf naumbihinai sataga opalef etifim salomana. Anan ina ata' okom na'i waf aonai esis sanda'anai, owa'. Ea' nase'afa maol anama ma owalapa basef ananimi ma nonda' esis naumbih sotaga opalef etifim solomana.

2 Korin 6:7

Wawalapa basef endilisimi wanda' maol waloma pepel Godi. Afa' waila waf bu'unai si'i wahapila amamaga wapa'ami lagof biam da'isinai iganai.

Galesia 2:14

Nogota anama ae' ati waf anama amam manda'anai, ina maila waf bu'unai dende'ma basef bu'wami Godi endilisimi, owa'. Ea' a'ipana naep epes hiesi a'i, “Ine' Judainai. Ea' dei' ine' naila waf anona wambota epes sololama Godi. Waf ape' Judai, ine' nakwahona ea'. Dei' maina ine' la'ifina endilisi ma nanda' epes hiesi saila waf ape' Judai? Na'ama ina andeande', owa'.

Galesia 2:5

Ape' ina ma'i aho'ma mila basef amamumi, owa'. Dei' main, ape' ma'i mumafi basef bu'wami endilisimi mope andeande'ma ipe' pembale'efam.

Galesia 5:5

Ea' owa' etin. Ape' mombale'efa Kraisa pepel Ambal Bu'unai Godi. Ea' mogawa endilisi mape mohafa anona nemaf God ni'i ape' bu'upai ma okom ananinai.

Efesus 1:13

Ea' dei' ipe' wapoti', nemaf anama peme' basef endilisimi bu'wami Godi, nofa'epa petanimani pembale'efa Krais pape la'ifipama anan. Nogota anama ipe' pembale'efa Krais, God nase'epa Ambal Bu'unai Ananinai nosahe'epa. Ambal Bu'unai anama si'i anona ikwaf God nanda'mepanai ma nihi'ambepa na'ama.

Efesus 4:21

Ae' egawa endilisi ipe' pegawa basef Kraisi ea'. Ipe' pape la'ifipa paloma Anan, amam mawalipipa ma basef amama endilisimi Jisas nihi'ambapa.

Kolosi 1:23

Ea' ipe' pembale'efa basef bu'wami Godi la'ifipa la'ela'ef ma pitu la'ifipa endilisi si'i olaf nali'i nanda' ipat la'ifina. Na'ama ukup mose'epama pegawa endilisi anona nemaf pefa' amamaga amama bu'wami basef bu'wami Ananimi ma'iami. Basef amama pame'am ea' sawalipasama epes hiesi sape etap hiagoma. Basef amama ae' Pol ataga aman anda' maola awalipasami.

Kolosi 1:27

Okom Ananinai nape na'ama. Anan na'i nihi'ambapa basef amama bu'wami endilisi agel lu'unai, mandawalap magiambama esis amam nematawa hiesi. Basef amama na'ama. Krais nape opalef ipe'imi nomona dei' pape pehafa anona nemaf pefa' nafifili Ananinai pelomana.

Kolosi 3:16

Basef Kraisi bu'wami endilisi mope opalef ipe'imi nomon. Ipe' penda'am na'ama piwalipa esis sahin owan ipe'isi pi'ipasa gawa hianai naninani. Ipe' pinifela Goda opalef ipe'imi pelomana. Ea' penda' awalef mail Buk Sami ea' penda' awalef lotuwimi ea' penda' awalef monda' ambagof ipe'imi motaga la'ifim.

1 Tesalonaika 2:13

Fowa' ipe' pefa' basef Godi malogof afa'imi, pembale'efam. Basef amama ina pefa'am si'i basef epesi atom, owa'. Pefa' basef amama endilisimi Godi. Ea' basef amama magiambama opalef ipe'imi, dei' paila waf bu'unai. Ea' afa' wanifela God la'ela'efa ipe' pefa' basef Ananimi pembale'efana andeande'.

2 Tesalonaika 2:16

Afa' wa'i Dembinai ape'inai Jisas Krais naloma God Ahalomapa ape'inai ukup amamumi maimailapa magiambamapa manda'apa mataga la'ifipa. Amam manda'apa na'ama la'ela'ef. Ea' magiambamapa mape mohafa God nonda'apa mope andeande'

1 Timoti 1:15

Anom basef endilisimi atoma epes hiesi some'ama sombale'efam. Basef amama na'ama. Krais Jisas nisila'i etap anae' ma nefa'ape epes manda' waf aonai nokwahomapana motanimani mape andeande'. Ae' ma'uwi ali' anda' waf aonai ikila' enis epes ea' ma'uwi ae' atowe.

2 Timoti 4:8

Dei' amamaga amama bu'wami sasagih sikila'i sefa'ami sandandombam ma'ome. Amama na'ama. Nambimb Dembinai nofale ni'ipi ni'i, “Ine' aman bu'winai.” Dembinai anan aman bu'unai nowalogas ma nemaf anama. Nemaf anama lu'unai Anan nese'e amamaga amama bu'wami. Ea' ina noso' ae' atowe, owa'. Anan nose'asam emi egafis ukup maimaila Anan notaga nondawalap sotolona.

Taitus 1:2

Ae' anda' maola agiambama bale'ef asasinai ma esis sogawa ma sondanifel sope sohafa ambal anama namunai nope andeande' la'ela'ef. Fowa' gani God ata' owa' nonda' anom amamaga motaga etap anae', anan nali' na'iam ma nose'apa ambal anama ape'. Anan ina nambaso'ami, owa'.

Hibrui 7:19

Dei' main, mi'uli anama ina nanda' epes sataga bo'wes andeande' ma naep Godi, owa'. Ea' dei' God nandoga anona eaf, anama bu'unai nikila' mi'uli anama, dei' eaf anama atona ape' mogawa endilisi God nagiambamapa ea' mefe' felefele'ma Anan.

1 Pita 2:2

Ipe' pepe ukup mila basef Godi si'i awasi ata' solas dambaisi ukup maila sa' nomambeh atomi. Ipe' la'ela'ef eap nese'epama pi'i basef Godi atom bo'om andeande', owa' somboma anom amamaga awami mealomami. Basef amama manda'epa dembepa la'ifipa ma bale'ef ipe'inai bo'ona. Penda'am na'ama ma anona nemaf God nofa'epa pitanimani pepe andeande'.

1 Pita 3:15

Ipe' ukup mopoma Krais atona nope Dembinai andeande'ma opalef ipe'imi penda' lotumana. Ea' pendandombam pepe la'ela'ef ma pewalapa basef ofagema alihim pegwamasam emi egafis sohali'ipamami ma amamaga bu'wami pape pehafami.

2 Pita 1:12

Endilisi, ipe' pegawa amamaga amama ma basef amama mali'i pembale'efam la'ifipa ma basef amama endilisimi paitu la'ifipamam. Owa'etin, ae' a'i ata' i'ipipa efela ukup ipe'imi ma pilam andeande'.

1 Jon 3:3

Emi egafis sape sohafa Anan nufi'i, esis sape sandondombam opalef asasimi la'ela'ef ma sope bo'wes andeande' si'i Krais nape.