Kolosi 1:4 - Basef Buꞌwami Godi

⁴ Dei' main, afa' wame' basef ma ipe' na'ama. Ipe' pembale'efa Krais Jisas ea' ukup ipe'imi maimaila amam nematawa Godi hiesi.

Kolosi 1:4 Iomraidhean Croise

2 Korin 7:7

Ina Taitus atona natagamafa dei' God nanda'afa la'ififa, owa'. Ipe' panda' Taitus nataga la'ifina, amama atom dei' God nanda'afa wataga la'ififa wapoti'. Taitus na'ipafa na'i ipe' ukup mohafel endilisi ma pa'i petolowe ea' opalef ipe'imi malefa fowa' pase'e nimanimi ae'. Ea' ukup ipe'imi mohafel endilisi ma pepe opalef etifim pelome. Amama atom dei' andanifel endilisi ikila' fowa'.

Galesia 3:26

Ipe' pembale'efa Krais Jisas. Amama atom dei' ipe' hipei pataga awasi Godi, pape la'ifipa paloma Krais Jisas.

Galesia 3:28

Dei' ina enis epes sape dambesi ma enis epesa naep Godi, owa'. Esis Juda ina sape dambesa isima owa' Judaisi, emi egafis agof a'asi ina sape owina epes agufisi, amam ina mape dambema awau nematawa, owa'. Ipe' hipei pape la'ifipa paloma Jisas Krais pataga etifipa.

Galesia 5:6

Emi egafis sepe la'ifisa Krais Jisas, waf anama matopa' alopanai o owa' motopa' alopanai anama falafunai atona owa' la'ifina. Ea' waf sombale'efa Krais atona nawalapai waf ukup maimailasanai. Amama bu'wami endilisi mikila'.

Efesus 1:15

Basef do'okimi endilisimi atom. Amama atom dei' la'ela'ef anda'mepa beten ipe'. Nemaf anama nali'i ame' basefa waf ipe'inai pembale'efa Dembinai Jisasa ukup bo'om ea' maimaila amam nematawa hiesi Godi. Ae' anda'am nemaf anama afi'i afi'i ataga dei', ae' ina akwahipa ma beten, owa'etin. Ae' okom na'i ipe' anda' beten anifela Goda ipe'.

Efesus 6:18

Ea' la'ela'ef pefa' pepel Ambal Bu'unai Godi ma penda' beten naninani hianai pehali' God. Ipe' pindumafuma andeande' penda' beten. Ina pepoma noma'w, owa' Penda' beten la'ela'ef ma God nigiambama esis amam nematawa ananisi hiesi hi'ilas.

Kolosi 1:9

Epafras na'ipafa Ambal Bu'unai Godi nanda' maol anama bu'unai ma opalef ipe'imi. Ea' afa' biafa wapoti' wame' basef amama. Nemaf nali'i wame'am, anama atona wasafela beten wanda'ana ma ipe' wafi'i wataga dei'. Afa' ina wakwahepa, owa'. Wanda' betena God nigiambamepa nenda'epa pepe si'ipa ma gawa ananinai endilisi. Gawa anama Ambal Bu'unai ananinai nasi'ipanai.

1 Tesalonaika 1:3

Afa' la'el'ef wa'ipa God ahalomapa ape'inai ma ipe' wanda' betena ipe'. Ipe' pembale'efa God panda' waf bu'unai. Fowa' ipe' paso' opalefa God naloma enis epes wapoti'. Ea' dei' panda' maol lu'unai Godi. Ipe' ukup mape la'ifipa pehafa Dembinai Jisas Krais nifi'i. Ea' afa' wanda' beten nimeguf hiami ma ipe'.

1 Tesalonaika 3:6

Timoti nakwahepa dei' atef nafi'mai afa', nawalapa basef bu'wami ma afa'. Na'ipafa ma ipe' pembale'efa Kraisa ukup maimaila enis epes. Ea' na'i ipe' pa'i petolofa, afa' wapoti' wa'i utilipa.

2 Tesalonaika 1:3

Ipe' Kristen alupipei afa'ipei, afa' wa'i andeande'ma dendel wanifela Goda ipe'. Waf anama bo'ona. Dei' main, bale'ef ipe'inai nataga la'ifina endilisi ea' ipe' hipei atona etin ukup maimailipa atona etin. Ea' waf anama nataga nafe' lu'una endilisi ma ipe'

Filemon 1:5

Dei' main, ae' ame'asa ine' nembale'efa dembinai Jisas endilisi ea' okom ine'inai nainaila amam nematawa Godi hiesi.

Hibrui 6:10

God ina epen aonai ma nambimb okom nose'ana ma maol hianai ipe' panda'anai, owa'. Ipe' ukup maimailana. Ea' dei' panda' maol anama ma pigiambama amam nematawa Ananisi. Ea' dei' ata' panda'ana na'ama la'ela'ef.

1 Jon 3:14

Ape' ukup maimaila esis sahin owan, amama ape' mogawa dei' makwahona waf anama ga'inai mataga mofa' ambal namunai. Dei' main? Ape' ukup maimaila esis sahin owan endilisi. Emi egafis owa' ukup mimila sahin owan asasisi, esis ata' sape la'ela'ef waf ga'inai.

1 Jon 3:23

Basef la'ifimi Godi ma'i na'ama ma'i ape' mombale'efa agel nogalomanai Jisas Krais ea' ukup mimila sahin owan ape'isi si'i Anan na'ipapa basef la'ifimi.

1 Jon 4:16

Amama atom dei' ape' mogawa mombale'efa God anan okom nainailapa endilisi. God Anan ofagonama okom nainaila epes hiesi. Emi egafis sape ukup maimaila God naloma epes hiesi la'ela'ef, esis sape la'ifis saloma God ea' Anan nape la'ifina nalomas.