Kolosi 1:16 - Basef Buꞌwami Godi

¹⁶ God nanda' amamaga amama hiami mape ilif etapi mataga mape lagel nogalomanai atona. Anan atona nanda' amam la'ifimi hiami mape mali'i mape la'afena etap naloma otaga maloma agufumi dembemi maloma amam dembemi ensel maloma amam dembemi la'ifimi mumafi ambagof. Anan nanda' amamaga amama maloma epes hiesi dei' ape' matolomi maloma amamaga amama ape' owa' meatolom naepi. God nanda' amamaga hiami mataga mape ma lagel Nogalomanai atona. Ea' amamaga amama maloma epes hiesi ananimi atom.

Kolosi 1:16 Iomraidhean Croise

Jon Nandaꞌafi 1:10

Fowa' gani anan nanda' etap anae' nataga, dei' nafi'i nape etap anae'. Ea' esis amam nematawa etapasi ina segawana, owa'.

Jon Nandaꞌafi 1:3

Anan nanda' epes ea' nanda' amamaga hiami. Owa' anom amamaga motaga anona eaf, owa'etin. Epes saloma amamaga matagai hiami anan atona nanda'am mataga.

Basef Amama Pol Nandaꞌam Mafeꞌma Esis Romi 11:36

Anan nanda' amamaga hiami hi'alam mape ilif etapi numafiam. Ea' amamaga amama mape ma mefela agel ananinai atona. Ape' epes hiapai hi'ilapa mefela agel ananinai la'ela'ef. Endilisi.

Basef Amama Pol Nandaꞌam Mafeꞌma Esis Romi 8:38

Ae' egawa endilisi ina anom amamaga la'ifima anona nemaf melefatapa ma okom lu'unai Godi, owa'etin. Nemaf anama ape' moga' o mope, anan okom nainailapa la'ela'ef. Amam ensel maloma amamaga la'ifimi mamumami mape mumafi etapi, opa'wagufeh, ma'akw, naoh, ambagof awami mamumami wapoti' amamaga dei' mapani ea' anom anona nemaf migi' meatagai, amamaga la'ifimi awami,

Basef Amama Pol Nandaꞌam Mafeꞌma Esis Romi 9:5

Bafapapa akupapa ape'imi dambami mali'i amama ape'imi atom. Ea' esimbel ape'imi atom, Krais nataga epen, anan God nandandepana nasapa'ana nafi'i, nape nali'ma epes saloma amamaga hiami numafiam. Anan God endilisinai ea' mefela agel ananinai la'ela'ef. Endilisi.

1 Korin 8:6

ea' hapaimi. God ape' manda' lotumanai atotona nape. Anan God ahalomapa, anan atona ofagonama amamaga hiami. Anan ofagema ape' mape etap anae', manda' maol ananinai atona. Ea' Dembinai atotona nape, anan Jisas Krais. Lagel ananinai atona dei' God nanda' amamaga hiami mataga mape. Krais atona nanda' ape' mataga mape dambaipai.

Efesus 6:12

Dei' main? Ape' ina manda' wandaf maloma epes, owa'. Ape' manda' wandaf mapa' maloma ambagof gambefah awami mape mali'i maloma amam agufumi awami maloma amam ensel awami maloma pepel hianai aonai mumafi epes sanda' waf aonai etap anae'. Ape' mapa' maloma ambagof awami hiami mape la'afena otaga naloma etap.

Filipai 2:10

Anan nase'ana agel anama Jisasa anona nemaf epes soloma ambagof maim hiami mape heveni maloma anom amama mape etap anae' ilif owini hi'ilam mindiwa nembawa ma anan mafela agel ananinai lu'una,

Kolosi 1:15

Krais anan na'ama etin endilisi si'i God anama ape' owa' meatolonai. Anan nali'i endilisi ma amamaga hiami God nanda'ami mape ilif etapi hi'alam maloma amamaga ambagof mapaimi maloma epes hiesi wapoti'.

Kolosi 1:20

God nanda' amamaga amama hiami mape ilif etapi maloma epes hiesi wapoti' sataga bo'wes sapoma anan. God nanda'am na'ama ma esimbel Kraisi atom malo nemaf anama naga' lawag usi'inai tu'wanainai.

Kolosi 2:10

God nase'epa ambal namunai endilisinai napaipa pape la'ifipa paloma Jisas Krais. Anan dembinai nape nali'ma ambagof hiami maloma pepel naninani naloma ensel dembemi mape la'afena etap naloma otaga hi'alam.

Kolosi 2:15

Lawag anama Anan natalogofa ambagof awami maloma pepel naninani aonai naloma agufumi dembemi mape la'afena etap naloma otaga mape owina anan ea' ina la'ifim. Anan nikila'am ea' nowa'am la'ifim nafe' nali'am nafe' amam mafe' mailana ea' epes hiesi sakolasa naep satolom sa'i amam falafumi.

Hibrui 1:2

Ea' dei' nogota anae' si'i nogota anama anona nemaf nigi' neatagai endilisi, nawalapa basef na'ipapa malogel Nogalomana Ananinai. God nandandepana ma nemaf akutainai Anan nope Dembinaima amamaga hiami ma etap anae' moloma esis amam nematawa wapoti'. Anan atona nofa'am numafiam. Fowa' gani God na'i Nogalomana Ananinai nanda' amamaga hiami ambagof mapaimi maloma ambagof a'ami mape ilif etapi hi'alam mataga mape.

Hibrui 2:10

God anan Dembinai fowa' gani nanda' amamaga hiami mataga mape numafiama pepel Ananinai mape andeande', Ananimi atom. Ea' andeande'ma Anan na'i Jisas nefa' nimanimi nanda' eaf ma nokwahomapa waf aonai ape' manda'anai nofa'apa motanimani. God nanda'am na'ama ma nokolasa ape' hiapai nofa'apa mefe' heven miti nafifili Ananinai.

1 Pita 3:22

Anan nafe' nalata ilif otaga nape wa'ol lagel da'isinai Godi. Ea' amam ensel hiami maloma agufumi mumafi ilifi mape owina Anan atona.