Kolosi 1:12 - Basef Buꞌwami Godi

¹² Ea' onda' betena ipe' ma pinifela Ahalomapa. Anan nanda'epa pataga la'ifipa ma pefa' amamaga amama bu'wami Anan nandondombama ipe'. Amama anona nemaf pefa'am peloma esis amam nematawa Ananisi hiesi wambel Ananinai howalagoma.

Kolosi 1:12 Iomraidhean Croise

Matyu Nandaꞌafi 25:34

Ea' ae' dembiwei king i'ipa esis isima sape lagel kwahisinai i'i, ‘Ipe' Ahalome ae'anai nofalo'mepa ma pendanifel, ipe' piwis kingdom Ananinai pefa' amamaga amama ipe'imi fowa' etap owa' ata' neatagai ma'omipei.

Jon Nandaꞌafi 14:6

Ea' Jisas na'ipana na'i, “Ae' atowe eaf ofagewe ma basef endilisimi moloma ambal namunai. Owa' enin epen la'ifina nefe' neatagama Ahalome anona eaf, owa'etin. Ea' ae' atowe.

Jon Nandaꞌafi 20:17

Ea' anan Jisas na'i, “Ina nihapila alop ae'anai, owa'. Dei' main? Ae' ina dei' etanima afe'ma Ahalome gani ilif, ata' owa'. Ine' nefe'ma owape ae'ami ni'ipam ni'i, Ae' etanima elata ilifa Ahalome ae'anai, Ahalomepa ipe'inai. Efe'ma God Dembinai ae'anai, God Dembinai ipe'inai.”

Jon Nandaꞌafi 4:23

Ea' anona nemaf na'i neataga, dei' nataga ea' ma amam nematawa emi egafis sanda' lotu endilisi sonda' lotuma Ahalomapa Goda Ambal Bu'unai ananinai noloma waf bu'unai endilisi. Anan nagolopa amam nematawa na'amaisi ma sonda' lotumana.

Aposel 20:32

Dei' anda'epa ukup mopoma God noloma basef ananimi. Basef amama ma'ipipa Anan okom nainailipa ma nagiambamepa etin. Amama la'ifima monda'epa petaga la'ifipa mose'epa amamaga bu'wami atom God nase'asam amam nematawa anan nanda'as bo'wes ea' Ananisi etis.

Aposel 26:18

Ama newala naep asasimi ma esis sowa' alafugaha akota waf aonai somboma opalef sifi'mai howalagon ma sokwaha pepel Satani sifi'mai God. Esis sombale'efa ae' ma ekwaha waf aonai esis sanda'anai. Ama sofa' amamaga bu'wami soloma enis amam nematawa God nanda'as bo'wes ananisi etisi.’

Basef Amama Pol Nandaꞌam Mafeꞌma Esis Romi 11:17

God nindiwam nelefata anom agof lawah oliv ea' nofa'ai anona agela anona lawag oliv aolupunai nuwataniana lawag anama sawana aof. Ipe' owa' Judaipei, ipe' si'i agel lawag anama aolupunai. Amama atom dei' ipe' pefa' amamaga maim bu'wami mataga ma epes isima Juda si'i agel lawag anama aolupunai nofa' ifata nombalef lawag sawana nape aofi.

Basef Amama Pol Nandaꞌam Mafeꞌma Esis Romi 15:27

Endilisi ukup asasimi atom ma'iam ea' dei' sanda'am na'ama. Ea' ae' a'i esis sowaolamasa anona wiaf notaoma esis Kristen sape Jerusalemi. Fowa' esis Juda sali' sawalipasa basef Godi ma sagiambama ambagof esis isima owa' Judaisi sape etap hiagoma Masedonia saloma esis Grik sapoma. Amama atom dei' andeande'ma esis sogwamasa wiaf anama esis Judai ma amamaga magiambama alopami.

Basef Amama Pol Nandaꞌam Mafeꞌma Esis Romi 8:17

Ape' mape awasi Godi. Ea' anona nemaf mofa' amamaga bu'wami Ahalomapai moloma amamaga anan nambe'ama Krais numafiami mofa'am moloma Krais. I'i dei' ape' mofa' nimanimi molomana, anona nemaf mofa' pe bu'unai endilisi nonda'apa mififil molomana.

Basef Amama Pol Nandaꞌam Mafeꞌma Esis Romi 9:23

Anan na'i nowalapam motaga alihim amamaga nafifili bu'unai ananinai ma enis epes anan nati uwahipis sogawam. Epes isima anan naila okom ananinai atona fowa' nandandepasa nose'asa nafifili esis.

1 Korin 8:6

ea' hapaimi. God ape' manda' lotumanai atotona nape. Anan God ahalomapa, anan atona ofagonama amamaga hiami. Anan ofagema ape' mape etap anae', manda' maol ananinai atona. Ea' Dembinai atotona nape, anan Jisas Krais. Lagel ananinai atona dei' God nanda' amamaga hiami mataga mape. Krais atona nanda' ape' mataga mape dambaipai.

1 Korin 9:23

Ae' anda' maol anama ma efela agel basef bu'wami Godi ma anona nemaf efa' amamaga amama bu'wami epes isima saila basef amama sofa'ami eloma enis epes Godi wapoti'.

2 Korin 11:14

Ea' ipe' ina pehafel gegelalasipa ma amama, owa'. Ape' mogawa Satan atona nandala'wifa ensel nafifili nafe' hiagoma.

2 Korin 5:5

God atona nandondombafa ma ofa' alop anama dambainai ea' nase'afa Ambal Bu'unai Ananinai. Ambal anama nali'ma amamaga amama hiami nanda'ami ma na'i anona nemaf nose'afam afa' ea' ogawa endilisi anona nemaf nose'afam.

Efesus 1:11

God nanda' amamaga amama hi'alam naila fowa' damba damba Anan okom na'iam. Ea' nosahe'apa mape la'ifipa maloma Jisas Krais. Dei' main, Anan naila okom ananinai si'i fowa' damba damba okom na'iam.

Efesus 1:18

Ae' anda' beten ahali'ana ma nonda' ukup ipe'imi pegawa waf bu'unai ma amamaga bu'wami Anan nofalepa pape pehafami. Ma pegawa ambal namunai mape la'ela'ef noloma wambel Godi nahopagoma howalagon endilisima. Amama God nandondomba ma anona nemaf na'i nose'apa moloma epes ananisi endilisi.

Efesus 2:18

Lagel Kraisi atona ape' epes hiesi mape wambotagw biam mape eaf alihina mafe'ma Ahalomapa Goda Ambal Bu'unai Ananinai atona.

Efesus 3:6

Basef amama bu'wami Godi mape na'ama. Epes hiesi owa' Judaisi hi'alas fowa' sololama Godi saloma ipe' pataga etifipa paloma ape' Israel. Ea' ipe' hipei paloma ape' Juda mofa' amamaga bu'wami hiami God na'i endilisi nase'apami ma lagel Krais Jisasi.

Efesus 4:6

God ahalomapa ape' hiapai anan atotona nape dembinai ma ape' hiapai mombale'efana. Anan nape anama hiagoma, ea' nape nomona ape' hiapai.

Efesus 5:11

Ipe' ina peloma epes isima sanda' waf aonai si'i sape owambi pendao'oma atogon etin, owa'. Waf anama wafinai atona ina nola gwa'imi bu'wami, owa'. Ipe' pekwaha epes isima hiesi sanda' waf anama aonai.

Efesus 5:20

La'ela'ef pendanifela ahalomapa God ama amamaga hiami ma agel Dembinai ape'inai Jisas Kraisi atona.

Efesus 5:4

Ipe' ina penda' basef awami o basef mamumami awami, o basef salamalimi awami, owa'. Waf anama ina andeande', owa'. Andeande'ma ipe' pinifela God.

Efesus 5:8

Dei' main, fowa' ipe' ata' panda waf aonai si'i pape owamb. Ea' dei' pape la'ifipama paloma Jisas Dembinai, amama atom dei' nahaponepa papoma si'i pape howalagoma. Ipe' pefe' si'i epes safe' alip howalagoma.

Kolosi 2:2

Ae' anda'am na'ama ma opalef ipe'imi moloma opalef asasimi motaga la'ifim mope ukup mondao'oma etina sahin owan ipe'isi. Ama ipe' peloma esis pefa' gawa bu'unai endilisi nenda' bale'ef ipe'inai bo'ona ma pegawa basef Godi endilisimi atom. Ae' anda' maol anama ma ipe' peloma esis pegawa basef amama Godi ofagema fowa' mandambahi'i ma'i Krais atona.

Kolosi 3:15

Krais nase'apa opaf awanena ape' ea' opaf anama atona numafi ipe' endilisi. God nofalepa pataga alop etifina nape opalef awanem. Ipe' pinifelona la'ela'ef.

Kolosi 3:17

Maim amamaga ipe' nambimb pi'iama basef o penda' maol, anama ipe' penda'ama agel Jisasi. Ama agel ananinai ipe' pinifela God Ahalomapa.

Taitus 2:14

Krais anan nakwaha ambal bu'unai ananinai ma natala ape' natagahepa ma waf aonai hianai mosambala mi'uli Godi. Anan na'i nondombasa ape' ma motaga epes ananipai atepa bu'upai, ukup mohafela monda' opeh lu'wami ma mila waf hianai bu'unai.

Hibrui 12:23

Ipe' pafi'i pandakolas paloma epes Godi, awasi ananisi sali'i. God nanda' agof asasimi mape wambel anama ilif. Ipe' pafi'i felefele'ma God, anan jas nowaloga epes hiesi saloma ambagof epes fowa' God na'i bo'wes andeande'.

Hibrui 3:1

Ipe' alupipei epes Godi, Anan nape ilif nofalipei, ipe' peme'. Ipe' okokoma Jisas, Anan aposel nape pris Dembinai ma waf naloma basef ofagema ape' ea' mombale'ef mawalipasami.

Hibrui 3:14

Ape' fowa' mali' mombale'efana, ea' dei' mombale'efana la'ifipa la'ela'ef, mefe' motagama moga'. I'i ape' monda'am na'ama la'ela'ef, ape' amam nematawa endilisi Kraisi, mape la'ifipa malomana.

Jems 3:9

Malogof ape'imi atom mafela agel Dembinai Ahalomapa ape'inai ea' ma'i basef awami wapoti' mahambombaga sahin owan ape'isi God nanda'as sape na'ama etin si'i Anan.

1 Pita 5:1

Ipe' agufipei pimafi esis Kristeni, ae' a'i efela ukup ipe'imi enda'epa petaga la'ifipa. Ae' wapoti' ae' agiliwei imafi esis Kristen. Fowa' aitu ati Krais nofa' nimanimi egawam. Ea' anona nemaf wapoti' itu elomepa ma miti nafifili lu'unai Ananinai notaga. Dei' a'ipipa basef la'ifimi na'ama a'i,

1 Jon 1:3

Amamaga amama afa' watolom wame'ami dei' wa'ipipam ipe' wapoti' ma pepe ukup etifim pelomafa. Afa' wape wambota atona waloma Ahalomafa naloma Nogalomana ananinai Jisas Krais.

Revelesen 21:23

Ea' taun anama aon owambunai alipunai maol nanda'anai owa' ma wambel anama howalagoma, owa'. Dei' main, mafifili lu'wami Godi atom mumafiagon manda'agon howalagon. Ea' Sipsip Noganai anan atona si'i nagwapin anama.

Revelesen 22:14

Esis amam nematawa sasa'opa luwaguf asasimi ma sataga bo'wes, esis sondanifel. Esis isima anona nemaf God na'i esis bo'wes ma sefa' gwa'aimi ma lawag anama ambal namunai napainai ea' la'ifisa sefe' suwis uta anama ma wambel anama bu'unai.

Revelesen 22:5

Anona nemaf owamb ina notaga wapoti', owa'. Ea' ina ata' anom mafifili moloma lam nogwahis o owaf aon alipunai, owa'. Amama opeh a'am. Dei' main, Dembinai God nififima esis, sope si'i king sumafi enis epes la'ela'ef.