Kolosi 1:10 - Basef Buꞌwami Godi

¹⁰ Wanda'am na'ama ma nambimb ipe' petaga la'ifipama fe' pe ipe'inai netaga bo'ona endilisi dende'ma waf Dembinai. Wanda'mepa betena Anan niti waf ipe' panda'anai nenda' okom ananinai bo'ona ipe' nondanifamepa. Ama penda' maol naninani hianai bu'unai hi'ilana pegewana andeande' pikila' fowa' pali' pagawana.

Kolosi 1:10 Iomraidhean Croise

Jon Nandaꞌafi 15:16

Ipe' ina pali' pesaho' ae' ipe'iwei, owa'. Ae' ali' andandepepa ea' ae'ipei. Ea' anda'epa panda' opeh bu'wami. Ama pefe' penda' opeh bu'wami si'i lawah mola gwa'aimi ma opeh bu'wami ipe'imi mope andeande'. Penda'am na'ama ma i'i ipe' penda' beten pihali' Ahalome ma anom amamaga agel ae'anai, anan nose'epa.

Jon Nandaꞌafi 15:8

I'i ipe' pela gwa'aimi hiami, Ahalome ae'anai nofa' agel lu'unai. Ama pihi'amba amam nematawa hiesi ipe' pepe alupipei Ae'ipei.

Jon Nandaꞌafi 17:3

Ambal namunai anama ofagena anama. Esis sogawa ine' etina God endilisinai ea' sogawa endilisi ae' Jisas Krais, ine' nasapa'e afi'i.

Basef Amama Pol Nandaꞌam Mafeꞌma Esis Romi 1:13

Ae' a'i ipe' alupipei ata' pegawa nimeguf hiami ae' a'i efe'mago ipe' ea' afi'i ataga dei'. Ea' anom amamaga mahopa eafa ae'. Fowa' ae' agiambama enis epes owa' Judaisi sape anagoni sataga Kristen saitu la'ifis. Ea' dei' a'i ata' igiambama ipe' wapoti' si'i agiambama esis.

Basef Amama Pol Nandaꞌam Mafeꞌma Esis Romi 4:12

Ea' anan akunamas epes isima Juda satopa' alopi wapoti'. Ea' esis ina satopa' alop atona, owa'. Esis saila bo'wagah Abrahami sombale'efa God si'i fowa' anan nembale'efana nogota anama ata' owa' neatopa' alop.

Basef Amama Pol Nandaꞌam Mafeꞌma Esis Romi 6:4

Baptais anama ape' la'ifipa maloma ga' Jisasi, God nawapa maloma Krais hi'agif. Pepel bu'unai Ahalomanai atona nafela Krais nohafel hi'agif. Ea' na'ama etina ape' mohafel wapoti' mape la'ifipa manda' waf dambainai ma ambal namunai etap anae'.

2 Korin 2:14

Ea' dei' afa' wanifela God. Anan la'ela'ef nagiambamafa wape la'ififa waloma Krais ea' wali'amona wandafa waf aonai. Ama maol afa'inai God nawalapa basef ea' enis epes sogawa basef Kraisi. Gawa anama anan si'i alogw bu'wami ma mafe'agon hiagoma.

2 Korin 4:6

Fowa' gani God nati owamb atona na'i, “Lala notaga.” Dei' na'ama etin nanda' nafifili ananinai nataga ma afa' nanda' opalef afa'imi mafifil endilisi. Nafifili anama nihi'ambapa gawa ma nafifili pepel Godi nape la'ela'ef. Ape' mati anama ma waf Jisas Kraisi nafifili nataga amaga ananinai.

2 Korin 5:9

I'i ope olomana ilif o ope etap anae', hapaimi. Afa' la'ela'ef ukup mali' mahafel la'ififa wila okom Dembinai atona.

2 Korin 9:8

God Anan wilama nese'epa amamaga bu'wami hiami ipe' ma nambimb ipe' si'ipamam endilisi. Anan nanda'am na'ama ma nimeguf hiemi ipe' penda'am peso' enis epes ina hi'ilam, owa'. Mo'oh la'ela'ef. Ea' ipe' amamaga hiamipei penda' opeh bu'wami hiami mamumami ma pigiambama enis epes wapoti'.

Efesus 1:17

Jisas Krais anan Dembinai ape'inai. Ae' anda' beten la'ela'ef nimeguf hiami ahali' God, Anan Dembinai Jisas Kraisi, Anan Ahalomapa ape'inai nafifili pepel napainai. Anda' beten ahali'ana ma nose'epa gawa bu'unai ukup ipe'imi pegawa basef Godi ofagema mandawalap alihima ipe'. Ama pegawa God andeande'.

Efesus 2:10

Dei' main, God atona nanda'apa mape. Lagel Krais Jisasi atona nanda'apa mataga dambaipa ma waf bu'unai ape' mailana mafe'.

Efesus 4:1

Basef amama mali'i endilisimi atom. Ea' dei' a'i efela ukup ipe'imi ma basef la'ifimi amama. A'i fe' pe ipe'inai nefe' dende'ma waf bu'unai okom Godi na'ianai nofalapa ma milana. Ae' anda' kalabusa maol anama Dembinai dei' a'ipipa na'ama afela ukup ipe'imi.

Efesus 4:13

Ea' mope mefe' mefe' ma anona nemaf ape' hiapai mombale'efana motaga opalef etifim endilisi ma bale'ef ape'inai noloma gawa etifina ma anan Nogalomana Godi. Ape' motaga epes la'ifipa endilisi mombale'efana si'i epes dambes ea', motaga na'ama etin si'i ikwafa waf bu'unai Kraisi atona.

Efesus 5:10

Ea' ipe' pendandomba ma pegawa maina waf Dembinai okom na'ianai.

Efesus 5:15

Ipe' pape howalagoma ea'. Ea' pimafia fe' pe ki ipe'inai. Ipe' ina pepe si'i epes isima gawa a'asi, owa'. Ipe' pepe si'i epes isima gawaisi.

Efesus 5:2

Ipe' pila waf anama ukup maimailasanai si'i Krais okom nainaila ape' hiapai nakwaha ambal Ananinai nagiambamapa. Anan nase'ana alop Ananinai God naga' nondolalimana si'i ofa bu'unai alogw bu'wami ma'ami.

Filipai 1:11

Ae' anda' betena waf bu'unai Jisas Krais nawalapanai nambimb nepe si'ina ma ipe', nese'ana agel lu'unai Goda epes hiesi siti pepel nafifili Ananinai.

Filipai 1:27

Dei' fe' ipe'inai nefe' bo'ona nila basef bu'wami Kraisi. I'i ae' efe'mago ipe', o i'i eme' basef atoma ipe', ea' hapaimi. A'i ata' egawa ipe' paitu la'ifipa opalef etifim pandagigiambanama pafela esisa sembale'efa basef amama bu'wami

Filipai 4:18

Otamba gwa'aimi amamaga maim ipe' pasi'iami hiami mikila' ae' okom na'iami. Amamaga ipe' panda'am paso' Epafroditus nofa'ami efa'am ea'. Amama si'i ofa pindalalima God pese'anami alogw ma'ami. Ea' ipe' pase'anam God, nofa'am opaf ananinai ambo'ona.

Kolosi 2:19

Esis ina sombale'efa Krais sape la'ifisa Anan nape nali' endilisima ma ape', owa'. Anan nali'i numafi gwa'aimi nataga alop si'ina ea' nanda' nigis maloma okwatogw maim mandahapima etin alop si'ina. Ea' dei' God nanda' alop anama nataga lu'una la'ifina.

Kolosi 2:6

Ipe' pembale'efa Krais Jisas pa'i Anan Dembinai ipe'inai. Na'ama dei' pefa' pepel ananinai pepe la'ifipa peloma Anan.

Kolosi 3:20

Ipe' batawisas wapoti', peme' basef mamasipei andeande'ma waf naloma basef asasimi hiami. Waf anama nanda' okom Dembinai bo'ona.

Kolosi 4:5

Esis sape ande'ma Kraisi, ipe' ukup mope andeande'ma fe' pe ki ipe'inai. Maim nimeguf eaf nogal ipe' pi'ipasa basef Kraisi, pi'ipasam.

1 Tesalonaika 2:12

Wa'ipipam na'ama ma ipe' penda' waf nefe' andeande'ma God nitilipa ninifelipa. Ea' nofalepa pafi'i piwis pelomana wambel Ananinai howalogoma.

1 Tesalonaika 4:1

Alupipei, fowa' afa' wa'ipipa wihi'ambepa waf ipe' pepe pefe' andeande' ma pilana, si'i God okom na'iami. Fowa' pailana dei' wapoti' pilana la'ela'ef. Ea' afa' wahali'ipa wafela ukup ipe'imi ma agel Dembinai Jisasa pilana penda'ana nefe' etin notaga lu'una.

2 Timoti 2:4

Aman anama nape si'i soldia, ina nahapila maol naninani, owa'. Nanda' maol anama soldiai bu'unai atona ni'i dembinai soldia ananinai okom ninila maol ananinai.

Taitus 3:1

Ine' la'ela'ef la'ifinama nefela esis amam nematawa ma sope owina amam gavman dembemi, amam la'ifimi mumafi esis ma sila basef amamumi. Ea' esis sondandombama sonda' opeh hiami bu'wami.

Taitus 3:14

Ea' esis Kristen amam nematawa ape'isi sonda' waf sope la'ifisa opeh bu'wami mamumami sigiambama epes isima amamaga a'asi. Na'ama esis Kristen sope etin ea' ukup mose'asa sonda' waf bu'unai Godi.

Hibrui 11:5

Enok nembale'efa God dei' God nefa'ana nafe' nalata ilif heven. Anan ina naga', owa'. Epes sagolopana sa'i siti anan, ea' ina satolona, owa'. Dei' main, God nefa'ana. Amama na'ama etin si'i buk Baibel na'iam na'i, “Fowa' God ata' owa' nefa'ana, nemaf anama Enok nali' naila okom Godi.”

Hibrui 13:16

Ipe' ina ukup mose'epama penda' waf bu'unai esis amam nematawa, owa'. Ea' amamaga ma'oma ipe' pewalogam pese'ama tu'wanim epes isima amamaga a'asi. Dei' main, God okom na'iam endilisi waf anama si'i amamaga bu'wami ipe' paso'anama pindolalimanami.

Hibrui 13:21

Ae' a'i God nonda'epa la'ifipa nese'epa waf bu'unai hianai ipe' ma pila okom Ananinai atona. Ea' a'i Anan nonda' opalef ape'imi nomon ama mowalapa waf hianai bu'unai Anan okom na'inai ma pepel Jisas Kraisi atona. Ea' a'i epes hiesi sefela agel ananinai lu'una la'ela'ef hihif. Endilisi.

2 Pita 1:8

Ipe' pegawa Jisas Krais dembinai ape'inai anan ofagonama waf anama hianai hi'alana. I'i waf anama nope ipe' la'ifipa notaga lu'una endilisi nikila' pali' panda'anai, gawa anama ipe'inai ina nambimb nepe na'a, owa'. Nambimb notaga nefe' lu'una nowalapai waf bu'unai hianai.

2 Pita 3:18

Ea' ipe' pepe pila waf anama Dembinai Jisas Krais nagiambamapa na'a nofa'apa motanimani. Ea' pitu la'ifipa ma waf anama noloma gawa anama Kraisi pikila' fowa' pali' pape panda'am. Ae' a'i agel bu'unai atona dei' la'ela'ef nopomana nefe' anona nemaf owagama wapoti'. Endilisi.

1 Jon 3:22

I'i ape' mi'i monda' beten mohali'ana ma anom amamaga, anan nose'apami. Dei' main, ape' maila okom ananinai manda' amamaga anan nandanifel ma ape' manda'ami.

1 Jon 5:20

Ape' mogawa Nogalomana Godi nafi'i ma nose'apa gawa ma mogawa anan God endilisinai. Ape' mape la'ifipa ma Anan endilisinai naloma Nogalomana Ananinai Jisas Krais. God anama endilisinai anan ofagonama ambal namunai napaipa mape andeande' la'ela'ef hihif.

3 Jon 1:6

Amam hiami ma'ipa esis Kristen sape na'ae ma okom ine'inai nainailam nigiambamam. Ae' ahali'ina ma nigiambamama gwa'aimi otamba maim mofa'am etin mofe' anagon monda' opeh Godi si'i okom ananinai na'iam.