Jon Nandaꞌafi 8:42 - Basef Buꞌwami Godi

⁴² Ea' Jisas na'ipas na'i, “I'i God ahalomepa ipe'inai, ukup ipe'imi mimila ae'. Ina ae' atowe ela okom afi'i, owa'etin. Ahalome nasapa'e afi'i ape na'ae.

Jon Nandaꞌafi 8:42 Iomraidhean Croise

Jon Nandaꞌafi 1:14

Basef mataga epen ea' anan nape la'afena ape', ea' wati howalagon pepel Ananinai. Howalagon anama pepel Nogalomana atona, Ahalomana nasapa'ana nafi'i. Ape' mati amama nagiambamapa etin nanda'apa la'ifipa ma nihi'ambapa waf endilisinai nape si'ina ma anan.

Jon Nandaꞌafi 12:49

Dei' main? Ae' ina a'i anom basefa okom ae'anai atona na'iami, owa'. Ahalome ae'anai atona na'ipi basef amama mehip ea' a'ipasam. Ea' anan nasapa'e afi'i a'iam si'i okom ananinai na'iam.

Jon Nandaꞌafi 13:3

Ea' Jisas nogawa Ahalomana nanda' anan la'ifina ma numafi amamaga hiami. Ea' nogawa anan nape naloma God nafi'i ea' nambimb notanima nefe'mana wapoti'.

Jon Nandaꞌafi 14:10

Ine' nembale'efa ae' ma negawa ae' aloma Ahalome afa' atofa, ae' ape anan, anan nape ae'? Basef ae' a'ipapami, amama ae' ina efa'ama okom ae'anai atona, owa'. Ahalome nape ae' ea' anan atona nanda' opeh ananimi hiami.

Jon Nandaꞌafi 16:30

Dei' afa' ogawa ina ata' nape nehafa enin epen nihali'ina nili', owa'etin. Ine' negawa amamaga hiami ea'. Amama atom dei' afa' wambale'efa ine' nape naloma God nafi'i.”

Jon Nandaꞌafi 17:25

Ahalome bu'unai endilisi, esis amam nematawa saila waf etapanai ina sogawa ine'. Ea' ae' egawa ine'. Ea' esis amama alupisi sogawa ine' nasapa'e afi'i.

Jon Nandaꞌafi 17:8

Basef hiami ine' nasi'iami, amama ae' a'ipasam ea' sofa'am sogawa endilisi fowa' ae' ape alomena afi'i. Ea' sombale'efa basef amama ine' nasapa'e afi'i.

Jon Nandaꞌafi 3:17

God ina nasapa' Nogalomana ananinai nafi'i etap anae' ma neanda'mapa basef, owa'. Anan nasapa'ana nafi'i ma nofa' ape' epes hiapai mape etapi motanimani.

Jon Nandaꞌafi 5:23

God nanda'am na'ama ma dei' esis amam nematawa hiesi safela agel ae' Nogalomanai ananiwei lu'una na'ama etin si'i safela agel Ahalomei lu'una. Emi egafis owa' seafela agel ae' Nogalomanai lu'una, amama ina safela agel Ahalomei God nasapa'e afi'i lu'una, owa'.

Jon Nandaꞌafi 5:43

Ae' afi'i agel Ahalome ae'anai, ea' ipe' ina pase'e opalef ipe'imi ma ae', owa'. Anona nemaf anona aman nifi'i ma agel ananinai atona, ipe' pi'i a'e pese'ana opalef anan.

Jon Nandaꞌafi 8:14

Ea' Jisas nagwamama basef na'i, “Ae' a'ipasa basefa ae'. Ea' dei' basef amama ae'ami endilisimi atom. Dei' main, ae' egawa ae' ataga afi'ima ea' egawa anama anona nemaf eafe'ma. Ea' ipe' ina pegawa anama ae' ataga afi'ima, o anona nemaf eafe'ma, owa'.

1 Korin 16:22

I'i emi egafis sendaiwa'ma soso' opalefa esis Dembinai, okom ae'anai a'i anona nemaf God nohambombagago epes isima hegililas. Dembinai ape'inai, ae' okom nohafel endilisi a'i ine' fi'i.

Galesia 4:4

Ea' nogota anama God na'ianai nataga, anan nasapa' Nogalomana ananinai nafi'i etap anae'. Ano'w nemata'w kolana nataga epen nape owina mi'uli esis Juda sailanai.

1 Jon 4:14

Ea' ape' mogawa Ahalomapa nasapa' Nogalomana ananinai ma nofa'ai epes hiesi sape etapi sotanimani ma anan. Ape' mati amamaga amama ma anan nofa'ai epes sotanimai ma'ipasam.

1 Jon 5:20

Ape' mogawa Nogalomana Godi nafi'i ma nose'apa gawa ma mogawa anan God endilisinai. Ape' mape la'ifipa ma Anan endilisinai naloma Nogalomana Ananinai Jisas Krais. God anama endilisinai anan ofagonama ambal namunai napaipa mape andeande' la'ela'ef hihif.

Revelesen 22:1

Ea' ensel anama nihi'ambe anona walemb lu'unai. Walemb anama howalagon pelele' endilisi si'i glas. Walemb anama nandambe nafi'i balata lu'unai Godi natomanai naloma balata lu'unai Sipsip Noganai natomanai ea' kolo' etin nafe'.