Jon Nandaꞌafi 8:21 - Basef Buꞌwami Godi

²¹ Ea' Jisas na'ipam wapoti' na'i, “Ae' nambimb ekwahipa efe'. Ea' ipe' pegolope ea' ina petolowe, owa'. Ipe' pepe pega' ma waf aonai ipe'inai. Dei' main, anama ae' eafe'ma, ipe' ina nambimb la'ifipa peafo'oma, owa'.”

Jon Nandaꞌafi 8:21 Iomraidhean Croise

Matyu Nandaꞌafi 23:39

Ae' a'ipipa, ipe' nambimb ina petolowe wapoti' ma nambimb pi'i, ‘Ape' ma'i God nofalo'ma aman anama nafi'i agel Dembinai ma nonda'ana nondanifel.’ ”

Matyu Nandaꞌafi 25:41

Ea' ae' i'ipa esis saitu lagel eganai wa'ol wapoti' i'ipas, ipe' si'amae fo'o. God nandaiwa'mepa na'i ipe' epes aopei. ‘Ipe' fo'o wambel aonai nif lu'wami ma'oma. Nif anama Ahalome nanda'am mandandombol ma'oma aman aonai Satan naloma ensel ananimi atom.

Matyu Nandaꞌafi 25:46

Ea' epes isima anona nemaf sefe' sofa' amamaga awami mape la'ela'ef hihif. Ea' epes isima bu'wasi anona nemaf owagama sofa' ambal namunai sefe' sope anama sope andeande' la'ela'ef hihif.”

Jon Nandaꞌafi 12:33

Jisas na'ipas na'ama ma nihi'ambas sogawa eaf anan nambimb neaga'anai.

Jon Nandaꞌafi 12:35

Ea' Jisas nagwamasa basef na'i, “Nogota ata' bandana ma nogwapin nafifili nope nolomepa. Dei' ipe' pefe' howalagoma. Na'ama owamb neatagamepa. Emi egafis seafe' owambi, esis ina sogawa anama seafe'ma, owa'.

Jon Nandaꞌafi 13:33

Ipe' so'upei, ae' elomepa ope nogota bandana efe'. Ipe' atuwasi pegolopa ae' ea' ina petolowe, owa'. Anama ae' eafe'ma, ipe' ina la'ifipama nambimb peafo'o, owa'. Basef amama atom fowa' a'ipa amam Juda, dei' a'ipipam wapoti'.

Jon Nandaꞌafi 7:34

Ipe' nambimb pegolopa ae', owa'. Gani ae' nambimb iapanima, ipe' ina la'ifipa peafo'o, owa'.”

Jon Nandaꞌafi 7:36

Ea' na'i, ‘Ipe' pegolopa ae' ea' ina nambimb petolowe, owa'.’ Ea' na'iam wapoti' na'i, ‘Ipe' ina la'ifipa piti ae' eapoma, owa'.’ Basef amama ofagema ma'i main?”

Jon Nandaꞌafi 8:24

Ae' a'ipipa ea'. Nambimb ipe' pega' ma waf aonai ipe' panda'anai ata' la'ela'ef napaipa. I'i ipe' owa' peambale'efa ae', aman God nasapa'e afi'i, nambimb ipe' pega' ma waf aonai ipe' panda'anai la'ela'ef napaipa.”

Efesus 2:1

Basef ipe'imi mape na'ama. Fowa' ipe' panda' waf naninani aonai nahepa paga'. Dei' main, ipe' ina pagawa God, owa'. Pesambalona panda' waf aonai.