Jon Nandaꞌafi 8:11 - Basef Buꞌwami Godi

¹¹ Ea' akwa'w kwa'ipana kwa'i, “Dembinai, owa'. Mafe' hi'alam.” Ea' na'ipakw na'i, “Ae' na'ama etin si'i amam. Ae' ina anda'mena basef, owa'. Ine' fo'o, ea' ina netanima nenda' waf aonai wapoti', owa'.”

Jon Nandaꞌafi 8:11 Iomraidhean Croise

Luk Nandaꞌafi 13:3

Ae' a'ipipa owa'etin endilisi! I'i ipe' owa' pemboma opalefa waf aonai ipe'inai, anona nemaf ipe' hipei pega' na'ama etin si'i esis.

Luk Nandaꞌafi 13:5

Owa'etin. I'i ipe' owa' pemboma opalefa waf aonai ipe' panda'anai, anona nemaf ipe' hipei pega' na'ama etin si'i esis.”

Luk Nandaꞌafi 15:10

Dei' ae' a'ipipa na'ama etin si'i amam ensel Godi mandanifela enin epen nanda' waf aonai nemboma opaf nafe'ma God.”

Luk Nandaꞌafi 15:32

Ea' dei' afa' ondanifel, opalef afa'imi mope bo'om. Dei' main, owalomena anama ine'inai fowa' nafe' laogon si'i naga'i, ea' dei' nafi'i nataga ambal napaina wapoti'. Anan higilalana, ea' dei' afa' watolona wapoti'.’ ”

Luk Nandaꞌafi 15:7

Dei' Jisas na'ipas na'i, “Ae' a'ipipa na'ama etina esis amam nematawa sape heven ilifi sandanifel ma epes isima 99-peleis ambo'wes, ina sanda' waf aonai ma sotanima somboma opalef, owa'. Ea' i'i enin epen nenda' waf aonai ni'i nemboma opaf, esis sape heven ilifi sondanifel endilisi ma enin. Danifel asasinai nikila' sandanifela epes isima sape bu'wasi.

Luk Nandaꞌafi 5:32

Ae' ina afi'i ma efala epes sape andeande'i somboma opalef, owa'. Ae' afi'i ma efala epes sanda' waf aonai etis somboma opalef sokwaha waf aonai sefe'ma God.”

Luk Nandaꞌafi 9:56

Ea' mafe' anona wambel.

Jon Nandaꞌafi 18:36

Ea' Jisas na'i, “Ae' ina Judaiwei king imafi epes etapesi, owa'. I'i ae' epe king etap anae', alupumi ae'ami manda' opeh ae'ami migiambama ae' mopa' ma esis Juda ina la'ifisa sombale'e. Owa'.”

Jon Nandaꞌafi 3:17

God ina nasapa' Nogalomana ananinai nafi'i etap anae' ma neanda'mapa basef, owa'. Anan nasapa'ana nafi'i ma nofa' ape' epes hiapai mape etapi motanimani.

Jon Nandaꞌafi 5:14

Anom nimeguf mafe'ma ea', Jisas natolona ipat lu'unai Godi sanda' lotuwanai na'ipana na'i, “Neme'! Dei' ine' ambo'wena ea'. Ea' ine' owa' nitanima nefe' nenda' waf aonai wapoti, owa'. Na'ama amamaga awami endilisi motagamena.”

Jon Nandaꞌafi 8:15

Ipe' pawaloga epes si'i epes etapasi sawalogas. Ea' ae' owa'. Ae' ina ewaloga enin epen, owa'.

Basef Amama Pol Nandaꞌam Mafeꞌma Esis Romi 2:4

God nanda'epa andeande' endilisi, ea' ata' nape nohafepa nogota launai, ina nagwamepa waf aonai nase'epa nimanimi ulal, owa'. Waf anama bu'unai Godi ipe' ukup ma'i falafunai? Anan nanda'mepa waf anama bu'unai ma ata' pemboma opalef. A'i ipe' pegawa amama?

1 Korin 5:12

Maol sowaloga epes sape ande'ma siosi ina maol ae'anai, owa'. God atona anona nemaf nowaloga waf epes isima. Ea' maol sowaloga epes sape nomoni, amama maol ipe'inai, ipe' penda'ana. “Ipe' galo'manago aman aonai nape la'afena ipe' nanda' waf aonai.”

2 Pita 3:15

Dembinai ata' nape nohafa ape' epes hiapai hi'alapa. Ea' dei' ipe' ukup mopoma basef amama anan nefa'apa motanimani. Amama si'i basef amama hiami sahalomapa Pol ape' ukup maimailanai nanda'am mafe'ma ipe'. Anan nanda' basef amama ma gawa bu'unai endilisi God naso'ananai.