Jon Nandaꞌafi 7:1 - Basef Buꞌwami Godi

¹ Amamaga mataga ea', Jisas nafe' nowalona etap hiagoma Galili. Esis Juda dambami asasimi mape etap hiagoma Judia ma'i mohana noga'. Na'ama anan ina ata' nafe' nape etap asasinai, owa'. Nape Galili atogon.

Jon Nandaꞌafi 7:1 Iomraidhean Croise

Matyu Nandaꞌafi 10:23

I'i esis sape anona taun sonda' waf aonaima ipe', pefa' pefe' anona wambel. Ae' a'ipipa endilisi, ae' ataga epen endillisiwei. Ipe' ina pefe' pembefa maol ae'anai wambel anama Israeli hiagoma, ata' owa', ipe' piti ae' iefi'i.

Matyu Nandaꞌafi 21:38

Owa'etin. Amam mati nogalomana ananinai nafi'i, manda'ipama etin ma'i, ‘Aman anama anona nemaf nofa' amamaga hiami ahalomanai. Afa' ohana afuna ma afa' atofa ofa' aof anama.’

Mak Nandaꞌafi 11:18

Amam nematawa hiesi gegelalasisa basef ananimi. Amama atom pris amama dambami maloma amam mawalipasa mi'uli Godi umbamahama anan. Ea' magolopa eafa mohana neaga'.

Jon Nandaꞌafi 1:19

Anom amam dambami Judaimi mapani Jerusalem masapa'i anom amam mafe' mahali' Jon. Anom pris maloma anom Livai mumafi ipat Godi, amam mapani Jerusalem mafi'i mahali' Jon ma'i, “Ine' emi egafina?”

Jon Nandaꞌafi 4:3

Ea' Jisas negawa amam Farisi mame' basef amama. Ea' anan nakwaha etap anama Judia netanima nafe' etap hiagoma Galili wapoti'.

Jon Nandaꞌafi 4:54

Fowa' Jisas nakwaha etap hiagoma Judia nafe' nataga etap hiagoma Galili, ea' dei' nanda' ikwaf anama la'ifinai. Ikwaf anama nafe'ma bifi nanda' so'uso'win inima bo'wen.

Jon Nandaꞌafi 6:1

Amama mataga ea' Jisas nafe' nambo walemb batupa'manai anama Galili fisana. Walemb batupa'manai anama sa'i Taiberias.

Jon Nandaꞌafi 7:11

Nemaf anama sanda' gwa'aimi amama amam dambami Juda mape naep motaoma Jisas. Ea' mahali' esis ma'i, “Aman anama nape eti?”

Jon Nandaꞌafi 7:13

Ea' ina enin epen nawalapa basef na'iam alihima Jisas, owa'. Dei' main, esis hiesi umbamahasa amam agufumi esis Judai.

Jon Nandaꞌafi 7:19

Fowa' Moses nase'epa mi'uli Godi ipe', ea' owa' enin epen dei' nape nalomepa nila mi'uli anama, owa'etin. Dei' maina ipe' pa'i pehe ega'?”

Jon Nandaꞌafi 7:25

Enis epes Juda sape Jerusalemi same' basef amama ananimi sahali'as sa'i, “Anan ma'una anama dambami ape'imi ma'i mohana neaga'?

Jon Nandaꞌafi 7:35

Ea' amam Juda atom manda'ipama ma'i, “Aman anama na'i nefe' eti ma afa' weagolopana? Anan nambimb nefe'ma esis Juda afa'isi saloma esis Grik sapoma ea' niwalipa esis Grik, a' amon?

Jon Nandaꞌafi 8:37

Ae' egawa ipe' pataga wambota Abrahami. Ea' ipe' pa'i pehe ega'. Dei' main, basef amama ae'ami ina mape nomonas ipe'imi, owa'.

Aposel 10:38

Basef amama, basef Jisas Nasaretinai. God nandandepana na'ama. Anan nase'ana Ambal Bu'unai Ananinai naloma pepel lu'unai Ananinai. Ea' nafe' wambel hiagoma ganigani nagiambama esis amam nematawa. Ea' dei' God nape nalomana nanda' epes hiesi saila pepel Satani ambo'wes wapoti'.