Jon Nandaꞌafi 5:10 - Basef Buꞌwami Godi

¹⁰ Nemaf anama amama mataga, anona nemaf Sabat esis Juda sapoma noma'wanai. Ea' amam dambami esis Judai mati aman anama nataga bo'ona nafela lehis ananimi nofa'am naitu nafe' naep amamumi nemaf anama Sabat. Ea' ma'ipana ma'i, “Dei' nemaf ape' mapoma noma'wanai, mi'uli ape'inai na'i owa' ma ine' nefela lehis nefa'am neafe', owa'.”

Jon Nandaꞌafi 5:10 Iomraidhean Croise

Matyu Nandaꞌafi 12:10

Ea' nati anona aman lagel aonainai nape ipat anama. Wa'ana naga' dindigina nailana. Anom amam ma'i mogolopa anona eafa meambaso'ma Jisasa anom basef baso'maimi ma monda'mana basef. Ea' mahali'ana ma'i, “Afa' andeande'ma wigiambama enis epes awesisi ma nemaf anae' sapoma noma'wanai, o owa'?”

Mak Nandaꞌafi 2:24

Ea' anom dambami Farisi ma'ipa Jisas ma'i, “Neme'. Alupumi ine'imi manda'am na'ama ma main? Amam mosambala mi'uli ma nemaf anama mapoma noma'wanai, Sabat.”

Mak Nandaꞌafi 3:4

Ea' Jisas nahali'as na'i “Mi'uli lu'unai ape'inai na'iam na'imama? Ape' monda' waf bu'unai nemaf anama sapoma noma'wanai o monda' waf aonai? Ape' migiambama esis sope ambal namunai napeis mohas soga'?” Ea' esis ina sa'i anom basef, owa'.

Luk Nandaꞌafi 13:14

Ea' aman anama numafi ipat esis Juda sa'i basef sapeinai okom wandafuna ma Jisas nanda'akw kwataga bo'okw nemaf anama sapoma noma'wanai. Ea' anan na'ipa esis amam nematawa na'i, “Nimeguf amama wanom wanom sanda' maolanami. Ea' dei' ipe' pi'i aman anama notofamepa awes ipe'inai, andeande'ma pifi'i nemaf anama sanda' maolananai. Ea' ipe' ina pifi'mai maol anama ma nemaf anama mapoma noma'wanai.”

Luk Nandaꞌafi 23:56

Watolona ea' otanima wafe' ifagw awaumi, wandondomba wel maloma amamaga alogw bu'wami ma'ami ma bimb ofa'am ofe' hi'agif undisa alop Jisasi. Nemaf anama Sabat nataga, wapoma noma'w si'i mi'uli Godi na'i.

Luk Nandaꞌafi 6:2

Ea' anom Farisi mahali'am ma'i, “Ina penda'am na'ama ma nemaf anae' Sabat mapoma noma'wanai, owa'. Dei' maina panda'am na'ama?”

Jon Nandaꞌafi 1:19

Anom amam dambami Judaimi mapani Jerusalem masapa'i anom amam mafe' mahali' Jon. Anom pris maloma anom Livai mumafi ipat Godi, amam mapani Jerusalem mafi'i mahali' Jon ma'i, “Ine' emi egafina?”

Jon Nandaꞌafi 5:11

Ea' anan nagwamama basef na'i, “Aman anama nanda'e bu'uwei anan na'ipi na'i, ‘Fela lehis ine'imi nefa'am nefe'.’ ”

Jon Nandaꞌafi 5:15

Ea' nafe' na'ipa amam Juda na'i, “Aman anama nanda'e bu'uwei anan Jisas.”

Jon Nandaꞌafi 5:16

Ea' dei' amam Juda ukup aoma nanda' aman anama awes nanda'ana nataga bo'ona nehafel nofa' lehis na'ohami nafe' nemaf anama Sabat. Na'ama dei' mohafel manda'mana waf aonai mogolopana ma meahana.

Jon Nandaꞌafi 7:23

Ipe' patopa'mam alop nogamepa nemaf anama Sabat ama ipe' ina pewala mi'uli anama God naso' Moses anai. Dei' maina ipe' ukup aoma ae' ma anda' anona aman bo'ona endilisi nemaf anama Sabat?

Jon Nandaꞌafi 9:16

Ea' anom Farisi ma'i, “Aman anama ina naila mi'uli ma nemaf anama Sabat, owa'. Na'ama dei' anan ina aman Godi, owa'.” Ea' anom Farisi ma'i, “Anona aman nanda' waf aonai ina la'ifina ma neanda' maol la'ifinai si'i God nanda'anai, owa'.” Ea' amam Farisi mandawal biefim.