Jon Nandaꞌafi 4:21 - Basef Buꞌwami Godi

²¹ Ea' Jisas na'ipakw na'i, “Nemata'w, ine' nembale'efa ae'. Anona nemaf neataga ipe' ina pefe' penda' lotuma Ahalome halaf anama, o penda' lotumana Jerusalem atogon, owa'etin.

Jon Nandaꞌafi 4:21 Iomraidhean Croise

Matyu Nandaꞌafi 18:20

Dei' main, i'i epes bias o wenis ukup mapoma agel ae'anai ma sunduwa'anima sope etifigin, ae' ape alomas.”

Matyu Nandaꞌafi 28:19

Na'ama dei' ipe' pefe' wambel hiagoma piwalipa amam nematawa sape wambotogw hiami piwalipasa basef bu'wami ae'ami, penda'as sotaga alupisi ae'asi ma siela basef Ae'ami andeande' ea' pipisi'as embela agel Ahalomei noloma Ae'anai noloma Ambal Bu'unai Ananinai.

Luk Nandaꞌafi 21:24

Enis, bainat nohas soga'. Enis, naumbih sonda' kalabusimas sofa'as sefe' sope etap anae' hiagoma hi'ilagon. Ea' epes isima sololama Godi sotaga sofa'asa wambel anama Jerusalem bo'wagah asasimi sumafiagon. Ea' sope la'ela'ef sefe' na'ama etina nemaf God nandandepanai ma nogota asasinai hi'ilana.”

Jon Nandaꞌafi 14:6

Ea' Jisas na'ipana na'i, “Ae' atowe eaf ofagewe ma basef endilisimi moloma ambal namunai. Owa' enin epen la'ifina nefe' neatagama Ahalome anona eaf, owa'etin. Ea' ae' atowe.

Jon Nandaꞌafi 16:2

Anona nemaf esis sogalo'mepa ifagw esis Juda sa'i basef sapeimi. Anona nemaf notaga ma emi egafis sehepa pega', esis ukup mondanda' si'i sanda' maol bu'unai Godi. Owa'etin.

Jon Nandaꞌafi 16:32

Ipe' peme'. Nogota felefele' notaga, endilisi nataga ea' ma sogalo'ma ipe' hipei atona etin pefe' wambel ipe'inai. Ea' pekwaha ae' atowe epe. Ea' ina ae' atowe epe, owa'. Ahalome nape nalome.

Jon Nandaꞌafi 4:23

Ea' anona nemaf na'i neataga, dei' nataga ea' ma amam nematawa emi egafis sanda' lotu endilisi sonda' lotuma Ahalomapa Goda Ambal Bu'unai ananinai noloma waf bu'unai endilisi. Anan nagolopa amam nematawa na'amaisi ma sonda' lotumana.

Jon Nandaꞌafi 5:25

Endilisi ae' a'ipipa, nemaf anama na'i neataga, dei' nataga ea' ma esis sa'i seame' maf ae'anai, ae' Nogalomana Godi. Emi egafis seme' ae'i, nambimb sefa' ambal namunai ma seape bo'wes endilisi la'ela'ef.

Jon Nandaꞌafi 5:28

Ipe' ina ukup hiahiama amama, owa'. Nemaf anama dahandahama ni'i neataga, amam nematawa hiesi saga'i sawas sape hi'agilifi anona nemaf seme' maf ae'anai sohafel sokwaha hi'agilif suwisi ande'. Ea' emi egafis sanda' waf bu'unai, anona nemaf sohafel wapoti' sofa' ambal namunai sepe bo'wes la'ela'ef hihif. Ea' emi egafis sanda' waf aonai, anona nemaf setanima sehafel sonda' basef lu'wami ma kot.”

Aposel 6:14

Ape' mame' anan na'i, ‘Aman anama Jisas Nasaretinai nambimb nohambombaga ipat anama lu'unai Godi ea' nonda' anona waf dambainai noho'ofa waf hianai fowa' gani Moses na'ipapanai.’ ”

Efesus 2:18

Lagel Kraisi atona ape' epes hiesi mape wambotagw biam mape eaf alihina mafe'ma Ahalomapa Goda Ambal Bu'unai Ananinai atona.

Efesus 3:14

Ae' okom na'i Krais nakolas ape' Juda maloma ipe' ina Judaipei mataga etifipa, amama atom dei' indiwa nembawa etawa anda' beten anifela Ahalome.

1 Timoti 2:8

Ea' dei' ae' a'i epes hiesi wambel hiagoma sonda' beten. Ae' okom na'i esis hiesi sope bo'wes andeande', sokwaha ukup wandafumi moloma migimigah ea' sonda' beten.

1 Pita 1:17

Ipe' pefala God pa'i Anan “Ahalomapa”. Ahalomapa anama anan ina okom napoma agof ape'imi lu'um so'um ea' nawaloga ape', owa'. Anan nawaloga ape' na'ama etina ikwaf bu'unai atona ma waf ape' manda'anai. Amama atom ipe' umbamehepama God penda' lotumana pefe' bo'opa nimeguf hiami ipe' pailam pape etap anae'.

Revelesen 21:22

Ae' ina ati ipat Godi lu'unai sanda' lotuwanai notawa taun anama, owa'. Dei' main, Dembinai God la'ifinai nikila' la'ifimi hiami hi'alami naloma Sipsip Noganai, amam biam mape si'i ipat lu'unai Godi ma taun anama.