Jon Nandaꞌafi 4:1 - Basef Buꞌwami Godi

¹ Nemaf anama amam Farisi dambami Judai mame' anom basef na'ama ma'i, “Jisas napisi' alupusi hiesi nikila' isima Jon napisi'asi.”

Jon Nandaꞌafi 4:1 Iomraidhean Croise

Luk Nandaꞌafi 1:76

Ea' ine', awani ae'inai, basef ine'imi amama. Anona nemaf sofalena profet nanda' opeha God pepel hianainai. Dei' main, nambimb ine' nefe' nili'ma Dembinai nenda'mana eaf ananinai.

Luk Nandaꞌafi 19:31

I'i enin epen nihali'ipa ni'i, ‘Patagahona ma main?’ ea' pegwaman pi'ipan pi'i, ‘Dembinai afa'inai na'ipafa na'i nonda' maolanana.’ ”

Luk Nandaꞌafi 19:34

Ea' amam ma'ipam ma'i, “Dembinai na'i nonda' anona maolanana.”

Luk Nandaꞌafi 2:11

Dei' nemaf anae' ano'w nemata'w kwape Betlehem wambel Deviti kola enin awani aman. Anan aman anama nokwahomepa waf aonai nofa'epa peatanimani. Anan Krais, God nandandepana nasapa'ana nafi'i, anan Dembinai.

Luk Nandaꞌafi 7:13

Dembinai nati akwa'w, okom ananinai na'i uwahipi'w ea' na'ipakw na'i, “Ine' nelef owa'.”

Luk Nandaꞌafi 7:19

nasapa'am mafe' mahali' Dembinai Jisas ma'i, “Ine' aman ma'wina nafi'i o ata' mope mohafa anona?”

Jon Nandaꞌafi 3:22

Basef amama hi'alam, Jisas naloma alupumi ananimi mafe' etap hiagoma Judia ea' mafe' anama taun a'agoma. Ea' nape nalomam napisi' esis amam nematawa embel.

Jon Nandaꞌafi 3:26

Ea' alupumi Joni mafe'ma anan ma'ipana ma'i, “Dembinai Tisa, aman fowa' nape naloma ine'i gani wa'ol walemb Jordani ine' nawalapa basef na'ianai, aman anama dei' amam nematawa hiesi safe'ma anan napisi'as embel.”

Aposel 10:36

Ipe' pegawa basef amama God na'iam mafe'ma ape' epes hiesi Israeli. Anan nawalapa basef bu'wami Jisas Kraisi, Anan Dembinai ma amamaga hiami maloma epes hiesi nanda'apa mataga ukup etifim maloma God opalef mape awanem malomana.

1 Korin 1:17

Dei' main, Krais ina nasapa'e afi'ima enda' baptaisima enis epes, owa'. Anan nasapaho'ma ewalapa basef bu'wami Ananimi i'iam. Ae' ina ewalapam i'iam ila anona gawa amam gawaimi ma'ianai, owa'. Na'ama epes si'i basefa lawag usi'inai tu'wanainai Krais naga'manai si'i basef amama falafumi atom.

1 Korin 15:47

Aman nali'i, God nanda' etap nanda'ana nataga ambal napaina. Ea' aman nagi' natagai, Anan aman ilifanai.

1 Korin 2:8

Owa' anona aman atotona agilinai ma etap anae' nogawa basefa gawa anama, owa'. I'i amam mogawana, dei' ina maunda Dembinai lawag usi'inai tu'wanainai, owa'. Anan agel lu'unai endilisi.

2 Korin 4:5

Dei' main, afa' ina wawalapa basefa afa' ofela agof afa'imi lu'um, owa'. Afa' wawalapama Krais Jisas atona anan Dembinai. Afa' waila waf Jisasi dei' agof a'afa wape owina ipe' wanda' maol wagiambamepa.

Jems 2:1

Sahin owan ae'ipei, ipe' pembale'efa Dembinai ape'inai Jisas Krais, Anan Dembinai nafifili endilisi. Ea' dei' ipe' ina pigiambama epes isima agufisi etis ea' pewa' alafugaha epes agof a'asi, owa'. Penda'am na'ama etin.

Revelesen 19:16

Anom amef agel Ananinai mailana nimbe naloma luwaguf ananimi. Agel anama na'ama. Dembinai king ma amam king hiami, Dembinai ma dembemi hiami.