Jon Nandaꞌafi 3:5 - Basef Buꞌwami Godi

⁵ Ea' Jisas nagwamana na'ipana na'i, “Ae' a'ipina endilisi, i'i Ambal Bu'unai Godi owa' nenda'an dambaina embel, ina nambimb la'ifin niowis wambota Godi, owa'etin. Ea' i'i Ambal Bu'unai Godi nolan dambain, enin wilama niowis wambota Godi.

Jon Nandaꞌafi 3:5 Iomraidhean Croise

Matyu Nandaꞌafi 18:3

Ea' na'ipam, “Ae' a'ipipa endilisi. Emi egafis si'i siowis kingdom heveni, ama sase'ana opalef God si'i awasi isima sa'i sase'ana opalef God, isima sanda'am na'ama anona nemaf siowis kingdom heveni. I'i owa', owa'etin.

Matyu Nandaꞌafi 19:24

Ae' a'i i'ipipa wapoti', anona mafin lu'unai kamel nuwis nil nagala sagundisa luwagufanai, anama wila ma niowis. Ea' amam nematawa amamaga hiamisi sefe' siowis kingdom Godi, sonda'am ahifim endilisi ma sefe' siowis. Eaf anama ahifina endilisi nikila' maol kamel nuwis nil nagala.”

Matyu Nandaꞌafi 21:31

Ea' dei' nogamana amama biam ananimi mamanama naila basef ahalomanai?” “Amam ma'i, ‘Nali'i.’ ” Ea' Jisas na'ipam na'i, “Ae' a'ipipa endilisi, amam amama mofa' takisi manda' waf aonai maloma nematawa wanda' waf aonai wanda' so'a wauli esis ea' sefe' suwis wambota Godi numafias sili' ma ipe'.

Matyu Nandaꞌafi 28:19

Na'ama dei' ipe' pefe' wambel hiagoma piwalipa amam nematawa sape wambotogw hiami piwalipasa basef bu'wami ae'ami, penda'as sotaga alupisi ae'asi ma siela basef Ae'ami andeande' ea' pipisi'as embela agel Ahalomei noloma Ae'anai noloma Ambal Bu'unai Ananinai.

Matyu Nandaꞌafi 3:11

Ae' dei' apisi'ipa embela pihi'ambas ipe' pamboma opalef pakwaha waf aonai pafe'ma God. Anona aman nambimb nigi'ma ae'i ni'ifi, anan la'ifinai nikila' ae'. Anan nenda' baptaisimepa Ambal Bu'unai Godi nope nolomepa nese'epa nif la'ifimi wapoti'. Ae' ina aman bu'uwei ma eatagaha mandelefa su ananimi, owa'.

Matyu Nandaꞌafi 5:20

Na'ama dei' ae' a'ipipa a'i, ipe' ukup pepoma amam dambami mawalipasa mi'uli Godi moloma amam dambami Farisi. I'i waf ipe'inai bu'unai owa' nikila' waf amamunai, anona nemaf ipe' ina pefe' piowis kingdom heveni, owa'etin.

Mak Nandaꞌafi 10:14

Ea' Jisas nati amam ma'i manda' na'ama, anan okom aona ma amam ea' na'ipam na'i, “Ipe' kwahowas awasi isima sifi'mai ae'. Ipe' ina pindaiwa'mas. Fa'asi sifi'mai ae'. Esis amam nematawa siowis wambota Godi numafias same' basef ananimi sailam si'i awasi isima.

Mak Nandaꞌafi 16:16

Emi egafis sembale'efa ae' sofa' baptais, anona nemaf God notanima nefa'asi wapoti' ea' Ananisi. Ea' isima owa' sembale'ifi, anona nemaf God nonda'mas kota basef lu'wami ma waf aonai esis sanda'anai.

Mak Nandaꞌafi 9:47

“I'i naep ipe'imi monda'epa pewa ma waf aonai, pigiam pekwahom. Atona etin mope ma piwis wambota Godi numafipa, pepe andeande' la'ela'ef. Na'ama naem anama nonda'epa panda' waf aonai nope, nofa'epa pefe' wambel aonai nif fandumi mape la'ela'efi.”

Luk Nandaꞌafi 13:24

“Ipe' pepe la'ifipa penda' maol lu'unai endilisi, pefe' piwis uta sa'unai. Dei' main, epes hiesi anona nemaf si'i suwis nomon, ea' owa' la'ifisi.

Luk Nandaꞌafi 13:3

Ae' a'ipipa owa'etin endilisi! I'i ipe' owa' pemboma opalefa waf aonai ipe'inai, anona nemaf ipe' hipei pega' na'ama etin si'i esis.

Luk Nandaꞌafi 13:5

Owa'etin. I'i ipe' owa' pemboma opalefa waf aonai ipe' panda'anai, anona nemaf ipe' hipei pega' na'ama etin si'i esis.”

Jon Nandaꞌafi 1:13

Esis ina sataga awasi Godi ma waf bu'unai mamasas solasi, owa'etin. Esis ina sataga awasi Godi si'i ukup mamasasi ma'i ma selas, owa'. God atona nanda'as sataga awasi ananisi.

Jon Nandaꞌafi 3:3

Ea' Jisas nagwamana basef na'i, “Ae' a'ipina endilisi, emi epen God owa' nendan netaga dambaini, enin ina nambimb niowis wambota Godi numafian, owa'etin.”

Jon Nandaꞌafi 3:4

Ea' Nikodemus nahali'ana na'i, “Dei' amama hagasi sonda'am si'imama ma solas seataga dambais wapoti'? Esis sotanima suwis opalef mamasasi nomon, ama nambimb otanima olas wapoti'?”

Aposel 2:38

Ea' Pita na'ipas na'i, “Ipe' hipei pemboma opalef ipe'imi pila God ea' ipe' hipei atona etin pefa' baptaisa agel Dembinai Jisas Krais ma God nokwaha waf aonai ipe'inai. Ipe' penda'am na'ama, nambimb God nese'epa Ambal Bu'unai Ananinai nope nolomepa.

Aposel 3:19

Dei' ipe' pemboma opalef pila Goda nokwahomepa waf aonai ipe' panda'anai.

Basef Amama Pol Nandaꞌam Mafeꞌma Esis Romi 14:17

Waf anama sa' gwa'aimi embelanai, anama ina ofagena ma siowis wambota Godi numafias, owa'etin. Anama waf bu'unai naloma opalef awanemi maloma waf sandanifelamanai atona. Ambal Bu'unai Godi nase'apai waf anama.

Basef Amama Pol Nandaꞌam Mafeꞌma Esis Romi 8:2

Dei' main, pepel Ambal Bu'unai Godi nase'apa ambal namunai ape', anan natagahepa ma pepel waf aonai naloma pepel naga'i. Anan nanda'am na'ama ma Krais Jisas atona ea' mape la'ifipa ma anan dei' mape wafifipa.

1 Korin 15:50

Ipe' alupipei, dei' a'ipipa basef amama bu'wami. Epes etapasi anona nemaf ina la'ifisa siowis wambel Godi, owa'. Amamaga etapami higililami ina anona nemaf la'ifima mope la'ela'ef, owa'.

1 Korin 2:12

Ape' ina mofa' spirit ambal etapanai, owa'. Ape' dei' mofa' Ambal Bu'unai nape naloma God nafi'i ma mogawa amamaga maim God nase'apam na'ai.

1 Korin 6:11

Fowa' enipa panda' waf anama. Ea' dei' God nasa'opepa nosahe'epa ea' Ananipei etipa si'ipa. God nanda'epa pataga epes bu'upei ma naep Ananimi. Anan nanda'epa na'ama etina agel Dembinai Jisas Kraisi ma Ambal Bu'unai God ape'inai.

Galesia 6:15

Waf anama matopa' alop o owa' motopa' alop, anama falafunai atona. Ea' God nanda'apa mataga dambaipa, waf anama endilisinai.

Efesus 5:26

Anan nanda'am na'ama ma sotaga epes Godi etis bo'wes si'i nasa'opas embel sataga bo'wesa basef ananimi.

1 Pita 1:2

Fowa' gani Ahalomapa God nogawepa nosahe'epa ea' Ananipei. Ambal Bu'unai Ananinai atona nanda'epa pataga Ananipei etipa bo'wepa andeande'. Anan nanda'epa na'ama ma pila waf Jisas Kraisi Anan nasa'opepa esimbel ananimi pataga bo'wepa. Ae' a'i God nigiambamepago na'a nonda'epa petaga la'ifipa ma opalef ipe'imi mope awanema pepe si'ipa la'ela'efa waf anama.

1 Pita 3:21

Embel amama lu'wami mondola'wifa sofa' baptais migiambamepa pepe andeande'. Amama ina masa'opa alogwa alop atona ande', owa'. Amama anom basef endilisi la'ifimi ape' ma'iam maloma God, amama mataga mape opalef nomoni bo'om andeande'. Amama mofa'epa petanimani ma pepel anama atona Jisas Krais notanima nohafel.

1 Jon 2:29

Ipe' pegawa Krais Anan bu'unai andeande' endilisi. Ea' pegawa anom basef wapoti', emi egafis saila waf bu'unai andeande', esis awasi Godi.

1 Jon 5:1

Emi egafis sembale'efa Jisas anan Krais God nasapa'ana nafi'i, epes isima awasi Godi. Ea' emi egafis ukup maimaila ahalomas, esis ukup maimaila awasi ananisi wapoti'.