Jon Nandaꞌafi 3:3 - Basef Buꞌwami Godi

³ Ea' Jisas nagwamana basef na'i, “Ae' a'ipina endilisi, emi epen God owa' nendan netaga dambaini, enin ina nambimb niowis wambota Godi numafian, owa'etin.”

Jon Nandaꞌafi 3:3 Iomraidhean Croise

Matyu Nandaꞌafi 16:17

Ea' Jisas nagwamana basef Pita na'i, “Saimon, ine' nogalomana Jonai, ine' nendanifel endilisi. Dei' main, ina anona aman etapanai nihi'ambena basef amae' na'iam, owa'. Ahalome atona nape heveni nihi'ambenam na'iam.

Matyu Nandaꞌafi 19:24

Ae' a'i i'ipipa wapoti', anona mafin lu'unai kamel nuwis nil nagala sagundisa luwagufanai, anama wila ma niowis. Ea' amam nematawa amamaga hiamisi sefe' siowis kingdom Godi, sonda'am ahifim endilisi ma sefe' siowis. Eaf anama ahifina endilisi nikila' maol kamel nuwis nil nagala.”

Matyu Nandaꞌafi 21:31

Ea' dei' nogamana amama biam ananimi mamanama naila basef ahalomanai?” “Amam ma'i, ‘Nali'i.’ ” Ea' Jisas na'ipam na'i, “Ae' a'ipipa endilisi, amam amama mofa' takisi manda' waf aonai maloma nematawa wanda' waf aonai wanda' so'a wauli esis ea' sefe' suwis wambota Godi numafias sili' ma ipe'.

Matyu Nandaꞌafi 5:18

Ae' a'ipipa endilisi. Basef amama mope mefe'ma amamaga mape ilif etapi moloma otaga etap higililam hi'ilam. Anom basef tu'wanima amef sa'usa'umi moloma anom basef bandami mail nomona buk mi'uli Godi, amama mope la'ela'ef hihif na'ama etin mefe'ma maol hianai Godi netaga nendawalap hi'ilana.

Mak Nandaꞌafi 10:14

Ea' Jisas nati amam ma'i manda' na'ama, anan okom aona ma amam ea' na'ipam na'i, “Ipe' kwahowas awasi isima sifi'mai ae'. Ipe' ina pindaiwa'mas. Fa'asi sifi'mai ae'. Esis amam nematawa siowis wambota Godi numafias same' basef ananimi sailam si'i awasi isima.

Mak Nandaꞌafi 9:47

“I'i naep ipe'imi monda'epa pewa ma waf aonai, pigiam pekwahom. Atona etin mope ma piwis wambota Godi numafipa, pepe andeande' la'ela'ef. Na'ama naem anama nonda'epa panda' waf aonai nope, nofa'epa pefe' wambel aonai nif fandumi mape la'ela'efi.”

Jon Nandaꞌafi 1:13

Esis ina sataga awasi Godi ma waf bu'unai mamasas solasi, owa'etin. Esis ina sataga awasi Godi si'i ukup mamasasi ma'i ma selas, owa'. God atona nanda'as sataga awasi ananisi.

Jon Nandaꞌafi 1:5

Howalagon anama nanda' owamb howalagon. Ea' owamb ina naofeniagon, owa'.

Jon Nandaꞌafi 1:51

Ea' Jisas na'ipam wapoti' na'i, “Ae' a'ipipa endilisi, anona nemaf ipe' piti heven nindowsi' negal ea' amam ensel Godi molata misila'i ae' ataga epen endilisiwei.”

Jon Nandaꞌafi 3:4

Ea' Nikodemus nahali'ana na'i, “Dei' amama hagasi sonda'am si'imama ma solas seataga dambais wapoti'? Esis sotanima suwis opalef mamasasi nomon, ama nambimb otanima olas wapoti'?”

2 Korin 4:4

God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.

2 Korin 5:17

Emi egafis sope soloma Kraisi, God nanda' esis sataga dambais endilisi. Dei' peme' andeande'. Waf anama apinai asasinai hi'alana. Dei' saila waf dambainai.

Galesia 6:15

Waf anama matopa' alop o owa' motopa' alop, anama falafunai atona. Ea' God nanda'apa mataga dambaipa, waf anama endilisinai.

Efesus 2:1

Basef ipe'imi mape na'ama. Fowa' ipe' panda' waf naninani aonai nahepa paga'. Dei' main, ipe' ina pagawa God, owa'. Pesambalona panda' waf aonai.

Taitus 3:5

Anan ina okom napoma anona waf bu'unai ape' manda'anai dei' nofa'apai, owa'. Okom dahowinai ananinai atona nofa'apa motanimani. Anan nasa'opapa ea' mataga awasi dambaipai, Ambal Bu'unai Godi nase'apa ambal namunai ma ape'.

Jems 3:17

Ea' gawa nafi'i heveni nawalapa waf bu'unai na'ama. Waf nape nali'i, ukup epesi mope bo'om andeande'. Ea' waf bu'unai hianai wapoti' na'ama. Epes sape opalef awanema opalef etifim maloma enis epes. Ea' sanda' waf so'uso'umbilinai sati uwahipis endilisi ea' sanda' waf bu'unai ma sagiambama enis epes. Esis ina malogof biam sa'i anom basef, owa'. Sa'i basef endilisimi atom. Esis ina sanda' waf biefina sanifela enis sosambala enis, owa'. Esis ukup ma'i epes hiesi na'ama etin.

1 Pita 1:3

Ape' mefela agel Godi, Anan God Ahalomana Jisas Krais Dembinai ape'inai. Anan okom lu'unai nainailapa nati uwahipipa endilisi. Ea' nafela Jisas Krais nohafel hi'agif, amama atom God nanda'apa mataga dambaipa ma mope namepa mogawa endilisi anona nemaf Anan nofa'apa motanimani.

1 Jon 2:29

Ipe' pegawa Krais Anan bu'unai andeande' endilisi. Ea' pegawa anom basef wapoti', emi egafis saila waf bu'unai andeande', esis awasi Godi.

1 Jon 3:9

Emi egafis sape awasi Godi, esis ina sape sanda' waf aonai la'ela'ef, owa'. Dei' main, okom Godi nape opalef asasinai ea' esis awasi Godi. Ea' esis ina la'ifisa ata' sonda' waf aonai la'ela'ef, owa'.

1 Jon 5:1

Emi egafis sembale'efa Jisas anan Krais God nasapa'ana nafi'i, epes isima awasi Godi. Ea' emi egafis ukup maimaila ahalomas, esis ukup maimaila awasi ananisi wapoti'.

1 Jon 5:18

Ape' mogawa emi egafis sape awasi Godi, esis ina sape sanda' waf aonai la'ela'ef, owa'. Dei' main, Nogalomana Godi numafias andeande'ma pepel ananinai ma aman aonai ina nahambombagas, owa'.

1 Jon 5:4

Dei' main, emi egafis sape awasi Godi nanda'as sataga dambais, epes isima la'ifis sahagofa waf etapanai aonai. Ape' mombale'efa God dei' ape' mikila' wandaf mahagofa waf etapanai aonai.

Revelesen 3:14

Ine' da'a anom basef mofe'ma ensel anama numafi sios amam nematawa Kristen sape Laodisiai. Ae' ofagewe ma basef endilisimi awalapam mafe' andeande' basef hiami Godi. La'ela'ef awalapam andeande'. Ae' Dembiwei ma amamaga hiami God nanda'am mape ilif etapi maloma epes hiesi wapoti'. Ae' a'ipipago basef amama ipe'.