Jon Nandaꞌafi 3:21 - Basef Buꞌwami Godi

²¹ Emi egafis sanda' waf endilisinai safi'mai howalagon ma enis epes sitilis seagawa esis sape la'ifis la'ela'ef saloma God sanda' opeh ananimi.”

Jon Nandaꞌafi 3:21 Iomraidhean Croise

Jon Nandaꞌafi 1:47

Ea' Jisas nati Nataniel nafi'mai anan na'ipana na'i, “Niti aman anama Israelinai endilisi, aman bu'unai. Anan owa' ni'i anom basef baso'maimi.”

Jon Nandaꞌafi 3:20

Emi egafis sanda' waf aonai, sowa' alafugaha howalagon, esis sandaiwa'ma sifi'mai howalagon ma waf aonai esis sanda'anai neandawalap. Ea' dei' umbamahas sandaiwa'.

Jon Nandaꞌafi 5:39

Ukup ipe'imi mandanda' ma'i basef amama mape Buk Baibel mase'epa ambal namunai ipe' ma peape bo'wepa la'ela'ef hihif. Ea' ipe' patalifa basef amama peagawam ea' panda' maol lu'unai pagolopa basef amama hiami. Basef amama Baibelimi ma'i ae' mawalape. Owa'etin.

Jon Nandaꞌafi 7:17

I'i enin epen okom ni'i neanda' maol Godi si'i anan na'ianai, nambimb epen inima negawa basef ae' awalipasami mataga God o mataga Ae' atowe.

1 Korin 15:10

Ea' God atona okom nainaili nigiabame na'a nanda'e ape andeande'. Ea' dei' ae' ape. Anan nigiambame na'a, ae' anda' maol ape. Nanda'e la'ifiwi anda' maol Ananinai ikila' anom aposel. Ea' ina ae' atowe anda' maol, owa'. God nagiambame na'a, amama atom dei' ape anda' maol anama la'ela'ef.

2 Korin 1:12

Afa' wandanifel ma amamaga amama. Basef mape opalef ape'imi nomon mawalapa basef amama ma'ipafa wafe' waf bu'unai andeande' ma waf opalef bu'wami God naso' afa'. Gawa epes etapasi ina nawalapa waf anama ma afa', owa'etin. God nati uwahipifa endilisi nagiambamafa na'a dei' wanda' waf na'ama. Wanda' waf anama na'ama la'afena epes hiesi sape etap anae' ea' wanda'am na'ama hianai ma ipe'.

Galesia 6:8

I'i epen inima nenda' maol neloma wafa opaf apinai ananinai, nambimb waf anama atona nonda' epen inima awen nega' hegililan. Ea' emi egafis senda' maol seloma waf Ambal Bu'unai Godi, nambimb Ambal anama nowalapai ambal namunai ma epes isima sope andeande' la'ela'ef.

Efesus 5:9

Epes safe' alipi sawalapai waf bu'unai, endilisinai hianai.

Filipai 1:11

Ae' anda' betena waf bu'unai Jisas Krais nawalapanai nambimb nepe si'ina ma ipe', nese'ana agel lu'unai Goda epes hiesi siti pepel nafifili Ananinai.

Filipai 2:13

Dei' main, anan nanda' opeh opalef ipe'imi nomon. Anan atona nafela ukup ipe'imi ma nagiambamepa panda' opeh si'i Anan atona okom na'iam.

Kolosi 1:29

Ea' dei' maol ae'anai anda'ana lu'unai endilisi ma pepel hianai Kraisi nanda' maol la'ifinai la'ela'ef nomon opaf ae'anai.

Hibrui 13:21

Ae' a'i God nonda'epa la'ifipa nese'epa waf bu'unai hianai ipe' ma pila okom Ananinai atona. Ea' a'i Anan nonda' opalef ape'imi nomon ama mowalapa waf hianai bu'unai Anan okom na'inai ma pepel Jisas Kraisi atona. Ea' a'i epes hiesi sefela agel ananinai lu'una la'ela'ef hihif. Endilisi.

1 Pita 1:22

Ipe' paila basef amama, amama atom dei' manda' opalef ipe'imi bo'om. Ea' dei' ipe' panda' waf anama ukup maimailasanai panda'ana endilisi. Ipe' ina pembase'am alupupei ma alop atona, owa'. Dei' penda' waf ukup maimailasanai la'ifipa pikila' fowa' panda'anai. Ea' ukup mimila Kristen hiesi pindagigiambanama peloma esis.

1 Jon 1:6

I'i ape' mi'i mope ukup etifim molomana, ama ape' ata' mape manda' waf aonai si'i mape owamb atona, ape' mambaso'ma ape' atepa ma basef ape'imi maloma fe' ape'inai.

3 Jon 1:11

Ine' alupinai, ina nila waf aonai, hapainai. Nila waf bu'unai atona. Emi egafis sanda' waf bu'unai, esis epes Godi. Ea' emi egafis sanda' waf aonai, esis ina segawa God, owa'.

Revelesen 3:15

Ae' egawa waf hianai dei' ipe' panda'anai. Ea' egawa ipe' ina pohalepa, owa'. Ea' ipe' ina nifipa, owa'. Ae' a'i ipe' pepe pohalepa o pepe nifipa.