Jon Nandaꞌafi 3:11 - Basef Buꞌwami Godi

¹¹ Endilisi ae' a'ipina, afa' wa'i amamaga afa' wagawami, ea' wawalapa amamaga amama watolomi. Ea' ipe' pewa' alafugaha basef amama afa' wawalapami.

Jon Nandaꞌafi 3:11 Iomraidhean Croise

Matyu Nandaꞌafi 11:27

Ahalome ae'anai nanda' amamaga hiami hi'alam mape lagel ae'anai. Ina enin epen negawa ae' Nogalomana Godi, owa'etin. Anan atona nogawe. Ea' owa' enin epen negawa Ahalome, owa'etin. Ae' Nogalomana ananiwei atowe egawana. Ea' emi egafis ihi'ambasa Ahalomei, isima wapoti' esis etis sogawana.

Matyu Nandaꞌafi 23:37

O ipe' Jerusalem, Jerusalem, ipe' paha amam profet afumi, pakwaha otamba paha amam God nasapa'am mafi'mai ipe' maga'. La'ela'ef ae' a'i ekolasa ipe' epes hipei si'i awata numa'inai nowa'ani nogami nakolasam mawis mail behenagof ananimi. Owa'etin, ipe' pandaiwa'.

Luk Nandaꞌafi 10:22

Ahalome ae'anai nanda' amamaga hiami hi'alam mape lagel ae'anai. Ina enin epen negawa ae' Nogalomana Godi, owa'etin. Anan atona nogawe. Ea' owa' enin epen negawa Ahalome, owa'. Ae' Nogalomana ananiwei atowe egawana. Ea' emi egafis ihi'ambasa Ahalomei, isima wapoti' esis etis sogawana.”

Jon Nandaꞌafi 1:11

Anan nafi'i nataga ofagama etap hiagoma esis Juda, ea' epes hiesi Ananisi ina sogawana sa'i sofa'ana sembale'efana, owa'etin.

Jon Nandaꞌafi 1:18

Owa' anona epen nieti Gode. Owa'etin. Nogalomana anama Godi atotona natolona. Anan na'ama etin si'i God. Anan nape felefele' endilisi naloma Ahalomana ea' nawalapa basef ofagema ma ape' nihi'ambapa God.

Jon Nandaꞌafi 12:49

Dei' main? Ae' ina a'i anom basefa okom ae'anai atona na'iami, owa'. Ahalome ae'anai atona na'ipi basef amama mehip ea' a'ipasam. Ea' anan nasapa'e afi'i a'iam si'i okom ananinai na'iam.

Jon Nandaꞌafi 14:24

Emi egafis sandaiwa'ma ae'i, esis ina anona nemaf sila basef ae'ami andeande', owa'. Ea' basef amama ipe' pame'ami, amama ina ae'ami, owa'. Amama basef Ahalome God nasapa'e afi'i.

Jon Nandaꞌafi 3:12

Ae' a'ipipa amamaga amama etapami, ea' ipe' ina pegawam pembale'efam, owa'. I'i ae' iea'ipipa amamaga ilifami, nambimb ipe' pegawa pembale'efam pi'imama? Owa'etin.

Jon Nandaꞌafi 3:13

Ina enin epen etapani nealata gani heven, owa'. Ae' atowe. Ae' ataga epen endilisiwei ea' ae' atowe akwaha heven isila'i, ae' ma'uwi.

Jon Nandaꞌafi 3:3

Ea' Jisas nagwamana basef na'i, “Ae' a'ipina endilisi, emi epen God owa' nendan netaga dambaini, enin ina nambimb niowis wambota Godi numafian, owa'etin.”

Jon Nandaꞌafi 3:5

Ea' Jisas nagwamana na'ipana na'i, “Ae' a'ipina endilisi, i'i Ambal Bu'unai Godi owa' nenda'an dambaina embel, ina nambimb la'ifin niowis wambota Godi, owa'etin. Ea' i'i Ambal Bu'unai Godi nolan dambain, enin wilama niowis wambota Godi.

Jon Nandaꞌafi 5:43

Ae' afi'i agel Ahalome ae'anai, ea' ipe' ina pase'e opalef ipe'imi ma ae', owa'. Anona nemaf anona aman nifi'i ma agel ananinai atona, ipe' pi'i a'e pese'ana opalef anan.

Jon Nandaꞌafi 7:16

Ea' Jisas nagwamam na'ipam na'i, “Gawa anama ina gawa ae'anai, owa'. Gawa anama anona amani nasapa'e afi'i.

Jon Nandaꞌafi 8:14

Ea' Jisas nagwamama basef na'i, “Ae' a'ipasa basefa ae'. Ea' dei' basef amama ae'ami endilisimi atom. Dei' main, ae' egawa ae' ataga afi'ima ea' egawa anama anona nemaf eafe'ma. Ea' ipe' ina pegawa anama ae' ataga afi'ima, o anona nemaf eafe'ma, owa'.

Jon Nandaꞌafi 8:38

Ae' awalapa basef amama ma amamaga ae' aloma Ahalome ae'anai watolom, ea' a'ipipa basef amama, ea' ipe' panda'am si'i pame' ahalomepa ipe'inai na'ipipa.”

Aposel 22:18

Ea' ati Dembinai na'ipi na'i, ‘Ine' mehip nekwaha Jerusalem nefe'. I'i ine' newalapa basef Ae'ami na'ae, ina nambimb seme'ena, owa'.’

2 Korin 4:4

God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.

Revelesen 3:14

Ine' da'a anom basef mofe'ma ensel anama numafi sios amam nematawa Kristen sape Laodisiai. Ae' ofagewe ma basef endilisimi awalapam mafe' andeande' basef hiami Godi. La'ela'ef awalapam andeande'. Ae' Dembiwei ma amamaga hiami God nanda'am mape ilif etapi maloma epes hiesi wapoti'. Ae' a'ipipago basef amama ipe'.