Jon Nandaꞌafi 20:2 - Basef Buꞌwami Godi

² Ea' kotanima kwasagih kwafi'mai ae' aloma Saimon Pita wapoma, ae' alupuwei Jisasi anan okom nainaila ae'. Ea' kwa'ipafa kwa'i, “Enis epes safe' sofa' Dembinai nakwaha hi'agif safe'. Ea' afa' ina ogawana safe' sambe'ana enima.”

Jon Nandaꞌafi 20:2 Iomraidhean Croise

Jon Nandaꞌafi 13:23

Ae' alupuwei Jisasi, anan okom nainaila ae'i ape felefele'ma Anan.

Jon Nandaꞌafi 20:13

Ea' mahali'akw ma'i, “Nemata'w, ine' nalopa main?” Ea' akwa'w kwagwamama basef kwa'i, “Enis epes sofa' Dembinai ae'anai safe' ea' ina egawa anama safe' sambe'anama, owa'.”

Jon Nandaꞌafi 20:15

Ea' Jisas nahali'akw na'i, “Nemata'w, dei' maina ine' nalef? Ine' nagolopa emi?” Akwa'w okom na'i anona nanda' maol aofi. Ea' kwa'ipana kwa'i, “Dembinai, i'i ine' nefa'anama, ni'ipi anama nefa'ana nafe' nambe'anama.”

Jon Nandaꞌafi 20:9

Nogota anama afa' ina ogawa basef mail buk Baibel ma'i Jisas noga' notanima nohafel wapoti', owa'.

Jon Nandaꞌafi 21:20

Ea' Pita nandamboma nati ae', alupuwei Jisas okom nainailei, agi'mam afi'i. Ae' ma'uwi fowa' afa' wape wa' gwa'aimi ma indisi'ah felefele'ma Jisas ahali'ana a'i, “Dembinai, atuwasi emi ni'ipa naumbih ma nihi'ambama ine' neapoma?”

Jon Nandaꞌafi 21:24

Aman anama alupunai Jisasi ea' ae' ma'uwi. Ae' a'ipipa basef amama ma amamaga amama Jisas nanda'ami dei' anda'am mape buk anae'. Ape' Kristen mogawa basef amama ae' anda'ami endilisimi atom.

Jon Nandaꞌafi 21:7

Ae' alupuwei Jisasi anan okom nainaila ae', a'ipa Pita a'i, “Nanima Dembinai afa'inai.” Saimon Pita do'ok natagaha saket ananinai na'oh ea' nanda' maol, ea' name' basef amama nala saket wapoti' nukupa' nowala embel walemb batupa'manai nopaul nafe' embel.