Jon Nandaꞌafi 2:6 - Basef Buꞌwami Godi

⁶ Anom maloh lu'wami ma'oh felefele' ma anama. Maloh amama esis Juda saila mi'uli Godi sasa'ofami. Maloh amama wanom wanom otamba sanda'ami si'i dram lu'wami.

Jon Nandaꞌafi 2:6 Iomraidhean Croise

Luk Nandaꞌafi 16:6

Ea' anan na'i, ‘Darep wel lu'wami 100-peleim.’ Ea' na'ipana na'i, ‘Ine' mehip nepe niti tiketa wiaf nenda' amefa darep 50-peleim atom mil.’

Jon Nandaꞌafi 2:7

Ea' Jisas na'ipa amam manda' maoli na'i, “Ipe' pilai embel pekolo'wam maloh amama ma si'im endilisi.” Ea' amam molam si'im si'i anan na'ipam.

Jon Nandaꞌafi 3:25

Ea' amam alupumi Joni ma'i anom basef mape la'afena amam maloma anona aman Judainai. Amam ma'i basefa waf anama esis Juda sasa'of sowando' alogwa seape bo'wesa naep Godi.

Efesus 5:26

Anan nanda'am na'ama ma sotaga epes Godi etis bo'wes si'i nasa'opas embel sataga bo'wesa basef ananimi.

Hibrui 10:22

Amama atom dei' ape' mofe' felefele'ma Goda waf anama. Ape' mokwaha waf hianai baso'mainai ma opalef ape'imi ea' mombale'efana endilisi. Ukup mopoma Krais atona, Anan nakolo' esimbel Ananimi nasa'opa opalef ape'imi mataga bo'om. Basef mape opalef nomoni ina ma'iam ma'ipapa basef mihi'ambapa waf aonai ape' manda'anai, owa'. Ea' ape' ukup mopoma Anan nasa'opa alop ape'inai embel galagami.

Hibrui 9:10

Waf anama sondolalimana ofagema amama. Waf sa' gwa'aimi embel naloma waf sasa'of ma sotofa alogw awami sotaga bo'wesa naep Godi. Amamaga amama alop ando' atona, God nase'as mi'uli anama ma silam la'ela'ef sefe' sotagama nogota anama noho'ofa amamaga dambaimi.

Hibrui 9:19

Moses fowa' gani nali' na'ipa esis amam nematawa Juda hiesi basef hiami mi'uli Godi hi'alam, ea' nofa' esimbel bulmakau nogami maloma meme maloma embel maloma auf sipsipum akwahimi maloma lawag sa'unai sa'i hisop agof nalam dis esimbel amama malami neali'am embela amam nematawa isima hiesi saloma buk anama mi'uli anama Godi napeinai wapoti'.