Jon Nandaꞌafi 2:11 - Basef Buꞌwami Godi

¹¹ Anama pepel la'ifinai nali'i si'i God atona nanda'anai, dambadamba Jisas nanda'ana wambel Kana etap anama hiagoma Galili. Anan nihi'amba asisa pepel howalagon Ananinai. Ea' alupumi ananimi mombale'efana.

Jon Nandaꞌafi 2:11 Iomraidhean Croise

Jon Nandaꞌafi 1:14

Basef mataga epen ea' anan nape la'afena ape', ea' wati howalagon pepel Ananinai. Howalagon anama pepel Nogalomana atona, Ahalomana nasapa'ana nafi'i. Ape' mati amama nagiambamapa etin nanda'apa la'ifipa ma nihi'ambapa waf endilisinai nape si'ina ma anan.

Jon Nandaꞌafi 1:17

Fowa' God nase'ana mi'uli Moses ea' Moses nawalipas. Ea' Jisas Krais nikila' Moses nagiambamapa etin ma waf endilisinai.

Jon Nandaꞌafi 1:43

Wafilu Jisas na'i nefe' etap anama hiagoma Galili. Ea' nagolopa Filip natolona na'ipana na'i, “Ine' fi'i nila ae'.”

Jon Nandaꞌafi 1:50

Ea' Jisas nagwa basef na'i, “Do'ok ae' atilina nape lawag ofagena fik. Amama atom dei' ine' nombale'efa ae'. Endilisi, anona nemaf ine' niti anom amamaga la'ifimi mikila' amama.”

Jon Nandaꞌafi 10:41

Ea' amam nematawa hiesi safi'mai anan. Esis sa'i, “Jon owa' nonda' anona ikwaf la'ifinai, ea' basef ananimi hiami na'iama Jisas, amama endilisimi atom.”

Jon Nandaꞌafi 11:15

Ae' andanifel ma ae' ina alomana wape atagon nemaf anan naga'anai. Ama ipe' atuwasi peambale'efa ae'. Dei' afa' ofe'ma anan na'oma.”

Jon Nandaꞌafi 11:47

Ea' amam pris dambami maloma amam Farisi hiami mofala anom dambami mafi'i mandakolasa monda' kot. Ea' ma'i, “Afa' atuwasi onda' maina aman anama nanda' ikwaf anama la'ifinai hianai?

Jon Nandaꞌafi 12:18

Ea' epes hiesi same' basefa Jisas nanda' ikwaf anama lu'unai nafela Lasarus hi'agif. Ea' dei' safe' satolona.

Jon Nandaꞌafi 12:37

Jisas nanda' ikwaf la'ifinai hianai, ea' esis satolona. Ea' esis ina sembale'efana, owa'.

Jon Nandaꞌafi 12:41

Fowa' gani Aisaia nati pepel howalogon Jisasi ea' na'iam na'ama ma anan atona.

Jon Nandaꞌafi 14:13

Amamaga hiami ipe' penda' beten pihali'ana agel ae'anai, anona nemaf ae' enda'am. Ama Ahalome nofa' agel lu'unai ma opeh ae' nogalomana ananiwei anona nemaf enda'am.

Jon Nandaꞌafi 16:27

Ahalome atona okom nainailipa endilisi. Dei' main, ipe' ukup maimaila ae' endilisi, ea' ipe' pembale'efa ae' pegawa ae' ape aloma God afi'i.

Jon Nandaꞌafi 16:30

Dei' afa' ogawa ina ata' nape nehafa enin epen nihali'ina nili', owa'etin. Ine' negawa amamaga hiami ea'. Amama atom dei' afa' wambale'efa ine' nape naloma God nafi'i.”

Jon Nandaꞌafi 2:1

Anom nimeguf mafe'ma wenif, anona aman naso' ano'w nemata'w wambel anama Kana nape etap anama hiagoma Galili. Ea' mama'wana Jisasi kwape kwalomas kwati sandase'ama.

Jon Nandaꞌafi 2:23

Jisas nape Jerusalem ama nimeguf amama Pasovaimi, esis amam nematawa hiesi sati ikwaf la'ifinai anan nanda'anai ea' sembale'efana.

Jon Nandaꞌafi 3:2

Anona owamb nafi'mai Jisas na'ipana na'i, “Dembinai Tisa, ape' mogawa ine', God nasapa'ena nafi'i si'i Dembinai Tisa. I'i owa' God nope noloma anona epen, anan ina la'ifina neanda' maol anama la'ifinai ine' nanda'anai, owa'.”

Jon Nandaꞌafi 4:3

Ea' Jisas negawa amam Farisi mame' basef amama. Ea' anan nakwaha etap anama Judia netanima nafe' etap hiagoma Galili wapoti'.

Jon Nandaꞌafi 4:46

Anan netanima nafe' wapoti' nataga anona wambel Kana etap hiagoma Galili. Wambel anama fowa' namboma embel mataga si'i wain. Ea' anona agilinai nanda' maola dembinai kingi, nape Kana. Nogalomana ananinai awes nanda'ana na'oh anona wambel Kaperneam felefele'ma neaga'. Ea' agilinai anama name' basefa Jisas nakwaha etap hiagoma Judia nafi'i etap hiagoma Galili, ea' nafe'ma Jisas nahali'ana mehipa neafe' nonda' nogalomana ananinai bo'ona.

Jon Nandaꞌafi 4:54

Fowa' Jisas nakwaha etap hiagoma Judia nafe' nataga etap hiagoma Galili, ea' dei' nanda' ikwaf anama la'ifinai. Ikwaf anama nafe'ma bifi nanda' so'uso'win inima bo'wen.

Jon Nandaꞌafi 5:23

God nanda'am na'ama ma dei' esis amam nematawa hiesi safela agel ae' Nogalomanai ananiwei lu'una na'ama etin si'i safela agel Ahalomei lu'una. Emi egafis owa' seafela agel ae' Nogalomanai lu'una, amama ina safela agel Ahalomei God nasapa'e afi'i lu'una, owa'.

Jon Nandaꞌafi 6:14

Ea' esis amam nematawa sati ikwaf anama la'ifinai Jisas nanda'ana sa'iam sa'i, “Endilisi, anan profet anama sa'i niefi'i etap anae'.”

Jon Nandaꞌafi 6:2

Ea' amam nematawa hiesi safi'mai anan. Dei' main, esis sati ikwaf naninani la'ifinai anan nandana ma nanda' isima awes naninani nanda'asi sataga bo'wes. Ea' sailana safe'.

Jon Nandaꞌafi 6:26

Ea' Jisas nagwamasa basef na'i, “Ae' a'ipipa endilisi, ipe' ina ukup ma'i pepel ae' anda'anai dei' pafi'i pa'i petolowe, owa'etin. Ipe' ukup mapoma bret atona pagwa'anai ma opalef ipe'imi si'im, amama atom dei' pagolope pafi'i.

Jon Nandaꞌafi 6:30

Ea' esis sa'ipana sa'i, “Ine' nihi'ambapa maina pepel la'ifinai ma ape' matolona meambale'efena? Ine' nanda' maina maolan?

Jon Nandaꞌafi 7:31

Epes hiesi sape na'ae same'ana sembale'efana sa'i, “Nemaf anama Krais niefi'i, Anan nonda' maol la'ifinai. Maol Kraisi nambimb nikila' maol aman anama nanda'anai?”

Jon Nandaꞌafi 9:16

Ea' anom Farisi ma'i, “Aman anama ina naila mi'uli ma nemaf anama Sabat, owa'. Na'ama dei' anan ina aman Godi, owa'.” Ea' anom Farisi ma'i, “Anona aman nanda' waf aonai ina la'ifina ma neanda' maol la'ifinai si'i God nanda'anai, owa'.” Ea' amam Farisi mandawal biefim.

2 Korin 3:18

Ea' ape' hiapai dei' mape amagah wafimi, nafifili bu'unai Dembinai nafifima ape', ape' mififima enis epes. Ape' mape na'ama dei' Ambal Bu'unai Godi naho'ofa waf ape'inai ea' mandati si'i Dembinai ma nafifili anama nataga lu'una la'ela'ef nafe' etin nape. Amama mataga Dembinai atona, anan Ambal Bu'unai Godi.

2 Korin 4:17

Nimanimi amama matagamafai amama sa'osa'om endilisi ea' mape nogota bandana. Nimanimi amama anona nemaf mowalapai nafifili bu'unai endilisi gani heven la'ela'ef hihif. Pe anama bu'unai anona nemaf nikila' endilisi nimanimi amama so'umi dei'imi.

2 Korin 4:6

Fowa' gani God nati owamb atona na'i, “Lala notaga.” Dei' na'ama etin nanda' nafifili ananinai nataga ma afa' nanda' opalef afa'imi mafifil endilisi. Nafifili anama nihi'ambapa gawa ma nafifili pepel Godi nape la'ela'ef. Ape' mati anama ma waf Jisas Kraisi nafifili nataga amaga ananinai.

1 Jon 5:13

Ae' anda' basef mafe'mago ipe' pembale'efa agel Nogalomana Godi. Anda'ama ipe' pegawa dei' pefa' ambal namunai pape andeande' la'ela'ef hihif.