Jon Nandaꞌafi 19:4 - Basef Buꞌwami Godi

⁴ Ea' Pailat nawis ande' wapoti' na'ipa esis Juda na'i, “Ipe' peme'! Ae' dei' efa'ana afi'mai ipe' ma pegawa ae' ina ati anona waf aonai ma anan enda'mana basef, owa'.”

Jon Nandaꞌafi 19:4 Iomraidhean Croise

Matyu Nandaꞌafi 27:19

Pailat nape ipat anama sanda' kotanai, waulu'mana anani'wi kwanda' basef mafi'mai anan kwa'i, “Ina nenda' anom amamaga awami ma aman anama bu'unai, owa'. Ae' do'ok a'oh owamb andondo'ah atolona ea' efa' nimanimi lu'wami ma Anan.”

Matyu Nandaꞌafi 27:24

Ea' Pailat nogawa basef ananimi ina la'ifim nahianas, owa'. Na'ama esis sohafel sonda' wandaf lu'unai. Ea' Pailat nolai embel nasa'opa lagof ananimi ma naep esis amam nematawa hiesi nihi'ambas na'iam na'i, “Ae' ina ati ofagema owa'etina eha aman anama noga', owa'. Ofagema amama ipe'imi atom.”

Matyu Nandaꞌafi 27:4

Ea' na'i, “Ae' anda' waf aonai. Dei' main, awalapa aman anama bu'unai, owa' nonda' waf aonai, atuwasi neaga'.” Ea' amam ma'i, “Amama ina ofagema afa'imi, owa'. Amama ea' ofagema ine'imi atom.”

Matyu Nandaꞌafi 27:54

Kepten anama dembinai numafi soldia hiami naloma amam soldia mape mumafi Jisasi mati amamaga amama. Nogota anama mati amamaga mataga etap nasol etin napan, umbamaham endilisi ma'i, “Endilisi, aman anama nogalomana Godi.”

Luk Nandaꞌafi 23:4

Ea' Pailat na'ipa amam pris dambami maloma esis amam nematawa hiesi na'i, “Ae' ina ati anom amamaga awami ma epen anama, owa'. Ina ati anona waf aonai ma aman anama enda'mana anom basef, owa'.”

Luk Nandaꞌafi 23:41

Amam soldia maha afa' oga' andeande' wandahama waf aonai afa' wanda'anai. Ea' aman anama ina nanda' waf aonai, owa'etin.”

Luk Nandaꞌafi 23:47

Ea' kepten numafi amam soldiai naitu nati amamaga amama mataga, ea' nafela agel Godi na'i, “Endilisi, aman anama bu'unai.”

Jon Nandaꞌafi 18:33

Ea' gavman dembinai Pailat natanima nawis ipat lu'unai gavmani nomon. Ea' nofala Jisas nafi'i nahali'ana na'i, “Ine' king dembinai esis Judai?”

Jon Nandaꞌafi 18:38

Ea' Pailat nahali'ana na'i, “Basef amama endilisimi, maim basef?” Pailat na'iam na'ama ea' notanima nawis ande' esis Juda sapoma na'ipas na'i, “Ae' ina ati anom amamaga awami ma anan, owa'. Ina ati anona waf aonai ma eanda'mana basef, owa'.

Jon Nandaꞌafi 19:6

Ea' amam pris dambami maloma polisman amamumi ata' matolona, ma'iam mehip ma'i, “Undana nil lawag usi'inai tu'wanainai! Undana nil lawag usi'inai tu'wanainai!” Ea' Pailat nagwamama basef na'i, “Ipe' etipa fa'ana undandago. Ae' owa', ae' ina ati anona waf aonai anan nanda'anai ma enda'mana basef, owa'.”

2 Korin 5:21

Aman anama ina nanda' waf aonai ea' God nakolasa awami ape'imi hiami mafe'ma anan atona ea' ofagema ape'imi mapoma anan atona nofa'am. Anan nanda'am na'ama ma ape' mape la'ifipa maloma Jisas Krais mefa' waf ananinai bu'unai.

Hibrui 7:26

Dembinai pris anama la'ifinai endilisi ma nagiambamapa. Anan naila waf Godi bo'ona andeande', waf aonai a'ana. Anan okom bu'unai dei' nape laogona epes sanda' waf aonai. God nase'ana agel lu'unai nikila' ilif endilisi.

1 Pita 1:19

Anan natalipa natagahipa ma pepe wafifipa ma esimbel Kraisi atom. Esimbel amama bo'om lu'um endilisi. Krais naga' si'i fowa' gani esis saha sipsip noganai sondolalima God. Sipsip anama bo'ona endilisi ina anona melet natomana, owa'. Anan bo'ona endilisi.

1 Pita 2:22

“Anan ina nanda' anona waf aonai, owa'. Ina na'i anom basef baso'maimi ma malogel ananinai, owa'.”

1 Pita 3:18

Ipe' ukup mopoma Krais anan naga' nemaf atotona nakwaha waf aonai ipe' panda'anai ea' amama ma'um. Aman atotona bu'unai naga' ma nagiambama epes hiesi sanda' waf aonai ma nofa'as sefe'ma God. Alop ananinai, sahana naga'. Ea' ambal ananinai, nohafel nape namona.

1 Jon 3:5

Ipe' pegawa Krais nataga ma nakwaha waf aonai ape' manda'anai hi'alana. Anan ina nanda' anona waf aonai, owa'.