Jon Nandaꞌafi 17:3 - Basef Buꞌwami Godi

³ Ambal namunai anama ofagena anama. Esis sogawa ine' etina God endilisinai ea' sogawa endilisi ae' Jisas Krais, ine' nasapa'e afi'i.

Jon Nandaꞌafi 17:3 Iomraidhean Croise

Mak Nandaꞌafi 9:37

“Emi egafis sese' opalefa siegiambama enin sa'usa'win si'i ini' ma okom ananinai nopoma Ae', esis sase'e opalef Ae' wapoti' sagiambame. Ea' emi egafis sigiambama ae'i, ina sagiambama Ae' atowe, owa'. Esis sagiambama anan nasapa'e afi'i wapoti'.”

Luk Nandaꞌafi 9:48

Ea' na'ipam na'i, “Emi egafis sese' opalefa sigiambama enin sa'usa'win si'i ini'i ma ukup asasimi mopoma Ae', esis sase'e opalef Ae' wapoti' sagiambame. Ea' emi egafis sagiambama Ae'i, esis saso' opalef Anan nasapa'e afi'i wapoti'. Dei' main? Emi egafis sepe agof a'asi la'afena ipe' hipei, esis sape dembesi sali'ma ipe'.”

Jon Nandaꞌafi 14:26

Ea' anan nigiambamepa ma nonda'epa la'ifipa, anan Ambal Bu'unai Godi. Anama Ahalome nambimb nesapa'ana nifi'i ma agel ae'anai. Ea' nowalipipa ma amamaga hiami, nefela nomonas ipe'imi ma ukup mopoma basef hiami ali' a'ipipami.

Jon Nandaꞌafi 17:18

Fowa' ine' nasapa'e afi'i ape la'afena esis amam nematawa saila waf etapanai. Dei' na'ama etin ae' wapoti' asapa' esis ae'asi sofe' la'afena esis isima saila waf etapanai.

Jon Nandaꞌafi 17:21

Ahalome, ae' anda' betena esis isima hiesi sope ukup etifim si'i ine' Ahalome nape naloma ae' ea' ape alomena. Ea' na'ama etin, anda' betena esis sope afa' biafa. Ama amam nematawa saila waf etapanai sombale'efa ine' etina nasapa'e afi'i.

Jon Nandaꞌafi 17:23

Ine' nape naloma ae', ae' ape aloma esis, ea' na'ama etin ae' okom na'i esis sotaga ukup etifim endilisi. Ama esis amam nematawa etapasi sogawa ine' nasapa' ae' afi'i, ea' ine' okom nainaila esis endilisi si'i ine' okom nainaila ae'.

Jon Nandaꞌafi 17:25

Ahalome bu'unai endilisi, esis amam nematawa saila waf etapanai ina sogawa ine'. Ea' ae' egawa ine'. Ea' esis amama alupisi sogawa ine' nasapa'e afi'i.

Jon Nandaꞌafi 17:8

Basef hiami ine' nasi'iami, amama ae' a'ipasam ea' sofa'am sogawa endilisi fowa' ae' ape alomena afi'i. Ea' sombale'efa basef amama ine' nasapa'e afi'i.

Jon Nandaꞌafi 3:17

God ina nasapa' Nogalomana ananinai nafi'i etap anae' ma neanda'mapa basef, owa'. Anan nasapa'ana nafi'i ma nofa' ape' epes hiapai mape etapi motanimani.

Jon Nandaꞌafi 3:34

Aman anama God nasapa'ana nafi'i anan nawalapa basef Godi. Ea' God nase'ana Ambal Bu'unai Ananinai nape si'inama anan.

Jon Nandaꞌafi 5:44

Ukup ipe'imi ma'i mefa' agof lu'wami ma sahopepa owapepa ipe'imi atom. Ea' God owa'. Na'ama ipe' pembale'efe pi'imama? Owa'etin.

Jon Nandaꞌafi 6:57

Ahalome ambal namunai napainai nasapa'e afi'i, ea' ae' dei' ape ambal namunai Ahalomei. Ea' na'ama etina emi egafis seagwa' alop noloma esimbel ae'ami esis nambimb sofa' ambal namunai sope la'ela'ef ma pepel ae'anai.

Jon Nandaꞌafi 7:29

Ea' ae' egawana. Dei' main, fowa' ae' alomana wape etifigin ea' anan nasapa'e afi'i.”

Jon Nandaꞌafi 8:19

Ea' amam mahali'ana ma'i, “Ahalomena ine'inai nape eti?” Ea' Jisas nagwamama basef na'i, “Ipe' ina pegawa ae', ea' ipe' ine' pegawa Ahalome ae'anai wapoti'. I'i ipe' pegawa ae, ipe' pegawa Ahalome ae'anai wapoti'. Owa'etin.”

1 Korin 15:34

Dei' ipe' pekwaha ukup amama masi'ipei, pitanimani ukup mopan andeande'. Ipe' ina penda' waf aonai wapoti', owa'. Ae' enda'epa ambagof aoma anom basef dei' a'ipipami. Enis epes ipe'isi ina dei' sogawa God endilisi, ata' owa' etin. Ofagema amama ipe' etipa.

1 Korin 8:4

Waf sa' mafis saham sondolali saso' god baso'omunai ina waf endilisinai, owa'. Waf anama ikwaf atona wafinai. Ina god baso'omunai nape, owa'. God endilisinai anan atona nape.

2 Korin 4:6

Fowa' gani God nati owamb atona na'i, “Lala notaga.” Dei' na'ama etin nanda' nafifili ananinai nataga ma afa' nanda' opalef afa'imi mafifil endilisi. Nafifili anama nihi'ambapa gawa ma nafifili pepel Godi nape la'ela'ef. Ape' mati anama ma waf Jisas Kraisi nafifili nataga amaga ananinai.

Filipai 3:10

Ae' a'i egawa Krais endilisi noloma pepel God nafelona nohafel hi'agif. Ae' a'i elomana ondao'oma ma waf anama ofa' nimanimi ma ofa' ukup etifim amama si'i Anan okom napoma nemaf anama naga'anai.

Filipai 3:8

Ae' ina a'i amamaga amama atom, owa'. Ae' okom napoma Jisas Krais atona Dembinai ae'anai ma amamaga hiami ali' anda'ami. Gawa anama endilisinai nikila'. Ea' ewa' alafugama amamaga amama hi'alam a'i falafumi atom si'i alufuta. Embale'efa Krais atona ape la'ifiwi ma Anan. Ae' andaiwa'ma efa' agel anama aman bo'awe ma mi'uli esis Juda sailanai, owa'. A'i efa' agel bu'unai na'ama. Ae' embale'efa Krais dei' God na'i ae' aman bu'uwei.

1 Tesalonaika 1:9

Dei' esis etis sa'i basefa ipe' pandanifel pa'i nemaf bu'unai ma afa' ea' pame' basef afa'imi fowa' afa' wanofa wafe'mago ipe'. Esis sa'i ipe' pakwaha amamaga amama ambagof awami fowa' ipe' panda' lotumami. Ea' pamboma opalef pafe'ma God. Ea' dei' panda' maola God endilisinai, owa' neaga'i, nape la'ela'ef.

2 Tesalonaika 1:8

Nemaf anama God nohambombaga esis isima sololama Anani soloma isima owa' sila basef bu'wami Dembinai ape'inai Jisas

Hibrui 3:1

Ipe' alupipei epes Godi, Anan nape ilif nofalipei, ipe' peme'. Ipe' okokoma Jisas, Anan aposel nape pris Dembinai ma waf naloma basef ofagema ape' ea' mombale'ef mawalipasami.

2 Pita 1:2

God nagiambamepa na'a nanda' opalef ipe'imi mape awanem. Ae' a'i amama mope si'ima ipe' ma eaf anama pegawa God naloma Jisas Krais Dembinai ape'inai.

2 Pita 1:3

Krais nofalepa ma pefa' pepel howalagon ananimi atom pelomana. Ama pepel God nase'anami atom anan nase'apa pe bu'unai amamaga amama bu'wami hi'alama mope andeande' mila waf Godi. Krais nanda'apa na'ama ma eaf anama mogawa anan atona.

2 Pita 1:8

Ipe' pegawa Jisas Krais dembinai ape'inai anan ofagonama waf anama hianai hi'alana. I'i waf anama nope ipe' la'ifipa notaga lu'una endilisi nikila' pali' panda'anai, gawa anama ipe'inai ina nambimb nepe na'a, owa'. Nambimb notaga nefe' lu'una nowalapai waf bu'unai hianai.

1 Jon 1:2

Ambal anama namunai nataga ea' afa' watolona naep afa'imi. Amama atom dei' afa' wawalipipa ma ambal anama nape la'ela'efi. Ambal anama fowa' nape naloma Ahalomapa dei' nataga alihina watolona.

1 Jon 1:3

Amamaga amama afa' watolom wame'ami dei' wa'ipipam ipe' wapoti' ma pepe ukup etifim pelomafa. Afa' wape wambota atona waloma Ahalomafa naloma Nogalomana ananinai Jisas Krais.

1 Jon 2:23

Emi egafis sowa' alafugaha Nogalomanai, esis sowa' alafugaha Ahalomana wapoti'. Ea' emi egafis saso' opalefa Nogalomanai, Ahalomapa nape nomona opalef asasimi.

1 Jon 4:6

Ea' ape' epes Godi. Emi egafis sogawa God, esis seme' basef ape'imi. Ea' emi egafis owa' epes Godi, isima ina same' basef ape'imi, owa'. Ea' amama atom dei' ikwaf anama nihi'ambapa ma mogawa epes isima. I'i Ambal Bu'unai Godi endilisinai nupais, seme' basef ape'imi. Ea' i'i ambal nambaso'mami nupais, ina seme' ape', owa'.

1 Jon 5:20

Ape' mogawa Nogalomana Godi nafi'i ma nose'apa gawa ma mogawa anan God endilisinai. Ape' mape la'ifipa ma Anan endilisinai naloma Nogalomana Ananinai Jisas Krais. God anama endilisinai anan ofagonama ambal namunai napaipa mape andeande' la'ela'ef hihif.