Jon Nandaꞌafi 17:1 - Basef Buꞌwami Godi

¹ Jisas na'i basef na'ama ma ea', naniga nati heven ilif nanda' beten na'i, “Ahalome, nogota nataga ea'. Dei' ine' nese'e agel lu'unai ae' nogalomena ine'iwei, ma atuwasi la'ifiwi ma efela agel ine'inai lu'una.

Jon Nandaꞌafi 17:1 Iomraidhean Croise

Mak Nandaꞌafi 14:41

Ea' anan nandamboma notanima nafe' wapoti' nanda' beten si'i do'ok nali' nanda' beten bif. Ea' notanima nafi'mai amam na'ipam na'i, “Ipe' papoma noma'w pa'oh etin? Dei' ipe' koh ea', hafel. Dei' nemaf anae' anona aman nifi'i nulumai anom amam awami mufi'i mowa' ae' ataga epen endilisiwei.

Luk Nandaꞌafi 18:13

“Ea' aman anama nefa' takisi naituwi laogon nandaiwa'ma niniga niti heven ilif, owa'. Naha mafata ananinai la'ela'ef na'i, ‘God, ae' aman anda' waf aonai, ine' niti ae' owahipiwi nigiambame.’ Ae' a'ipipa endilisi, aman anama nofa' takisi na'iam na'ama, anan bo'ona ma naep Godi. Ea' aman anama nali' nanda' beteni, owa'. Dei' main, emi egafis sefela agof asisimi atom, nambimb God nonda' agof asasimi mowala. Ea' emi egafis senda' agof mowala, nambimb God nefela agof asasimi lu'um.”

Luk Nandaꞌafi 22:53

Nimeguf hiami la'ela'ef ae' ape alomepa ipat lu'unai Godi awalapa basef bu'wami ma esis amam nematawa hiesi, ea' ipe' owa' peambale'e. Ea' dei' nogota anae' nemaf ipe'inai. Dei' waf anama owambunai a' nikila' ae'.”

Jon Nandaꞌafi 11:4

Ea' Jisas name' basef amama na'i, “Ina awes nanda'ana ma neaga', owa'. Anan awes nanda'ana ma esis sefela agel ae' Nogalomana Godi, ea' sefela agel Godi wapoti'.”

Jon Nandaꞌafi 11:41

Ea' esis selefatana owap anama ea' Jisas naniga nati ilif na'i, “Ahalome, ae' anifelina ma name'e. Ae' egawa ine' name'e la'ela'ef ea' ae' a'iam na'ama ma esis amam nematawa saitu anae' sembale'efa ae', ine' nasapa'e afi'i.”

Jon Nandaꞌafi 12:23

Ea' Jisas nagwamama basef na'ipam na'i, “Ae' ataga epen endilisiwei afi'i. Nogota anama nataga ea' God nihi'amba epes hiesi ma nafifili pepel ae'anai.

Jon Nandaꞌafi 13:1

Nemaf anama lu'unai esis Juda sa' gwa'aimi amama Pasova owa' ata' notagai. Jisas nogawa nogota ananinai nataga ea' ma nokwaha etap anae' nefe'ma Ahalomana. Ea' okom ananinai nainaila epes ananisi sape etapi endilisi. Na'ama dei' nihi'ambasa okom ananinai lu'unai nainailas.

Jon Nandaꞌafi 16:32

Ipe' peme'. Nogota felefele' notaga, endilisi nataga ea' ma sogalo'ma ipe' hipei atona etin pefe' wambel ipe'inai. Ea' pekwaha ae' atowe epe. Ea' ina ae' atowe epe, owa'. Ahalome nape nalome.

Jon Nandaꞌafi 7:30

Esis same' basef amama ananimi, opalef aoma anan sa'i sefa'ana sonda'mana basef. Owa'etin. Dei' main, nemaf anama ananinai ina dei' nataga, ata' owa'.

Jon Nandaꞌafi 7:39

Basef Jisasi ofagema ma'i Ambal Bu'unai Godi anona nemaf esis sembale'efana sofa'ana nupe nolomas. Nemaf anama Ambal Bu'unai Godi ine' dei' nape naloma enis epes sembale'efanai, ata' owa'. Dei' main, Jisas ata' owa' noga' nohafel wapoti' nofa' agel lu'unaima howalagon ananinai, ata' owa'.

Jon Nandaꞌafi 8:20

Ea' Jisas ata' nawalapa basef anama nomon ipat lu'unai Godi sanda' lotuwanai ma rum sambe' otamba moni sanda' ofa anai na'oma. Ea' ina anona aman nafe' nombalo'ana nofa'ana ma neanda' basef, owa'. Dei' main, nogota ananinai ata' owa' neataga.

Aposel 3:13

God anama bafapapa ape'imi Abraham naloma Aisak naloma Jekop manda' lotumanai, anan atona nanda'ana nataga bo'ona nafela agel Jisasi, nanda' maola Anani. Anan aman anama atona ipe' pandaiwa'mana pase'ana amam agufumi gavmani ma mahana naga'. Dembinai Pailat na'i notagahona nifi'i, owa'. Ipe'pandaiwa'mana pewa' alafugahana.

1 Pita 1:21

Anan atona nagiambamepa dei' pembale'efa God. Anan nafela Krais nohafel hi'agif nase'ana agel lu'unai Anan. Amama atom dei' pembale'efa God atona pegawa endilisi anona nemaf anan atona nofa'epa pitanimani.