Jon Nandaꞌafi 16:2 - Basef Buꞌwami Godi

² Anona nemaf esis sogalo'mepa ifagw esis Juda sa'i basef sapeimi. Anona nemaf notaga ma emi egafis sehepa pega', esis ukup mondanda' si'i sanda' maol bu'unai Godi. Owa'etin.

Jon Nandaꞌafi 16:2 Iomraidhean Croise

Matyu Nandaꞌafi 10:28

Ipe' ina umbamehepama esis soha alop atona neaga'i, ea' anona nemaf esis ina la'ifisa soha ambagof ipe'mi, owa'. Ea' ipe' umbamehepama aman anama la'ifinai ma noha alop si'ina noloma ambagof ipe'imi ma wambel aonai hel.

Matyu Nandaꞌafi 24:9

Amama motaga ma ea', esis sofa'epa ma sese'epa nimanimi, ea' sehepa pega'. Epes hiesi wambel hiagoma opalef aoma ipe' kwapete' endilisi. Esis sati ipe' paila basef Ae'ami na'ama dei' sahepa.

Luk Nandaꞌafi 6:22

Ae' ataga epen endilisiwei. Nambimb enis epes siti ipe' pila ae', esis opalef aoma ipe' endilisi. Ea' sowa' alafugaha ipe' sese'epa agof awami endilisi si'i ipe' epes aopai sindaiwa'mepa sogalo'mepa.

Jon Nandaꞌafi 12:42

Amam agufumi hiami mombale'efa Jisas. Ea', amam umbamahama amam Farisi dambami. Ea' amam ina mawalapa basef ma'ipasam alihim, owa'. Umbamahama amam Farisi mogalo'mama ina ata' moloma esis Juda monda' lotu wapoti', owa'.

Jon Nandaꞌafi 16:25

Ae' dei' a'i basef amama womun etina ipe'. Ea' ae' ina nambimb ata' i'ipipa basef womun etin, owa'. Nemaf anama ae' ewalapam alihim i'ipipam ipe' ma Ahalome.

Jon Nandaꞌafi 16:32

Ipe' peme'. Nogota felefele' notaga, endilisi nataga ea' ma sogalo'ma ipe' hipei atona etin pefe' wambel ipe'inai. Ea' pekwaha ae' atowe epe. Ea' ina ae' atowe epe, owa'. Ahalome nape nalome.

Jon Nandaꞌafi 4:21

Ea' Jisas na'ipakw na'i, “Nemata'w, ine' nembale'efa ae'. Anona nemaf neataga ipe' ina pefe' penda' lotuma Ahalome halaf anama, o penda' lotumana Jerusalem atogon, owa'etin.

Jon Nandaꞌafi 4:23

Ea' anona nemaf na'i neataga, dei' nataga ea' ma amam nematawa emi egafis sanda' lotu endilisi sonda' lotuma Ahalomapa Goda Ambal Bu'unai ananinai noloma waf bu'unai endilisi. Anan nagolopa amam nematawa na'amaisi ma sonda' lotumana.

Jon Nandaꞌafi 9:22

Esis mamasana ananisi umbamahasa amam agufumi Juda. Dei' sa'iam na'ama. Dei' main, amam agufumi Juda ma'i basef mandame'mam ea' ma'i, emi egafis si'i basefa Jisas si'i anan Krais, amam mogalo'mas ipat esis Juda sa'i basef sapeinai ma ina sonda' lotu sealomas wapoti', owa'.

Jon Nandaꞌafi 9:34

Ea' amam magwamana basef ma'i, “Endilisi, fowa' mama'wena kolaena ine' nanda' waf aonai atona. Ea' ina niwalipafa, owa'.” Ea' amam magalo'mana ipat anama esis Juda sa'i basef sapeinai, ina ata' nolomas nonda' lotu wapoti', owa'.

Aposel 5:33

Amam mame' basef amama, ukup wandafum kwapete'am endilisi ma'i moha amam aposel moga'.

Aposel 7:56

Ea' Stiven na'ipam na'i, “Peme'! Ae' ati heven nandawisi' ea' Dembinai nataga epen endilisinai naitu lagel da'isinai Godi.”

1 Korin 4:13

Esis sa'ipafa basef awami endilisi ea' afa' wagwamasa basef awanemi sa'osa'ombel. Wataga si'i alufuta awasimi endilisi ma etap hiagoma si'i alogw maimailami, si'i etap awagoma alufuta nana'oma. Fowa' gani wape na'ama etin wafi'i wataga dei'.

Filipai 3:6

Ae' okom nohafel la'ifiwi endilisi ma anda' opeh Godi. Fowa' anda' opeha aha esis sios amam nematawa Kristen. I'i epes sowaloge ma waf aila mi'uli anama, ae' ofagema a'e.

Revelesen 6:9

Sipsip noganai nahape' tep anama wapoti' nafe'ma wenif bifi nowa' buk, ati ambagof enis epes saga'i sape owina balata sondolalima Godi. Fowa' epes isima sombale'efa basef Godi la'ifis sawalapam sa'iam sa'ipasama Jisas Krais nagiambamas. Ea' isima sandaiwa'ma Godi sahas saga'.